الحارثي+السحيمي وتصفية حسابات ( بدون ردود )

[poet font="Simplified Arabic,5,white,bold,normal" bkcolor="transparent" bkimage="backgrounds/22.gif" border="double,4,gray" type=2 line=350% align=center use=ex length=0 char="" num="0,black" filter=""]
حسين الحارثي
ياسلام الله سلامٍ فيه طيب وفيه ريبي=طيب لاهل الطيب والا الريب للي فيه ريبه

يالسحيمي يالحمالي من يجي راسه يشيبي=واعذابه لن لزمته فالنداوي ثم شيبه

حمد السحيمي

مرحبا ترحيبة وانته ترى ما انته غريبي=والعلوم الطيبه منكم ترى ما هي غريبه


لاتهدد نا وتبعد خللـك الليلـه قريبـي=لاتناظر للبعيده وانت ما جبت القريبـه


حسين الحارثي
البقا وانته يابو ثامـر لنـا اخ و صحيبـي=مير اشوف ان الصحيب يمر ماينظر صحيبه

كلما جبت الذهب في سوقكم من مال جيبي=قام كـلٍ يسبـره لكـن مافـك إلـه جيبـه


حمد السحيمي
عندكم علمٍ غريب وعندكم علم عجيبي=والسوالف ما يفبركها سوى ناس عجيبه


لا تلبسنا ثياب الحرب ثم تصبح حريبي=والبنادم دم ضرسه لاتواجه مع حريبه

حسين الحارثي
اسمع العلـم الحقيقـي لاتـودي لاتجيبـي=وان بغيت توصله لسعيـد وده ثـم جيبـه


التعصب والتحيز حط مـن فوقـه صليبـي=وان تعصبتو ترو راسي من الروس الصليبه


حمد السحيمي
يانديبـي قـم وود العلـم بالله يانديـبـي=ما تخيب ضنون من مثلك على الشطه نديبه


دام ابو بندر حسين الحارثي ينحب نحيبـي=ما رضينا له ولا ودي ترى نسمع نحيبـه


حسين الحارثي
كل عله يالسحيمـي جالهـا منـا طبيبـي=وانت قلبك بإذن رب الكون ماغيري طبيبه


هيه ياذيبٍ براس اطويق جايٍ له قنيبـي=الرجال اهل البنادق ودهـا تسمـع قنيبـه


حمد السحيمي
وادي شدانه وصل سيله يابو بندر جذيبي=الله انه ينفـع بسيلـه ويكفيهـم جذيبـه


النداوي لو ينوشك مخلبه جرحك صويبي=لاتعنا وانت تدري قبلكم نـاس صويبـه


حسين الحارثي
وادي شدانه ليامنه حدر سيله صعيبي=الله انه لايجيبك في مناحيه الصعيبـه


انته اول عاشقٍ يعشق في الدنيا حبيبي=مير جا بعدك عشاشيقٍ وكلٍ مع حبيبه


حمد السحيمي
وادي شدانه غدى سيله مع الفرعه سريبي=ما سقا منهم على الوادي ولا ذاقو سريبـه


ماعشقنا غير علياء واعرف انها من نصيبيي=يوم بعض الناس قال ان الهلاليـه نصيبـه


حسين الحارثي
ادري انك يالسحيمي عارفه وايضا اديبي=وانا من صغري وانا احب الرياجيل الاديبه


انا عاشق للكرم والطيب وإمّاشا العريبـي=مير ليه انته تجاهـل للرياجيـل العريبـه


حمد السحيمي
بين مكه والهدى ما عشت في حر اللهيبـي=في سموم القيض ماتقوى يا ابن حارث لهيبه


جاك يوم تكرهه ياحسين ذا يـوم عصيبـي=لا تحرف فالسوالف وانت حالتكم عصيبـه


حسين الحارثي
يالسحيمي لو تشيل البندقيه ماتصيبـي=خلها للي ليامنه رمـى شـيٍ يصيبـه


منت قد الحارث بن عباد يالفارس كليبي=لو يجيه الزير ماوفره حطه مع كليبـه


حمد السحيمي
لاتوهق في علوم الدعوجي دامك طليبـي=لايدزك جوف نار تصطلي ما انتب طليبه


لو كربت حزامي الليله تقول الله حسيبـي=وان كربت حزامك انته ما نقول الله حسيبه
[/poet]

الله الله الله الله

ويش ذا الليل لزهر

سجلوا إعجابي يا شعراء


وعزالله أنه طاروقٍ كايف

حمد الدحابيب

الله على الحضور والمتابعه لو كانت متاخره

وصل اعجابك يالقرم

وانت شاعر علم يحسب له الف حساب

تقبل تحياتي

اخوك

صح لسانك ياحسين ولسان السحيمي
والله موقعة تستحق الأعجاب
وياليت عندنا خبر ونتابعها
اقل تقدير نشب النار شوي
دائما الشاعر حسين يختار الشعراء
الكبار امثال السحيمي

تحياتي

هلا وغلا يابو زهير

وينك يارجل

فقدناك في الصيف


وانت شاعر ونفتخر بمتابعتك يابن العم

ترى الرجال كلمته اللي على بالك

ويقول ماصلح حاكمين في بلد واحد يا انا ياهو؟

تحياتي لك