سلام رديةٍ مثل الذهب للي وزنها=تنصى السحيمي حمد واللي يتابعنا تعمّه

ابو ثامر

السلام عليكم ورحمة الله وبركاته

بعد غيبه طويله ارى ان النفس اشتاقت لابداعك وحضورك المشرف

لذا ياسنايدي تحيزم والسابقه تظهر بيدها والعلم كبير وخطير وانت السبب

والوعد بعد صلاة العشاء ان لم يكن لديك مانع وهذي تراها الفاصله اما استمراريه او وداعيه وانت الحكم؟!
[poet font="Simplified Arabic,5,white,bold,normal" bkcolor="transparent" bkimage="backgrounds/3.gif" border="groove,4,gray" type=2 line=350% align=center use=ex length=0 char="" num="0,black" filter=""]


سلام رديةٍ مثل الذهب للي وزنها=تنصى السحيمي حمد واللي يتابعنا تعمّه

الحِله العامره ماقدرت منهو سكنها=ياكبرها كيف ترضاها على الضيف وتذمّه
[/poet]

[بنت وايل]

استاذي الجزل




بصفك ولاهان السحيمي

أرحب

ياحسين

بشرني عنك عساك بخير صدقني لا شفت أسمك

حضرت .. وتراى ماني ببعيد ومتابع طاروق جميل

غالي ياحسين وين مانزلت في كل حله مقدر ومحشوم

وننتظر ابو ثامر ونشوف العلم .


حفظكم الله جميعاً

بنت وائل

لاخلا ولاعدم

والله ان راعيت فزعه ووزعه؟

مير من يعين السحيمي وله بشاره

لاهنت

ابو شايع

تبقا يالمرحب

والله ماتعز الا من يعزك ويغليك

وانتم اهل مرحبا واهل العلوم الغانمه ياقحطان من غير قصور في الجميع

والله يديم عزك وتواجدك شرف ومكسب

لكن عاد وين السحيمي

هو الخصم والقاضي في نفس الوقت بدون قصور فيكم لكن هو ابخص بماصار

لاهنت ولعلي ما اعدمك

وافي ولانت بهافي ياعبدالله بن شايع

اخوك

ومحبك فالله

سهيرالليل

حسين الحارثي
ارحب يارجال وابوثامر مشغول
وعذره معه ..
وانت ترانا شايلين عليك بعض الشي
مبطين ماشفناك ولا مريت علينا
وجودك له ثقله الله يطول حياتك ولا عنك غناه ..

تحاياي

عريمان السبيعي

مرحبابك تراحيب الضيف الغالي

انت اخو وعزيز ولك وحشه ايضا ولشرواك من الرجال

وانا مشغول كذالك

وحبيت اني اتسلا مع اخي الغالي

ولكن دون جدوى

ارجو ان المانع خير

وانا طير طاير اليوم هنا وبكره هناك وهذا حال الضيف والرحال مثل اللي مستاجر وكل يوم يشد وينقل عفشه ان لم يكن له بيت ملك لن

يرتاح له بال ولو قال ماقال لكن الله كريم

الف شكر لك على هذا الاحتفاء والاطراء والان قد يطول غيابي اكثر واكثر ؟فلاتقلق

اخوك ومحبك فالله

سهيرالليل

سلام رديةٍ مثـل الذهـب للـي وزنهـا
تنصى السحيمي حمد واللي يتابعنا تعمّـه

الحِله العامره ماقـدرت منهـو سكنهـا
ياكبرها كيف ترضاها على الضيف وتذمّه

الله ياحسين

صح لسانك وابشر ياالقرم اليوم علومك علوم ..

الوعد الليله انشاء الله ..


تحياتي

بنت وايل

هلابك وبمتابعتك

تحياتي

ابو شايع

اررررحب وجودك شرف لنا

تحياتي

عريمان السبيعي

ارحب يابو مقعد وين انت يارجاااااال ؟

تحياتي ومتابعتك تنومسني

ابو بندر حسين الحارثي ..

هديء السرعه الى 120

وخذ نفس عميق ..وتعوذ من الشيطان وشد حزامك ..........

واستلم ..

وللأحاطة انا مسافر غدا للمزاين الى يوم السبت ..


[poet font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يامرحبا يالمسلم والجنايز في كفنها = لاتبهت القوم أنا طالبك في ذمتك ذمّه
وين انت غادي تجود بالفرس وأقضب رسنها = ترمي وتخطي وتالي وقتك الطارف تخمّه
[/poet]


,,,,,


,,

ابو ثامر

ابشرك اني متعوذ منه منذ مبطي

لكن حيل الله اقوى فيه ناس ماتعوذ منه؟


والحزام مشدود والفشك من الشبحه للشبحه ماس وثميدي

لكن متى الله يجيبك ويرد ك لنا سالم غانم وتطعمه وتروح باروده وانت حي؟

استلم لاهنت

[poet font="Simplified Arabic,5,white,bold,normal" bkcolor="transparent" bkimage="backgrounds/3.gif" border="none,4,gray" type=2 line=350% align=center use=ex length=0 char="" num="0,black" filter=""]

دام البقا يالمرحب والذبيحه في صحنها=لكن كانك شجيع الماس والبارود شمه


قالو لنا العاصمه ماعاد تفرق عن مدنها=من عقب عشش بها الاربهاب والشر فار دمه
[/poet]

[poet font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]

تقولها يالحسيكي وانت ماتقدر ثمنها = ودايم تهجّم وتضْوِي كل يوم لك مطمّه
العاصمه في ذرى شيخٍ يذود الشر عنها = حاش المراجل وشمل القوم يارجال لمّه
[/poet]

يالليل ياليل

معنى وطاروق وشعار من الوزن الثقيل

وعسى الله يسد الشان ويصلح مابينهم<<<<<< واحد يبغى ينشبهم


تقبلوا تحيتي