على راس الحمالي رحاة الشر والخير

حمد الدحابيب

اللي يهيض وجودك

ومتابعتك الشيقه


لاهنت

وبيض الله وجهك

والله يجيب ابو ناصر الليله حتى ننهي هالصراع الحاد

ونفتك من الهم والغم والخوف منه


الى ذالك الحين

[poet font="Simplified Arabic,5,white,bold,normal" bkcolor="transparent" bkimage="backgrounds/22.gif" border="groove,4,gray" type=2 line=350% align=center use=ex length=0 char="" num="0,black" filter=""]
حسين الحارثي
سـلام الله سـلامٍ نزفـه للمناعيـر=رجال الجود والعرف بيضان السريره

على راس الحمالي رحاة الشر والخير=تدور وتدرج مثل ابو ثامـر وغيـره

سعيد الحمالي
هلا يامرحبا بك على قـل المخاسيـر=وعسى فالأمر خير وعسى فالأمر خيره

تحزم كان في رأسك الليلـه صعاطيـر=لو إنك مـا تكلفنـي حـزام وذخيـره

حسين الحارثي
يدوم اللك البقا وانت قدرك فوق ياطير=ومثلك لالزمته ما اعاد يطيـر طيـره

يا سواق التبيس التبيس معرقل السير=ياليتك تتركه للرجال اهـل البصيـره

سعيد الحمالي
الا يالحارثي ما تعبت من المشاويـر=مضى عمرك ولكن على نفس الوتيره

توبيس الخير يمشي على كف المقادير=ولا همه دوادي سميـر ولا سميـره

حسين الحارثي
انا قد المشاوير وانشد سالم الزيـر=اعوم البحر وارقا الطويلات العسيره

تقوله وانت ياسعيد في وخر الطوابير=بعد ماكنت في اول طوابير المسيـره

سعيد الحمالي
تمدح وأنت عايش حياتك في تعازير=حياتك ضايعه من حفيره في حفيـره

تعرف سعيد لامن ثني دون المعاشير=ولامنه كسر عظمكم مالـه جبيـره

حسين الحارثي
يابو ناصر ترى منت قد اطويق والنير=لو انك تنطح اطويق وتعـود لنيـره؟

أعرفك شهم وتحب ياسعيد المغاتيـر=واعرف ان القياده على مثلك كبيـره
[/poet]


هذه المحاوره لم تكتمل سوف نكملها الليله ان شاء الله

يوم الاثنين ليلة الثلاثاء

تابعونا الليله

وشوفو نهايتها

اخوكم الشاعر/حسين الحارثي

اخي حسين

اعذرني على الانقطاع ,صار لي ظرف طارئ


وصح الله لسانك على هذا المحراف الجميل والذي استفدت منه ومن اللعب معك كالعاده

سعيد الحمالي

هلا وغلا

انت عدت سالم غانم

معذور والدعوى

تسليه وتعليم من مثلك وشرواك

ولو اني كنت ابيك تكمل القاف حتى لايجبع كذا لكن فدا

سعدت باللعب مك

اخوك