حسين الحارثي ود.حمد العصيمي

هذه المحاوره جرت بيني وبين الشاعر/د/حمد العصيمي
بمنتديات نوادر التراث الشعبي
وكان الموضوع ترقية حمد الا رتبة ناءب المدير الاداري

وحسب طلب الشاعر/حمد السحيمي انشرها هنا

عسى ان تحوز على رضاكم


[poem=font="Simplified Arabic,5,white,bold,normal" bkcolor="transparent" bkimage="backgrounds/32.gif" border="double,4,gray" type=2 line=1 align=center use=ex num="0,black"]

حسين الحارثي
سلام تسليم ننصابه نـوادر والرجـال القـروم=اهل الوفا والكرم والطيب واهل الشعر والمذهبي

اشوف تركي وبن هندي ومعهم بالعلا جو عموم=بترقيه لك يابو تركي حمد مبـروك بالمنصبي

د.حمد العصيمي
يا مرحبا با الرجال اللي ليا قامت تسد اللزوم=اقولها من ضميري با النيابه عن خوال النبي

الله يبارك بعمرك مير انا بيني وبينك علوم=وانا ليا جيت ابا لي منك حاجه قلت لي وش تبي

حسين الحارثي
دام البقا وانت رجالٍ لياجات اللـوازم عـزوم=تعطي حقوق الرجال ولاتخون الزاد والمشربي

مابيني وبينك الا قاف وان جت للمعارك سهوم=وان كان ودك نجددها ماتبقى يوم؟سد اشنبـي

د.حمد العصيمي
منته بلاقي يكود الا العلوم اللي تدق الخشوم=ما ودي الثانيه تعطي طريق الاوله يا صبي

طالت حبال المشاكل بين ابا الحارث وبين البقوم=وانا لواتعب على ذبح المشاكل لا يضيع تعبي

حسين الحارثي
انته جبل من جبال ولكن احنا مثل شهـب النجـوم=والفرق واضح مابين الارض ونجوم السما يا اعربي

انت السبب يالعصيمي في دفاع المكشله والهجـوم=لـولاك ماكـان كـلٍ للبنـادق بالفشـك يزهـبـي

د.حمد العصيمي
الضلع دايم محله والنجوم الساريه ما تدوم=كم حولت نجمة يا حسين فا المشرق وفا المغربي

خلاص مالي ومالك خلها تضويك في كل يوم=اما تعشت براس الذيب والا اقفت براس الظبي

حسين الحارثي
الضلع ثابت ولكنه يابو تركي عليه الغيوم=واليا سلم من صواعقها نجوم الليل له تضربي

قالو معك سالفه ومخالفه لكن صارت حلوم=واللي تحلم مع وقت الفجر يالداهيه ينشبي

د.حمد العصيمي
انا اعرف اللي يطيح وخابره لا طاح عيا يقوم=وشلون تب تقطع الفرجه معي يا حسين وانت تحبي

كبرت عليك القضيه لين صارت كبر ريع الجموم=طاوعني اعط العرب مطلوبها مطلوبها مطلبي

حسين الحارثي
ياذيب ياللي تجر اعواك كل ليله بروس الحزوم=لاتعترض للسباع الشهب ذات الناب والمخلبي

مامن قضيه يابو تركي علامك فوق ناري تحوم=وان كان ودك نلبي مطلبك اثبت ولي قربي

د.حمد العصيمي
الذيب سرحان عانه يا الحسيكي في طويل الرجوم=يسمع عواه القريب يا حسين ويسمع الاجنبي

لا والله الا غدى منك البعير اللي عليه الوسوم=وانته من اهل العمايم والعقل منته من اهل العبي

حسين الحارثي
تقولها وانت تدري لو لزمته بين برد وسموم=شبيت فيه المشوك ثم ذكيته ذكا الارنبي

ماضاع لي ياحمد حاجه وانا من قوم والقوم قوم=يا اهل الحزم والقداما لن كربتوها لكم تُكربي

د.حمد العصيمي
الراس مكشوف وصقور السما من فوق راسك تحوم=وانته لو انك غبي في ذمــــــــتي ما اقول لك يا غبي

يا مسلم اسلم وانا لولا المخافه ليش اصلي واصوم=وانته كتابك تشيله في يدينك ما قريت كتبي

[/poem]

لاهنت ياحسين ..

محاوره رائعه .. جدا ..

شكرالك على هذا النقل .. وحقيقه افتقدنا الدكتور حمد معنا هنا ..

تحياتي

حمد السحيمي

والنعم الرجل والخوي يابو ثامر

ومن لايعرفك يجهلك

ومتابعتك وتواضعك متابعت محاوره اقيمة في منتدى غير النداوي لهي دلاله على سمو اخلاقك وطيبك المعهود


بيض الله وجهك بياض يشع مع كل ريع

والعصيمي

شاعر وخلوق وداهيه

وان شاء الله نراه هنا في الايام القريبه

اخوك

الشاعر
حسين الحارثي
سلمت يمينك وبيض الله وجهك على المحاوره والنقل
ماشاء الله عليك يابوبندر طير بر نشيط ومبدع

تقبل سلامي وتحياتي،،،،

الشاعر حسين الحارثي


بيض الله وجهك على هالمحاورة الرائعة مع د/حمد العصيمي

وسجل اعجابي


اخ وك

الاخ فالح الحارثي

لاخلا ولاعدم

والحقيقه

شوف اسمك هنا مكسب

تقبل تحياتي

اخوك

محمد الجربوعي


هلا وغلا ياالغالي

وينك ماعاد شفناك

انت حي

والله لك وحشه

صح بدنك

ولك صادق الود

اخوك

الف شكر علي المحاوره


سلمت يد القائل والناقل


سجل اعجابي

اخوي علي

حياك الله

وصح بدنك

والله لايهينك

لكن قلي انت من وين مطلع هالمحاوره

لاهنت

حسين الحارثي

طاروق طيب وانتو أطيب
لاهنت على تزويدنا بهذه المحاورة

والدكتور حمد جايكم بإذن الله

تحاياي