جنون البارح ؟؟حمد الحسيمي وحسين الحارثي( محاورتين في آنٍ واحد بدون ردود )

[poet font="Simplified Arabic,5,white,bold,normal" bkcolor="transparent" bkimage="backgrounds/22.gif" border="double,4,gray" type=2 line=350% align=center use=ex length=0 char="" num="0,black" filter=""]
حسين الحارثي
ياسلام الله سلامٍ مثل نجمٍ جـاي هـاوي=والنجوم مسخره من ربها جـلا جلالـه

وين ابو ثامر حمد يقرب مادام انه نداوي=والنداوي في يدين الله وثم إيدي حبالـه

حمد السحيمي
مرحبا ترحيبة تضفي على كبـار العـزاوي=وان سمعت الحارثي غنيت لالـه يالالالـه

ان قربت من السحيمي ذي من اكبار المناوي=والنداوي فـي مراقيبـه ولا حـي رقالـه
حسين الحارثي
البقا ياللي ترحب وانت من قوم الهقاوي=وانت لن غنيت لاله مانقل صابك جهاله

الحسيكي مرك وطافك ولاله بك حراوي=علم اللي مايعرفه لايجي صوبه وجالـه

حمد السحيمي
هات علم وخذ علوم وقلنا ويش انت ناوي=وادري ان اللي طرالي يمكن انه ماطراله

الحسيكي لو يطيح اليوم بيطيح متسـاوي=هو غريمي لو يطول الوقت ماادور بداله
حسين الحارثي
قالو انك يالسحيمي تالي ايامـك شـواوي=والشواوي مايعرف يخط فالصفحه مقالـه

الحسيكي ينظر إلكم نظرة ابخيت العطـاوي=حتى لو ماتحملو ن الحرب وسيوف البساله

حمد السحيمي
الشواوي يا ابيض الشارب دعاويه دعـاوي=ماسمع دق الطبول ولا تسمع فـي اصالـه

والسحيمي تارد حباله على العـد الرهـاوي=وانت شاعر نحسب حسابه ليا من جاء مجاله
حسين الحارثي
آه يانجد العريض اللي غدا مدهر سنـاوي=والسبب جاء من هله والسحب مايمطر خياله

ادري انك يالونيت إتكد وتسمـى عـراوي=مير ما تلحق للفكسارت وجمـوس الوكالـه

حمد السحيمي
راحت العالم يابو بندر وذيب الضلع عـاوي=وانت في مكه وجـده سالـيٍ وقتـك ودالـه

ماتطالع فالنجـوم وصايـر سيلـك نحـاوي=أشرب الصافي وطع شوري ولا تشرب حثاله
حسين الحارثي
لاتجلي عن سؤالي والسؤال إلكم مداوي=الصديق اللي صدقك بفعله ومنهج سؤاله

يانجومٍ حولة والسر فالامـر السمـاوي=القمر غطا عليها حتى لو بـاول هلالـه

حمد السحيمي
كاشخٍ بالغتـره البسـام والبشـت الحسـاوي=ومن نضر في صورتك قال إن ذا صعب مناله

لنت ابو زيد الهلالي ولنت من قـوم الفتـاوي=شاعرٍ ينقز على الشعـار مـن كثـرة هبالـه





.
((((المحاوره الثانيه في نفس الوقت))))))




