يا مطر الروقي

الاخ الشاعر مطر استلم

يامطر لاتوصلها الامور العظيمه

----------- انت تقرا الكتاب ومطلع بالفتاوي

الحسد وزعة اصحاب الخصال الذميمه

---------- ماندور نصيب اهل الحكي والحكاوي

كان مانته بقادر للحمول الجسيمه


................الخفيفه بسوق المعرفه ما تساوى


ما نقول لك مجرم لين تفعل جريمه


...............مير عن بعض مايذكر ترانى حياوى

استلم يامطر


مايغر الدروب الا العقول الغشيمه

--------- وانت ياضلع لو تكبر عليكم رهاوي

ودي اقطع صداقتنا ولوهي حميمه

--------- مع سواتك ترى معاد ابرحم ولا اوي

مايغر الدروب الا الغشيم البهيمه


.................وانت تطمع بعلم ماتباه الشواوى


ان فطعت العلاقه صار فالجو غيمه


...............يالله انى دخيلك من شرور البلاوى

الاخ الشاعر مطر الروقي

استلم
صح مار الغريم اليا تحداغريمه

------------- لو تعزويت ماتنجدك كثر العزاوي

يابيض الوجه خل اخطاك معنا هميمه

------------ في دروب الوفا لاجات مع كل راوي

[تم تعديل الموضوع من قبل سرحان الوذيناني بتاريخ 05-26-2001 الساعة 11:22 PM]

انت تدرى عن الموضوع سينه وجيمه


................انكشف سترها ياللى تحط الغطاوى



حطلك مع خويك فاخر القصر خيمه



...............تحسبنى سواتك ضارى بالملاوى

الاخ الشاعر مطر

استلم والنيه سليمه

امس ننصحك واليومه تجيب الطميمه

------------- مثبته ياوسيع العرف مثل البراوي

ياعسى ابوك صالح ماذبح لك تميمه

------------ كيف تبغي تناصبني ولا نته بقاوي

اخوى العزيز................سرحان الوذينانى


المحاوره اخذت حقها......وانت ما قصرت


ومنكم نستفيد......................والقادم افضل ان شالله


والشكر لكل من تابع واطلع .

الاخ العزيز الشاعر مطر الروقي

اشكر من الاعماق وحقيقه ماقصرت شاعر غني عن شهادتي

وتغيير الوسيمه عندك والليل طويل

تقبل تحياتي

ولنا لقاء قريب ان شاء الله علي ساحة الملعبه

نتمني لك التوفيق

واشكر جميع من تابع واطلع علي هذه الوسيمه



[تم تعديل الموضوع من قبل سرحان الوذيناني بتاريخ 05-27-2001 الساعة 11:24 PM]