Tweet
السلام عليكم ورحمة الله وبركاته
هذه المحاوره جرت بيني وبين الزميل / راشد فاروع
أرجو أن تحوز على رضاكم
[poet font="Simplified Arabic,4,black,bold,normal" bkcolor="transparent" bkimage="" border="solid,4,gray" type=0 line=200% align=center use=ex length=0 char="" num="0,black" filter=""]
راشد
هلا مرحبا من خاطرٍ ما يحوفه ضيق = وكلمه ينقدها وكلمه يصدقها
يا بدر الزمان يحدّنا يم نشف الريق = لو إنّه يجمّع ضيقة الصدر فرّقها
بدر
يدوم البقا من شاعرٍ ماهوب تلفيق = ينشّي مثل منشى المخايل وبارقها
لو إن الزمان يحدنا حد للتدقيق = فرقنا الجلايل ما تجي مع دقايقها
راشد
مزونٍ مطرها ما يجي وزن ربع بريق = تنشّي على طرّاف والكبد تحرقها
ترانا نعرف المزح والرزح والتعليق = وكب العلوم اللي علينا تلفقها
بدر
تنشّي على طرّاف وتسبّب التحريق ..! = أجل لو تنشّي فوقكم وش طرايقها ..؟
أنا ما هرجت إلاّ بهرجٍ عليك يليق = ولا أخاطب العالم على غير لايقها
راشد
لو إنقول علمك يا بدر معتبر ويليق = ما أصدّق علومك لين أميّز حقايقها
ثلاث اسنوات أطق راسك لكن ما تفيق = ورى الروس تمسحها وأنا أقول حلّقها
بدر
أنا ما حضرت أطلب شهاده ولا تصديق = تراني ما أجيب الكلمه إلاّ موثقها
ثلاث اسنوات ترف بالريش للتحليق = ولا أدري متى يطلق جناحيك عايقها
راشد
بغينا تجيب العلم وتوثقه توثيق = لكن في يدك جبهتك يا بدر تفلقها
سوات الجمل وإلاّ الجبل مع حضن وطويق = ولي وقفةٍ كلٍّ يحسّب دقايقها
بدر
أثرك أنته اللي صدق تستاهل التصفيق = تريّح قبل جبهتك أليّن مطارقها
أنا أقول جعل الله يكتب لك التوفيق = لو إنّك تصير امع الزمل من علايقها
راشد
وأنا أقول هذا الرجل يستاهل التعليق = علشان عينه صوبنا ما يبحلقها
أنا ماني إعلاقه وبعطيك خبز رقيق = علشان يمكن قافلتنا تعانقها
بدر
أنا خابرك علّتك يا الفرت بالتشريق = ما ترتاح لين إتفَـك شوتتك تشعقها
أعانقك فالمطرق وأحمّلك ما لاتطيق = ولا أرحمك لو العين فالدمع تغرقها
راشد
مزوح الأخوّه ما تسبّب لهم تفريق = عسى الله يوفق حكمتك لين تطلقها
سلامتكم
[/poet]
تحيّاتي للجميع
أخوكم / بدر
هذه المحاوره جرت بيني وبين الزميل / راشد فاروع
أرجو أن تحوز على رضاكم
[poet font="Simplified Arabic,4,black,bold,normal" bkcolor="transparent" bkimage="" border="solid,4,gray" type=0 line=200% align=center use=ex length=0 char="" num="0,black" filter=""]
راشد
هلا مرحبا من خاطرٍ ما يحوفه ضيق = وكلمه ينقدها وكلمه يصدقها
يا بدر الزمان يحدّنا يم نشف الريق = لو إنّه يجمّع ضيقة الصدر فرّقها
بدر
يدوم البقا من شاعرٍ ماهوب تلفيق = ينشّي مثل منشى المخايل وبارقها
لو إن الزمان يحدنا حد للتدقيق = فرقنا الجلايل ما تجي مع دقايقها
راشد
مزونٍ مطرها ما يجي وزن ربع بريق = تنشّي على طرّاف والكبد تحرقها
ترانا نعرف المزح والرزح والتعليق = وكب العلوم اللي علينا تلفقها
بدر
تنشّي على طرّاف وتسبّب التحريق ..! = أجل لو تنشّي فوقكم وش طرايقها ..؟
أنا ما هرجت إلاّ بهرجٍ عليك يليق = ولا أخاطب العالم على غير لايقها
راشد
لو إنقول علمك يا بدر معتبر ويليق = ما أصدّق علومك لين أميّز حقايقها
ثلاث اسنوات أطق راسك لكن ما تفيق = ورى الروس تمسحها وأنا أقول حلّقها
بدر
أنا ما حضرت أطلب شهاده ولا تصديق = تراني ما أجيب الكلمه إلاّ موثقها
ثلاث اسنوات ترف بالريش للتحليق = ولا أدري متى يطلق جناحيك عايقها
راشد
بغينا تجيب العلم وتوثقه توثيق = لكن في يدك جبهتك يا بدر تفلقها
سوات الجمل وإلاّ الجبل مع حضن وطويق = ولي وقفةٍ كلٍّ يحسّب دقايقها
بدر
أثرك أنته اللي صدق تستاهل التصفيق = تريّح قبل جبهتك أليّن مطارقها
أنا أقول جعل الله يكتب لك التوفيق = لو إنّك تصير امع الزمل من علايقها
راشد
وأنا أقول هذا الرجل يستاهل التعليق = علشان عينه صوبنا ما يبحلقها
أنا ماني إعلاقه وبعطيك خبز رقيق = علشان يمكن قافلتنا تعانقها
بدر
أنا خابرك علّتك يا الفرت بالتشريق = ما ترتاح لين إتفَـك شوتتك تشعقها
أعانقك فالمطرق وأحمّلك ما لاتطيق = ولا أرحمك لو العين فالدمع تغرقها
راشد
مزوح الأخوّه ما تسبّب لهم تفريق = عسى الله يوفق حكمتك لين تطلقها
سلامتكم
[/poet]
تحيّاتي للجميع
أخوكم / بدر
تعليق