سلام ردية غلا

[الهوجاس]

السلام عليكم ورحمة الله وبركاته
تحية طيب وشوق كبير من أخوكم الهوجاس ، واللي وده باللعب الله يحييه ،،،،،،

سلام ردية غلا كلها حشمة وتقدير
من هاجسي صدّرتها لاجل خطلان الآيادي
الشر لاهل الشر والخير مرجوعه على خير
واللي معه سلعة ثمينة يورّدها المزادي

عليكم السلام ورحمة الله وبركاته
مرحبا ومسهلا

أهلا هلا..يامرحبا بالضيوف وبالمسايير === ترحيبة العربان يابو مناحي بالعيادي
أنته هنيا ماتشوف البنادم بالمناظير === حتى تدور وين الأصحاب وتخلي الأعادي

[الهوجاس]

المرحب يبقى

تبقى ياحمر عين ، والمعذرة ترى توي جاي

لكن اسمع :
وابك البقا ياللي ترحب عدد ما رفرف الطير
والعلم لاهل العلم ياصاحبي ضلعٍ سنادي

علم لفا : ياجوج ماجوج وردوا جمة البير !!

وسنجار الضلع الشمالي تحدّر للبلادي

لاصرت تعذر عن تأخير يوم ..
أنا وش تبيني أقول؟

العلم يا أهل العلم ماهوب يشرى بالدنانير === ماله لك الله غار بذل السبب والإجتهادي
والآدمي ماله وسيله على حكم المقادير === أمر الله اللي يظهر الحي من صلب الجمادي