؛؛؛؛؛؛؛؛؛ الأرض لــو تــلــبــس لــنــا تــســعــيــن ثــوب ؛؛؛؛؛؛؛؛؛

الأرض لو تلبــس لنا تســعــين ثـــوب

؛؛؛؛؛؛؛؛؛؛؛؛؛؛؛؛؛؛ الــثــوب الأول باقــيٍ للمســلـــمـــيــن

قلته وأنا ما ني مــتـــيــهـــة الـــدروب

؛؛؛؛؛؛؛؛؛؛؛؛؛؛؛؛؛؛ الــدرب واضــح من شمال ومن يميـن



najdeatsudair@maktoob.com

الأخت نجدية سدير

انا ماني قدك لكن احاول شفت الناس ابطت عليك ..قلت والله ما اتركها ..ذي نجدية
واسمعي الله يطول عمرك،واذا جاواحد غيري ابنسحب بشرف!!!!!!!

ياكثر ما فالأرض من شر وعيوب
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ لكن من يفهم كلامك يالفطين

الدرب ماهو للصناديد محجوب
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ وانتي من الحوطة موكد تعرفين

العلم يانجدية سدير محسوب

...............والحكم للمعبود رب العالمين


الناس تدرى بالشروق من الغروب

...............سيرى على درب الوفا والله يعين

[تم تعديل الموضوع من قبل مطر الروقي بتاريخ 04-27-2001 الساعة 11:32 PM]

الأخت نجدية سدير والأخوه جابر السلمي ومطر الروقي والله اني جالس أرد على الاخت نجدية سدير وجا وقت الصلاه قلت خلني أصلي وأرجع ارسل الرد ويم شفت ردودكم قلت لا حضر الما بطل العفور لكن تفضلوا ما قلت هدية للجميع والردية على ما تبون


وجهة نظر تمرني من كل صوب

.,.,.,.,.,.,.,.,.,.,.,.,.,.,.,,.,.,.,., يالله سترك يا قوي ويا معين

سلام ما بعد الشروق ألا غروب

.,.,.,.,.,.,.,.,.,.,.,.,.,.,.,,.,.,.,., واللي يصومون رمضان معيدين

اخوى الشاعر..........جابر السلمى

اعتذر وبشده صدقنى حينما قرات البيتين من الاخت نجديه كان عدد زوار الموضوع واحد وعشرين......وعدد الردود صفر.

بعد ذلك كتبت الرد وارسلته دون العوده للموضوع ولكن تفاجت هذا اليوم بوجود ردك على الموضوع قبلى رغم عدم اطلاعى عليه.

عزيزى...........جابر اعتذر مره اخرى وحق المحاوره لك.

اخوى ........ولد عبس.

يااخى ماعليك زود وانت المعلم.

اناوضحت اللبس اللى صار والامر متروك لنجديه سدير.


اصدق التحايا للجميع..

الأستاذ / ((ولد عبس ))
انتم بالشرقية قبلنا بالصلاة.انا طالعت الموضوع وتلقفت

والله انك استاذ واقدر مني على مجاراة نجدية سدير ،وابغى استمتع بكما في المحاورة خصوصا بعد المحاورة الشيقة اياها مع الكبيييير.

والأخ مطر يااخي كلكم ثلاث عيون في راس وما انا الا تلميذ للجميع ولا تورطني مع نجدية خصوصا انها المرة الأولى لي في محاورتها .وقاعد اتنافض(((تكفى يا ولد عبس ))!!!!

جابر السلمي ،،

مطر الروقي ،،

ولد عبس ،،

كلكم على راسي .. وما راح استثني أحد في الرد .. وخلوها ثلاثه بوحده ،،

جابر وبعدين معاك ،، هنا كلنا نتعلم وما فيه كبير ،، وما راح استثنيك ،، ويهمني العب !! معك ..

بس لا تتهاوشون .. ترى كلكم غالين ..

إنتظروني وانتظرو ردي ..

جابر السلمي .. ،،

تسلم واظن الوجه دفتر للشحــوب

؛؛؛؛؛؛؛؛؛؛؛؛؛؛؛؛؛؛ رسم الكحل ما يستر الجرح الدفين

لو كل من يخطي يجي يــوم ويتـوب

؛؛؛؛؛؛؛؛؛؛؛؛؛؛؛؛؛؛ ما مارس الإجرام ابليـس اللعــيـن

،، مطر الروقي ،،

ما كل من خضّ اللبن يبشر بــروب

؛؛؛؛؛؛؛؛؛؛؛؛؛؛؛؛؛؛؛؛ والزبده إن جت جامده صعــبٍ تليـن

الناس تدري وثوبهــا كلـــه نـــدوب

؛؛؛؛؛؛؛؛؛؛؛؛؛؛؛؛؛؛؛؛ حي الله اللي ما درى بسير السفيـن

،، ولد عبس ،،

ما احدن جبرني أشرب القهوه في كوب

؛؛؛؛؛؛؛؛؛؛؛؛؛؛؛؛؛؛؛؛ وجهة نظــر ما تحــتــمل جيــمٍ وســيــن

يـــا ولــد عبــس النار ما توقــد بطــوب

؛؛؛؛؛؛؛؛؛؛؛؛؛؛؛؛؛؛؛؛ احذر تكــون اللــي وســط رايه سجيــن

اختى الشاعره القديره....................نجدية سدير

ثقى انه يسعدنى الرد عليك والمحاوره مع شاعره فى مثا قامتك.

ولكن كى لا اكون متطفلا فى نظر الغير.ولان لكل شى اصول.فحق الرد للشاعر....جابر

اما ثلاثه ضد وحده هاذى كبيره فى حقنا.

واذا سمح لى الشاعر جابر والشاعر ولد عبس.

مااقول الا السابقه تطلع بيدها.

ارق تحيه.

الله من الورطة ...يا مطر سامحلك سا محلك بس فكنا من النشب ياخوي
والله ما انساها لك يالروقي ..يا نجدية انتي الظاهر مشغولة؟ ولا لا!!!

المهم اسمعي عاد :

الوجه يا نجدية احياناً كذوب
؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ما يصْدق الا في علامات الحنين

ما كل من يخطي تجاريه الهبوب
؛؛؛؛؛؛؛؛؛؛؛؛؛؛؛؛؛؛؛؛؛؛؛؛ وابليس مغْوي ما معه قلب ويدين


[تم تعديل الموضوع من قبل جابر السلمي بتاريخ 04-28-2001 الساعة 10:54 PM]

يالربع عزالله أنكم أحرجتونا بطيبكم جعلني وما أخلا منكم

صادق يابن روق ...

أما انا صف هالحين ومتنازل عن ردي على نجدية سدير هالحين وأن كان فيه محاورة بعدين الليالي قدام ...

لاهنتم

،، مطــ !! ــر الروقي ،،

،، ولــ !! ــد عبس ،،

يعطيكم العافية !! وما قصرتوا ،،


؛؛ العزيز .. جابر السلمي ،،

إنتظرني في محاوره أخرى خاصة لي معك ..

تسلم وتدوم .. !!

الأخت الغالية // نجدية سدير

الحمدلله .وكفى الله المؤمنين شر المحاورة!!!!!

اتشرف وانا بالإنتظار .ومن الآن انا في معسكر تدريبي استعدادي لرفع معدل اللياقة !حتى تزهمينني!!!

نراك على خير ،،