مستور وبن عياد

[align=center]محاورة مصلح بن عياد الحارثي+مستور بن تركي العصيمي[/align]

---------------------------------------------------------------

[poet font="Simplified Arabic,5,blue,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
مصلح

ياسلام الله عليكم من هجوسٍٍ ماتبدل=مايغيرها الزمان ولايغيرها المكاني

نعم والله بالرجال اللي فعايلهم تجمل=واضحه مثل القمر والشمس وسهيل اليماني


العصيمي

مرحبا بالشاعر اللي كل ماقام يتحمل=اهرج اهرج مع عتيبه وانت مطلوق اللساني

انت راعي حجة تطلب طلب ولا تعلل=ماتجي لك ماتجي لك ياعميلي بالتماني

مصلح

كل ماعدل عصا دنياي عيت ماتعدل=والسنين الباقيه مدري تسع ولا ثماني

حجتي وردتها للعد وحبالي مفتل=والعصيمي شاب راسه بين....و...

مستور

الشعر ماهو حديثٍس من كتاب الله منزل=وينها حجتك قلي يافلان ابن الفلاني

كيف صناع السلاح امن السلاح امسى معزل=وانت ساكن في ديار الخوف ولا في الاماني

مصلح

الشعر ماهو بمشروب السجاير والمعسل=اهرج اهرج من السانك واتكلم من لساني

انتظرني لين اجي ولا ازبن الرجل الموكل=ماعلي خلاف باقي لي ثلاثه من خواني

مستور

والله اني ماتعبت الا مع الناس المهبل=ترجم الكلمه تراني يالشبابي ترجماني

وان بغيت تعيدها ياصاحبي مصلح تفضل=يااهل الوادي نقول السيل اخير من السواني

مصلح

لاتحللها غلط واثر الغلط ماينتحلل=وانتبه للثالثه والياهداك الله هداني

احتزمنا بالمجناند والخناجر والمفتل=ثم جيناكم صلاة الصبح في الحزم البياني

مستور

اسمعوا وش قال مصلح والدليله من تدلل =تاجدون الفرق مابين الدقايق والثواني

خطنا مشروع ماجينا معى خط التسلل=ان بعدنا قمت تزهم وان قربنا ماتداني

مصلح

لاتضيق من الحقيقه وانت لك عقل مدبل=حثها حث الركايب تلها تل الحصاني

ويش ادور يالعصيمي باقي المرقاب حول=كان ترضيك النصيحه طيعني قبل تعصاني
[/poet]

الساعة المباركة اللي شفنا فيها مواضيعك يابو فارس ..
لاهنت طال بقاك ..

مافيه دعوة ألا بعد عشرة مواضيع

ابو فارس عدل العنوان.....

ابن عياد



ولا هنت يالغالي


تحياتي .

فعلا محاوره قمه

كيف لا وابو تركي وابن عياد هم فرسانها

بيض الله وجهك يابو فار س على ها الاختيار

تقبل تحياتي

مشكور على الجهد

وبيض الله وجهك

لاهنت يابو فارس

نقل رائع واختيار في محله لعملاقين من عمالقة فن المحاوره .

ابيض وجه .


تحياتي

[سعد بن شليه السبيعي]

مشكور على الجهد

وبيض الله وجهك

تسلم يابوفارس ولاهنت


لاعدمناك

ياسلام يا سلام ياسلام الله الله الله

اختيار لايقوم به الا من يعرف الشعر

ويقدره حق تقديره سواء منه اومن غيره

بيض الله وجهك يابو فارس على الاختيار

تحياتي

شايع العيافي



لاهنت على نقلك المميز



محاورة وزن ثقيل



بين هامتين شعريه


تجبرك على التصفيق




تحياتي

مرحبا يابو فارس


اختيار من عقل يجيد ابتكار المعاني


لاهنت

خالد نايف