سلام رديتـن من نجـد تمشـي باتجـاه الحجـاز ؟؟؟؟

مساكم الله بالخير جميعا .....

واللي وده يلعب معي يتفضل :



----------------------------
سـلام رديتـن من نجـد تمشي باتجاه الحجاز

################ واخاف لا حولت صـوب الحجـاز تهـد طلعة كرا

--------------------------

ليت العطاشا تعرف الفرق بين الرس والارتواز

########### المشكلة.... تسقي العطشان ويصدر وهو مادرا؟؟؟

هلابحالم....مساك الله بالخير
.
.
.
اسمح لي ياخوك باللعب معك...
.
.
.

يامرحبابك هلا في حِلّة اهل الطيب ناسٍ عزاز
..................واقـولها بالنيابه ياعـميل الخـير وانت ترى

والملعبه ياعميلي من خسر فيها يقولون فاز
..................حيث ان ممشى الرجل فيها قِدم ماهو بيرجع ورى

مرحبا بك ياخالد . . .
،
،
واتشرف بخوتك . . .
،
،
واسمع !!!


وصلوا سوا للمطار وكل واحد وسط جيبه جواز

############### أحدن نظامي !! وأحد مر الكبينة بالفلوس وشرا
؛
؛
؛
ماني على حق !! يوم أصب فوق النار جالون قاز

#################### لابد من طيحة اللي بالجدار ملصقة بالغرا

مساك الله بالخير...
.
.
.
والشرف لي..
.
.
.
واستلم
.
.
.
بعض العرب يعتبر نظامكم في عرفه امرٍ مجاز
...............والفهلوي عايشٍ عمره عن عيون العرب فالذرى

والادمي يوم شب النار وش من شبة النار حاز؟!!
...............مانابه الا القصى من فعلته والعارف اللي قرى

[تم تعديل الموضوع من قبل الحويماني بتاريخ 04-30-2001 الساعة 09:43 PM]

قال المثل قبلنا... كسر الخواطر مثل كسر القزاز

#################### الله من طارين توه على قلب المولع طرى
؛
؛
؛
؛
ياصاحبي خلها تمشي وجنبها طريق الغراز

################ ان كان ودك تخاويني مع الطرقة ونمشي برا*


*(برا) بفتح الباء والراء.

استلم
.
.
.
ياعاشـقٍ دون معشـوقك من العالم ستير وحجاز
...............مالك ومال السهر يامسامر القمرا وليلك سرى


لكّن ابسري معك واحصل على التقدير والامتياز
...............ياحالمٍ ضـاع حلمه بين صـدق القول والافترى

صح لسانـك !

واستلم طال عمرك :

؛
؛
اللاعب اللي يمثل في فريقه محور الارتكاز

############# كلن يناول له الكورة.... ويحسب سرعته لا جرى !!!
؛
؛
؛
؛
خلك معي يالحويماني هنيّا !! واترك الانحياز

############## وان خربت الطبخة الزينة... نحلّيها من السكرا

صح بدنك
.
.
.
واستلم ياغالي
.
.
.
عماش غيّر مسيره للنفود وكانت ارضه عزاز
...............يبغى يجوب الصـعب مايـدري انه للصـعب ماضرى

وماكل طير بمخاليبٍ يسمى ياولـد طير باز
...............لكّن انا وانت عشنا الواقع ونعرف وش اللي جرى

[تم تعديل الموضوع من قبل الحويماني بتاريخ 05-02-2001 الساعة 01:23 PM]

تسلم والله !

واستلم :


ياراعي البندقية لا رميت احذر من الاهتزاز

############# الارنبة فالهشيمة وانت منت أعمى ولنت آعورا !!!

؛
؛
؛
؛
؛
بلشت فالحلم والواقع وزاد الهم هذا الجهاز

############ وشلون آجيب الثرياء من سماها فوق سطح الثرى

خلوووووووووووووووووووووووووووووووها






لا والله


الا حلوها اكثر واكثر

زادت حلاها بشعر متوازن وقافيه تعجز

وشعر جميل بجمال اصحابه



لي لقاء انشاء الله مع احدكم قريبا
قريبا
قريبا جدا
مثلكم ينطمع باللعب معاه

فهد الفرحان....مشكور ياغالي وماعليك زود.
ـــــــــــــــــــــــــــــــــــــــــــــــــ
حالم...
.
.
.
.
استلم ياغالي،،
.
.
.
.
ذيبٍ رسـى فـوق كبد الارض ولياشـاف صيدته ناز
.....................ويفز لاوحى نباح الكلب لكن مايهاب العرى


ياطامعٍ في الثريا قالوا العربان هذا ابتزاز
.....................خل الثريا تحرس الليل وانت ناعمٍ بالكرى

* أنا آآآآآآآآآآآآآآسف جدددددددددددددداً

على هذا التأخير !

لأني سافرت من ذاك اليوم وتوي اشوف ردودكم . . . ولكن المعذرة!


* الاخ فهد الفرحان :

أشكرك على كلماتك . . . اللي بصراحة أحرجتنا وزادت من مسئوليتنا (وعلى شأن كذا نبغا ننهي الطاروق ... هههههههه )

وانا وزميلي الحويماني نتشرف باللعب مع اللي مثلك وشرواك .

* خالد الحويماني :
؛
صح لسانك . . . والله لايهينك .

واشكرك من الاعماق على هذا الطاروق .

وان شاء الله انا نلعب طاروقٍ ثاني متى ماسنحت الفرصة

* شكررررررررررررراً لكل من تابعنا !!!!!



أخوكم / حالم

halim9999@yahoo.com

حالم...
.
.
.
الله يعافيك..ووفيت وكفيت
.
.
.
.
وأفخر باللعب مع الطيبين شرواك،،

.
.
.
واستر ماواجهت،،