جاكم الذيب الذي يعوي عوي ***** ويل من وقّف بوجهه لا عوى ( حيا الله الجميع )

مساكم الله بالخير جميعا وترى الدعوى تسلية


زان بدع القاف والليل سروي ^^^ وتوّ ميزان القوافي استوى


جاكم الذيب الذي يعوي عوي ^^^ ويل من وقّف بوجهه لا عوى





************************************************************

مرحبا والحـبل حذرا يلتوي

......................واعرف انا بالهوى دايم سوى

يا ابن هيال أنت ضني مهتوي

......................تلعب الليله على نغم النوى

مرحبا ملايين بسهم المنايا ( ولو ان الاسم يخوّف شوي )


أشهد ان قلبك دليلك ما غوي ^^^^ والله يوفقك من درب الغوى


ايه انا هاوي وقلبي ما روي ^^^^ واعتقد ما فيه عيبٍ بالهوى





************************************************************

حياك الله يا ابن هيال ( ماعليك سهم تايواني )

أشرب أشرب لين حتى ترتوي

...................... كان قلبك تو مابعد ارتوى

أنت تبغيها طبخ والا شوي

......................ودك من الهبر والا بالشوى

حيا الله سهم المنايا وأهم شي لا تزعل ترى المسألة وناسة



ليه يا سهم المنايا تكتوي ^^^^ اصبر شويّه ونلقى لك دوا


وان تبي الفزعة تراني لك خوي ^^^^ وان نويت الشين لا مالك لوا






***********************************************************

لاتروح بعيد !!!!!!!!!!!!!

كفو والله .....


لاتطيح الا ليا انك مستوي

.....................وأحمد الله نجمنا ماقد هوا

قصدنا واضح ولي عزم قوي

.....................من بحر جده ليا اعيون الجوا

ما عليك زود ومرحبا بك الوف


علم طيبي صفحته ما تنطوي ^^^^ وكل واحد ماله الا ما نوى



وانصحك بالطيب والقصد السوي ^^^^ كم شجاع في ردى قوله ثوى







************************************************************

الله يديمه انشاء الله قول وفعل :

استلم طال عمرك :

العلوم الطيبه بك تحتوي

......................ياشجاع للمراجل قد حوا





صح الله لسانك يابن هيال ولنا لقا آخر اعذرني وراي دوام ولا نمت زين البارح ...

الله لايهينك ونوم الهنا والعافية ان شاء الله