"مساكم الله بالخير يالنداويه"

.مساكم الله بالخير يالنداويه
.
.
.
زياره وبدايه...اولى.........عامه للجميع،،

ــــــــــــــــــــــــــــــــــــــــــــــ

سـلامي رديـةٍ لأهل الـنداوي جـميع

...................تاصل لكم عبر الانترنت تقرونها


ندخل بها سوقكم وليا شرينا نبيع

...................والطيبه طـيبه ياللي تعرفونها

[nashama]

ارحب

اسمع ياخالد


يامرحباوالبدوتفرح لياجاالربيع ,,,,,رديـــة للنــــداويـه يشلـــــــونها

هات المعاني على شانك وشاني رفيع ,,,,,والناس تسمع وتدري ويش مضمونها

الله يحييك يالحويماني



يامرحبا هيل من بال وصدر وسيـع ^*^ ترحيبة من قلوب ناصع لونـها

بالشاعر اللي تعمق في بحور البديع ^*^ ينظم بيوت القصيده حسب قانونها

تبقى يامرحب
.
.
.
مشكورين يالنشمي والاكلبي....
.
.
.
استلموا

.
.
.
ياللي تبـون المعاني دربها لايضـيع
.....................أم الكـباير تنـوش الوقـت بسـنونها

والديره اللي غزاهاالشر مع كل ريع
.....................صار البلاء في الرجال اللي يراعونها

[nashama]

لاهنت

استلم يالحويماني

البرق يبرق وفي عرض السما له لميع== والبدو لمن نوو دار يعسونها

القاع لجاه صيف يصير نبته نفيع== وتركد به الهامل وترعى على هونها

[nashama]

مساكم الله بالخير

سرى الليل


ياصاحبي لاعليك ولا على الوقت ريع == لاهنت ياهونها لاهنت ياهونها

والديره الي بناها رجل رجل شجيع == وام الكباير نذر السم في عيونها





[تم تعديل الموضوع من قبل أخوالنشاما بتاريخ 04-25-2001 الساعة 09:50 PM]

العذر والسموحه...توني دخلت ياخوك
.
.
.
.
استلم
.
.
.
ياراعـي المزوده زبدتك لالاتميع
....................والصيده اللي تبيها جيت من دونها

ديرة بني شاعرٍ ضمت بديع وشنيع
.....................وش بـاقـيٍ عـقب مابيحـت مكنونها

[nashama]

استلم

الله يعينا عليك ويستر منك

اقول لك شوفها وتقول هذا لكيع

.......................غيري وغيرك نداويه على شونها

لاطاع واللا عصى واللي عصى مايطيع

.......................لاشك ويش العرب تعمل بمجنونها

ماعليك زود....الله يكفينا شرك يالنشمي..ههههههه
.
.
.
.
استلم
.
.
.
لاتأمن الجن مافـي الجن حـملٍ وديع
......................والحنظله حنظله لـو قِصـوا غصونها


مير الوكادالقضيه شاب منهاالرضيع
......................وأهل الظنون القديمه خابت ظنونها

[nashama]

مساك الله بالخير

واعوذبكلمات الله التامات من شر ماخلق

استلم

الله واكبر وبســــــم الله والله منيع

.....................واقرا الصمد والفلق والناس ماخونها

لعل ابو زيد ياقف لحتزم بالــذريع
.....................السالفـــه ماتضيــع ولايمشــــــونها

مساك الله بالرضا والسرور.....يالداهيه
.
.
.
.
استلم
.
.
.

هلل وكبر ليا جيت الطريق السريع
.....................ترى الامانه تعود عند مامونها


وليا بلشنا بها نطـلب ولّيٍ شفيع
..................... لعلها ياعميلي تنـثر قرونها

[nashama]

الله لايهينك ولا عليك زود

.

.

استلم

.

.

التمر جوف النخل في جوع واللا شبيع

..........................واللي كلوها طعامتها يطشونـــــــها

مسكين ذالوقت من يمسي وبطنه جويع

..........................والدار ريف ومطرها يسبق مزونــها

[تم تعديل الموضوع من قبل أخوالنشاما بتاريخ 04-27-2001 الساعة 02:11 PM]

الله الله
.
.
.
.
استلم يالنشمي
.
.
.
افكارهم ياعميل الخير هزل ورجيع
.....................والناس ياأخوالنشامى وش يسمونها؟!!

ولا لهم من طعامٍ الأرض غير الضريع
.....................لاهو بيسـمن ولا هـو يغـني بطونها

[nashama]

استلم
,
,
,
,
الله لايهينك وفيت وكفيت ولاقصرت والحمد لله على السلامه
,
,
الحلم ياصاحبي والله حليم سميع

......................وشعور بعض العرب لا لا تحسونه

حنا بشر والخطا وارد علينا جميع

......................واسلم ودم والمعاني شابت لحونها

شاب القاف.... على رايك
.
.
.
.
الله يعطيك العافيه ماقصرت يالنشمي...شاعر وكبير بعد
.
.
.
فمان الله..ولنا لقاء انشاءلله،،