ياسلامي على الروقي عقيد الشبيبه ................... إقرب يامطر

ياسلامي على الروقي عقيد الشبيبه == شاعر ألاد روق المعتبر فالنداوي

تاخذالعلم يارجال والا تجيــــبه == زان نظم المعاني بين شاعر وراوي

مرحبا يابو تركى وانت راع النجيبه****عن دروب الوفا والمرجله منت غاوى


امش وامشى معك والرجل يعرف بطيبه****كل شاعر يقول انه بعرفه غناوى

كل ذيبن قنب فالضلع نسمع قنيبه == ما يشابه عوا سرحان صوت الضراوي

ماتطيب الهقاوي غير وسط الكتيبه == سر بيني وبينك لا تقولة لضاوي

حط فى بالك انا ما نحب الغليبه....كل روقي يابو تركى بخيت العطاوى


خل الاسرار تبقى فالقلوب اللبيبه....نيتى طيبه مير انت ويش انت ناوى

كل روقي وبرقاوي عزاته عتيبه == بيننا ياصحيبي ما تفيد العزاوي

كان ياصاحبي ماجاك علم الذهيبه == كل شين تبا تلقاه حول الحراوي

صدق ماقلت فالهيلا ولاهى غريبه......كيف لبعرفك وانت اسمك فقط ذيب عاوى

حدد اوصافها حتى نصيب الضريبه......لايطول النقاش ولا تطول الدعاوى

كل مرضان فالدنيا عرفنا طبيبه == لكن الشيب ما يقدر عليه المداوي

صاحبك يوم رحب بك وجابك نديبه == دلته ما تفوح ويمسي الليل خاوي

يابو تركى مصيبه يابوتركى مصيبه....لاتعد الجبل ويجيك نجم سماوى


كان فالوضع شك وكان فالامر ريبه.....وش علوم الحيا حتى تحيل الشواوى

الأخ الشاعر الكبير .. مطر

عزالله إنك مدرسة في الشعر ، بصراحة أمتعني اللعب معك يا مطر . بس معاد عندي شئ أقولة ، كل أللي أبيك تفهمه قلته ، الزياده اللي على غير علم ما ودي إبها.

أتمنى أن نتواصل من خلال محاورات قادمة إنشاء الله .


علىالعموم بيض الله جهك يالروقي .

أخوك / أبو تــــــــــــــركي.

اخوى العزيز..........ابوتركى

اخجلت تواضعى بكلامك الطيب.................من طيب اصلك

صدقنى اننى ازداد شرفا محاورة شاعر يعى مايقول مثلك.


يسعدنى التواصل الدائم...........فانا المستفيد

احترامى.