..
حمد السحيمي
لاتروح بعيد يالحارثي خللك قريب=دامك اللي ولع النار في مشهابهـا

الشبب قدام عينك وتبشر ياشبيـب=من يولع نار فتنه ترى يصلابهـا

حسين الحارثي
مانويت اروح وانا لكـم سـم وطبيـب=كـل حيـه قالـعٍ يالسحيمـي نابهـا


الشبب قدم لك ورحت من زود ه صويب=والحريقه ولعت وانت ظمـن احطابهـا

حمد السحيمي
ياطبيب أهل الهوى داو عينك لا تعيـب=وان عمت عينك ترى منك وانت اسبابها

ذيب ياللي فوق راس الجبل يقنب قنيب=جاك رمية بندقٍ ما حسبـت احسابهـا

حسين الحارثي
انت تبغانا نصلب على راسك صليب=ياخساره يالحـى ماتعـز اشنابهـا


ذيب ومقابل لي الليله مع الدرب ذيب=والذياب انواع والفرق كبر ا0000

حمد السحيمي
انت بك جرح ندي وانت بك جرح عطيب=تحسبنـي سلـعـةٍ جابـهـا جلابـهـا

لاتوهق فالجبل والجبـل رقيـه صعيـب=والذيابـه قـدم عينـك تحـد انيابـهـا

حسين الحارثي
انا شاعر مالحقني ترى شكٍ وريب=والنفوس اللي مريضه دواي اولابها


الجبل فوقه كواكب مضيئه ماتغيـب=والصواعق ترجفه والله اللي جابها

حمد السحيمي
شفت انا وادي الكظامه وله شكل عجيب=مدهل اهل الطيب قـومٍ تحـد احرابهـا

لاتعصب وانت وضعك يابو بندر عصيب=سرّها والسالفـه سـرّ وانـت ادرابهـا

حسين الحارثي
مثل ماشفنا تباله وتثليث الغريـب=والكضامه دونها قـوم ماتهقابهـا

لن تعصبنا وقابل حريبٍ مع حريب=والله انك اول اللي تشال ارقابهـا

حمد السحيمي
لنت ابن عم ولا انته يابو بنـدر نسيـب=ومامعـك حجـه عليـه تفـل كتابهـا

ان ضميت الليه اشرب من الماء ياشريب=ولاتـورد كلمـةٍ ماعرفـت اعرابـهـا

حسين الحارثي
انا لاطالب ولاني لبو ثامـر طليـب=مير ابكحل له عيونه واحت اهدابها

ان ضمينا منت عد الروى ياهالقليب=شرهتي على سوانيك مع جذابهـا

[/poet]

مهيب جنون وبس الا حماس فوق المعدل بدرجه

بس حقيقه المحاوره معك يابو بندر لاها طابع خاص ومتعه غير شكل ..

تقبل تحياتي على جهودك المبذوله

ابو ثامر

والله انت صاير هجومي درجه اولى وانا هالايام صاير دفاع والحرب كر وفر ولابد ما تدرو رحاها عليك انت والحمالي في الايام القريبه

انت لانك هاجمتني البارح والحمالي لانه انسحب حتى لو انه عنده ضروف
هههههههههههههه

لاتصدقوني امزح

انتم اعلام الشعر واهرامه واساتذته يعلم الله

واللعب معكم شرف ومكسب وتعليم

لذا

يابو ثامر حالو تخفف من جنونك او تعتق بعضها لانك في غنا عن الكثير والكثير منها

تحياتي

اخوكم

ياوالله الليل ياشعراء

صحت السنتكم

انا لي كم ليله ادور الجن حقيني ماني لاقي ولا دعمري منهم واثركم مكوشين عليهم حسبي الله عليكم

تكفون فكو واحد وانا اتولاكم في 4 محاريف على ساق هههههههههههههه

بيض الله وجيهكم والله من ذلتي منكم اتهددكم

على مستوى بصراحه ماكم عن ساحة الميدان عذر وانا الل ياسوي الحفله لكم

تقبلوا تحياتي

قمه

ومن افضل الطواريق


لاهنتوا


وصحت السنتكم

محمد الزويح

هلا فيك

الدعوجي

ابك انت من وين انتخشت هالمحاوره الي اكل عليها الزمان وشرب

اهب الله يهبيك في وجهك ذا

هههههههههههههه

ياحبني لك يابو عبدالرحمن

فديت خشمك

الجنون واجد عندكم لاسيما في شارع شهار ؟


ابو شهاب

لاعدمتك

ولاعليك زود

ويش جاب تثليث يالحارثي

والله اللي دور على حتفك


هين