غـايـةٍ مـفـقـودة

[align=center](( غـايـةٍ مـفـقـودة ))[/align]

[align=center] محاورة جرت بين الشاعرين شعيل ثقل الهاجري و جبار مقعد بن جبر السبيعي [/align]

[poet font="Arial,5,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
شعيل :
عد نون في مقاديمه تحن ارعوده=يا سلام الله قبل دق الكلام و جله
الحقيقة يـا سـبيعي غايةٍ مفقوده=داخ راسي ماش دكتورٍٍ يداو العله

جبار :
لا تهيض صاحبك حتى تبيح أسدوده=الكلام و مرحبا مافيه عقـد يحله
ينـتهي عمر البنآدم ما بلغ مقصوده=يا عسانا من هل السنة جنود المله

شعيل:
كل شيٍ له حدود و للكلام احدوده=وأن تعدى الحد لابد الخطا و الزله
من يحل المشكله واعقودها معقوده=والنظر مجرود واضح والنجوم مطـله

جبار :
من حسب يالهاجري نقص الكلام و زوده=قام حد الحد ضد اللي يجي به خله
تعرف إنا يا شعيل سيوفنا مجروده=للعدى و أفـعـالـنـا و اقـوالـنـا بـســم الله


شعيل:
الكلام الزين له عشاقته و شهوده=والكلام الشين لا قدك و لا قد له
أنت شاعر جبت لك معنى وقوده قوده=لا تهوز و تلتفت بين الضفر و الذله

جبار:
الوجوب الرجل مايترك سلوم اجدوده=بالفداء والتضحيه صرح الوفا يحتله
لا سمعتم علم صامل ما بخل في جوده=العقود انحلها واللي يحل أفتله

شعيل:
واجب المسلم يراعي خالقه معبوده=مايراعي يا بن صامل خلق من خلق الله
وان تهرج ماهرج بالكلمة المنقوده=وان وعد يوفي بوعده والوفا طبعٍ له

جبار:
ناصر الله ينصره و الله نصير اجنوده=والمعزه في لميع اسيوفه المنسله
الحقيقه للصحاح احبالها ممدوده=و ناس يرجون الوعود احبالها منفـله


[/poet]

بيض الله وجهــــــــــك يابو محمد


وصحت ألسنة الشاعرين




تقبل التحيه والتقدير




أخوك

مفرح بن بداح

صح لسانك يابومحمد
وصح لسان شعيل
تحاياي

أبو عبدالله

يسعدني تواجدك ورأيك يهمني

شكراً على ردك الجميل ومرورك الكريم

وفقك الله لما يحب ويرضى

نقدم لك التهنئه بقدوم الشهر الفضيل

أعاننا الله جميعاً على صيامه وقيامه

عريمان السبيعي

يسعدني تواجدك ورأيك يهمني

شكراً على ردك الجميل ومرورك الكريم

وفقك الله لما يحب ويرضى

نقدم لك التهنئه بقدوم الشهر الفضيل

أعاننا الله جميعاً على صيامه وقيامه