الا مني سلام الله عدد ما خطت الاقلام / موجهة لـ... عوض القرني

اسعد اوقاتكم بكل خير


.................................................. .


الاخ عوض القرني


يسعدني جدا ان ترد على هذه الابيات مع تقديري لك





ألا مني سلام الله عدد ما خطت الاقلام*&*على القرني رفيق وجار ما ننسى مواجيبه


ولا ينسى ولا ننسى ولو دارت بنا الايام*&*ترانا في الوجود ونعطي الطالب مطاليبه

المعذره يا خي محمد من يومين 00 والله ما فتحت المنتدى 00

اسمع
-
هلا يا مرحبا بالرافعي ما ترفع الاعلام ^^ وعدد ما زاع نوٍ في السما بانت مناصيبه
-
رفيق وجار واتشرف بمثلك داخل المرسام ^^ رفيق وجار اناديبه في الهيجا واماريبه
------

عوض

[تم تعديل الموضوع من قبل عوض_القرني بتاريخ 04-24-2001 الساعة 11:11 PM]

يقول :



سلمت وعشت يا راعي الوفا يا الفارس المقـدام

وعلمك يا عوض ما فــيه لا شـــــك ولا ريـــــــبه


*&*&*&*&*&*&*&*&*&*&*&*&*&


وحنا اصحاب واخوان وسوا من سالف الاعوام

ومثلي عند مثلك ضيف ما يجــهل معـــــازيـــبه


الرافعي

نهليبك ولو ما تطلع الا خوي في الاسلام ^^ وهذي عادتي من يوم اشوف الضيف اهلي به
-
وانا في الوسط بين اهل اليمن يالرافعي والشام^^ ولا احب امشي الدرب الذي تكثر مساريبه

------
عوض

احرجتـــــــــــــــــــــني ! ! !



وانا ضيف عزيزوما نصيت الا بيوت كرام*&*ومن ينصا اجودي ما يشوف الا تراحيبه


واقل ونعم بكم يا اهل الوسط والله وسبع انعام*&*تراكم من عزاز القوم واهل العرف والطيبه


...........................

ابو فهد ..

المعذره ولو تاخرت عليك في بعض الاحيان 00 ظروف العمل شوي










نعم ضيف وعزيز وجيتنا يالفارس الضرغام ^^ لكن الضيف يدري بي ويعرفني ولا ادريبه

-

وتعرف يا محمد كل قاف وينحكم بنظام ^^ ولا يخفاك احب امشي بتنظيمه وترتيبه


------------
عوض

ما فيه اي مشــــــــــــــــــــــــــــــــكله بالنسبه للوقت


اسمع :




اشوفك قمت تنكرني وتبغى هدة وخصام*&*وقمت تهز بيت الشعــــــر وتوديه وتجيبه


انا معروف واظن الحقايق ما تسير اوهام*&* ومن يمشي بغدر تنكشف للناس ألاعيبه

هههههههههههه






من اللي يعرفك حتى انكرك يالشيخ ابو عرام ^^ الا يا ضيفنا وش مزعله واحنا نداريبه

-
تعال وعطني اعلومك وخلك واثق ٍ صمصام ^^ وقافك يالسنافي لا تغير في مشاريبه


----------
عوض

[تم تعديل الموضوع من قبل عوض_القرني بتاريخ 04-27-2001 الساعة 01:55 PM]

المره ذي اعذرني انت على التاخير


واستلم طال عمرك :



انا معروف سال ابوك والاخوال والاعمام*&*عن اهل العز واهل الجاه والطولات والهيبه


وفي العليااذا لك قسم واحد لي ثلاث اقسام*&*على وضح النقا نمشي بها الشبان والشيبه



ابو فهد

ونعم الفففففففففففففففففففففففففففففففففففففففففف



ههههههههههههه

نشدت ابوي قال الرافعي مذكور في الدمام ^^ طوال الوقت في حاله يهندس في دواليبه
-
نسيت انك ملك بوذا وجسر الصين والاهرام ^^ على هونك ترا من زاد هرجه 00زاد اكاذيبه



ههههههه
اخوك عوض

الله .....................الله......................... ..الله



نشدت ابوي قال الرافعي مذكور في الدمام


نشدت ابوي قال الرافعي مذكور في الدمام


نشدت ابوي قال الرافعي مذكور في الدمام



يا شيخ اتق الله في نفسك هذي والله كبيره ولكن وش نسوي تقول انك من
اهل الوسط بين اهل اليمن يالرافعي والشام ...........

ولا كان لي معك كلام ثاني .....


على كل حال شاعر ثم شاعر ثم شاعر والله يا عوض


انتظرني .......................





[تم تعديل الموضوع من قبل الرافعي بتاريخ 04-28-2001 الساعة 10:56 PM]

استلم لا عدمناك :



نعم ذكري من الدمام حتى اخر مرابع يام*&*والى من حل ذكري في شعيب ما عوى ذيبه


وحذراك انتبه تخطي علي في حضرة الحكام*&*ترى الكذاب من يرجع يجر الكذب والخيبه



الرافعي

شهادتك وسام على صدري يالغاااااااالي



لكن استلم ههههههههه

ترى اكثر ماشتهر في العصر هذا عالم الاقزام ^^ لكن اقصر حلومك في حواك اللي تصلي به
-
ترى كثر العزاوي تدخلك في عالم الاحلام ^^ ولا بعده يكون اشهار تصبح به وتمسيبه

-------
اخوك عوض



[تم تعديل الموضوع من قبل عوض_القرني بتاريخ 04-29-2001 الساعة 12:25 PM]

والله شكلك ما بتجيبها بر الامان يالقرني



واخرتها معك .................



وش عاد باقي اقول .................



انتظر الرد :

نصيحة يا عوض خذ لك وساده واستريح ونام*&*ودرو ستر ربي واترك الشر لا تنادي به



ولا لا يخدعك لبس المشالح واحسن الهندام*&*ترى وقت الله الله كل طير من مخاليـــــــبه



الرافعي ....