الجبرتي & المسعودي

السلام عليكم ورحمة الله وبركاته


هذه محاوره جمعت الشاعرين .. محمّد بن شريف الجبرتي و عبدالله المسعودي ( رحمهم الله جميعاً وأسكنهم فسيح جناته )

وتم تسجيل هذه المحاوره في الإذاعه عام 1396هـ تقريباً

أترككم مع الإبداع


[poet font="Simplified Arabic,4,black,bold,normal" bkcolor="transparent" bkimage="" border="solid,4,gray" type=0 line=200% align=center use=ex length=0 char="" num="0,black" filter=""]
الجبرتي
أرسلت لك مرسول والمرسول وافاني وقال = وش بك تلزّم فالحبال اللي رموث حبالها
أنته تقضي في شطونك وإلاّ أنا مشغول بال = مشغولي بالي من برامجنا وحسن أمثالها
المسعودي
لو كان للطيّب مواري تظهره يا بن الحلال = يمديك تعرف طيّبين القوم قبل أفعالها
يا راعي الميزان ياللي قبل يوزن فيه مال = أشوف كِفّه ميّلت كِفّه ولا أدري مالها
الجبرتي
أنا ليا دقت هجوسي وإلتمس حالٍ بحال = أقضي علومٍ من ضميري ما تجيب بدالها
كم واحدٍ مثلك لبس له ثوب ومنكّس عقال = لكن ما يدري عن الديره وعن نَزّالها
المسعودي
كلٍّ يقول الحق عندي والله أولى بالكمال = وإن قلت هرجه شرهة الهرجه على من قالها
أحل يقلَّه روح وأحدْ يقال له روح وتعال = يالعود الأغشم لا تساوي روسها بأذيالها
الجبرتي
أنته يا (بن مستور) لو إنّك صري من بعض حال = أسمك مخيله يطرح الجدران من زلزالها
وأنا ليا صكّت عليك رجال فرّقت الرجال = لكن قول الله يخلّي للرجال رجالها
المسعودي
يا (بن شريّف) لا تعرّض للبوابير الثقال = خلّك لحالك والبوابير الثقال لحالها
يا خنجر الخدّاع ياللي من يمينه فالشمال = تهفي عن المقفي وترجع في نحر نقالها
الجبرتي
حنّا نبى نحمّلك وأنت اليوم ما فيك إحتمال = إلاّ ليا سوّيت لك حيله نبا نحتالها
واليوم ساعة جاك يا ذيب الغنم ذيب الجمال = يفرح ليا منه لقيها فالشعيب لحالها
المسعودي
حمّلت أمانه والأمانه ما تحمّلها الجبال = إن صنتها لا باس وإن وكلت يموت أكّالها
الذيب مثل الذيب وأنته لا أنت ذيب ولا خيال = إكل عشاك وروح غادي والذياب إصحالها
سلامتكم
[/poet]

بدر بن شريده

الف شكر لك على ولاهنت

صح لسان قائليها وناقلها

محاوره عقمالقه واساتذة في الفتل والنقض

رحمهم الله واسكنهم فسيح جناته وتجاوز عنهم خطاياهم انه ولي ذلك والقادر عليه


اخوك

سهيرالليل

رحم الله المسعودي والجبرتي

والله لايهينك على نقل مثل هذة المحاورات التي لن تتكرر