الدعوجي تفضل طال عمرك

مرحبا يالخال

ما دمت موجود اسمع


[poet font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يالدعوجي دخل في بيتكم عنكبوت=وامتلا من نسيج العنكبوت امتلا
لو نشيل الغطاوي عن وجيه السحوت=كان هجيت عنها يالدعوجي خلا
[/poet]

ليش طلعت وتركتني

افا يالخال


[poet font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
انت وين انت غايب هات هات البيوت=صوغها من ذهب يا خال والاّ فلا
يا عتيبه خوالي يا كبار البخوت = كان ما جت مباشر ما عليها حلا
[/poet]

اسف يالخال اسف

[poet font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
كان حنّا لزقنا لزقت العنزروت= ما جذبنا لكم يا خال كود الغلا
اسف اني دخلت وما تعدّي يفوت=اعتذر يالدعوجي قدم كل الملا
[/poet]

هلا بك يالبناخي 00خالد المطيري

انت شاعر كفوء ولا فيك قصور 0ويعلم الله اني اخرج من الموقع ما اسوي خروج وهذ ه دائما تحرجني مع كثير من الزملاء

والله ثم والله ما علمت عنها الا عن طريق اتصال هاتفي من ابو ثامر الله يعطيه العافيه

لكن العذر من الله ثم منك وهذا رد على ابياتك تقديرا لك واحتراما لشاعريتك

استلم لاهنت


مرحبا عد مايسبح مع البحر حوت ---------- ياعريف بمعنى العرف يتمثلا

اعترف بالخطأ والحق لك مايفوت ----------- افرش البيت انا لافيك با اباالعلا

بيتنا محتمينه مار خلك صموت ---------- قبل تسمع كلام الشايب وتزعلا

ليش كشف الغطاوي ليش طش الطشوت -------- دسها في عباتك واعتبرها جلا

يالبناخي علامك مثل سيل نحوت ---------- تهدر من الغضب ياعالي المنزلا

لاتاسف وانا ماني لمثلك شموت ----------- انت شاعر كبير وتنقض وتفتلا

تقبل تحيات خالك ابو عبدالرحمن

هلا بالخال
اولا اقول الله يطول عمرك وعمر ابوثامر
ومشكور جدا لهذا الاطراء الذي لا استحقه
ثانيا انا ما دخلت وكتبت حتى شفت اسمك موجود وانتظرت اكثر من نصف ساعه على شان ترد او تعتذر ان عنك شغل
او اي شيء لكن بعد شفت خرجت وقلت يمكن انقطع الخط انتظرت لكن ما رديت
المهم عذرك مقبول يا خال وبيض الله وجهك
اما انا اقول اسمع ودقق ورد

[poet font="Simplified Arabic,4,firebrick,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
نقبل العذر ما نبغى شهودن ثبوت=قلت يا مرحبا واقول انا ياهلا
وش يجيب الزعل ما فيه للناس قوت = مد شوفك نحل اللي علينا اشكلا
[/poet]




[poet font="Simplified Arabic,4,firebrick,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
تذبحون العناكب مير عيّت تموت=لاقيه في زوايا البيت شرب وكلا
فرخت من مساء الجمعه وفجر السبوت=لين كلن حرن بمصيبته وابتلا
[/poet]

الله الله الله الله ياكافي


المطيري والدعوجي


سجل إعجابي

وتراني شابك الى الفجر ياخالد

العمالقه خالد المطيري والدعوجي ..

بسم الله ما شاء الله ..

اشوف البيوت تنهال بأثر رجعي ..

الله لا يضركم .

تحياتي

بيض الله وجهك يالحصان النعوت ---------- اشهد انك قوي الباس يالاخطلا

ياحليل الكتوف اللي غطتها البشوت --------- ليتها بالجميله دوم تتجملا








علم اللي معه سم العنـــــاكب كحوت ----------- ينثر الســـــم حتى ينظف المنزلا

دامت انك تشوت اهداف الاخصام شوت ---------- بكره انزل وشوت اللي تخض الدلا

الله الله الله الله

ياسلام يابوعبدالرحمن ياسلام

ابو جابر

شرفتنا ونورتنا الله لا يهينك يالاغلي

تحياتي

ابو ثامر

شكرا لمرورك العطر والله لايهينك يالغالي

تقبل تحياتي

الاخ الكبير ابو ثامر

شكرا لك للمرور
متابعتك شرف كبير

واطرأك شرف لا استحقه

تحياتي لك من القلب

الاخ حمد الدحابيب

تحياتي لك اطيبها و ازكاها

متابعتك وتشجيعك فخر لنا كبير


كنت اتمنى الرد المباشر

لكن للظروف احكام خصوصا واكرر خصوصا مع تأخر الوقت

( خبرك الشياب ما يسهرون ) مثل الشباب


تحياتي لك

اما للاخ الكريم الدعوجي والذي زادني اللعب معه شرفا
فأقول واختم

[poet font="Simplified Arabic,4,firebrick,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
مأتحوّل ولا تنزل مع البيرشوت=عندنا عينّه من شرّنا المنزلا
كنها مع نبات الارض تنبت نبوت= البلا والجلا هي البلا والجلا
[/poet]



[poet font="Simplified Arabic,4,firebrick,bold,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
اطلب الله وكثر بالدعاء والقنوت= لين حتى تشوف الليل عنك انجلا
لوعرفت ابن وصل بغير صوره وصوت=مثل ما قلت ماله عندنا الاّ الغلا
[/poet]


تحياتي لك من القلب اخي الكريم

القنوات احركها بزر الريموت ---------- بضغطة الزر تتحول وتتبدلا

وان عزمناك ياخالد تجيك الكروت --------- انت عندي ترى فالمركز الآولا

عود النبت بعد الشمس كله حتوت ---------- لو يهبه نسيم الصبح يتهلهلا

وادعي الله ليا مني لربي دعوت ---------- يحفظك يارفيع القدر والمنزلا

اخي خالد المطيري

تقبل اعتذاري عن التاخير الغير مقصود

اشكرك على طيبة قلبك ولنا لقاء قريب باذن الله