شاعر مجهول لا اعرفه

[poet font="Simplified Arabic,4,blue,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
هذه محاوره جرت في منتديات النهضه الشعريه
مع عضو وشاعر انظم الينا مؤخراً وبدا بالمحاوره
ولم اعرف اسمه لانه بلقب ابو زيد

ابو زيد

عقب ما سجلت في النهضة بعد عيد الضحيه=قلت اسلم وأتعرف بالرجاجيل الحشامي
الليالي علمتني كيف ادرهم بالمطيه=علمتني كيف اصرفها واشد لها ألحزامي
حسين الحارثي
عقب ماسجلت يابـو زيـد مافيهـا قضيـه=ضيف غالي مرحبابك عد من صلا وصامـي
احمد الله عقب صرت مع الرجال اهل الحميه=وانت مالك اسم قبل النهضه من بين الاسامي
ابو زيد
ياعميل الخير انا سجلت والديره سنيه=الدهر في اطرافها والصدق اخير من الكلامي
التروي زين في الرجال والعجله خطيه=ماملكناها خطا والا ملكناها حرامي
حسين الحارثي
والله انَّـا ماحسبنـا خطوتـك روحـه وجيـه=لن مشيت ولن عديت ولن ضربت إللنا السلامي
التـروي زيـن لكـن ماتـعـرف الاولـويـه=كل ماقلنا تـروى قلـت انـا جيعـان ظامـي
ابو زيد
يخلف الله دام رميك لاهناك ولاهنيه=يالبعير الي تشيل الحمل ماعندك سنامي
لوتبيها مثل ماسويت ماكونت هيه=كان صرفت الكلام بحسن نيه واحترامي
حسين الحارثي
يخلف الله دام رميـي فيـك وتقـل ماعليـه=حذف في ظهرك وفي جنبك وحذف من الامامي
لـو تبيهـا مثـل ماسويـت مالـك مقدريـه=لا حصـانٍ نسرجـه ولابعيـرٍ لـه خطامـي
ابو زيد
ياحسين الحارثي الصبر اخير من الرديه=مادريت انك تهس ولاتجي قد المقامي
أحدعنده عقل كامل واحد في عقله بليه=مشكله ياصحابنا والحارثي في الليل حامي
حسين الحارثي
كم صبرت وقلت يابو زيد خـل العنصريـه=لكن انته تحسب إنك في الشعر مثل الزلامي
انا حامي عن بلادي ضابطٍ في العسكريـه=وكل متسلل ومتخلف مايرحمـه النظامـي
ابو زيد
طيع شوري خلها ترقا مراقي هاشميه=لاتنزلها اليمن والا توديها للشامي
والعسل لاتقطفه من بعد وضعه في الخليه=دام عمه ماسمحبه كيف يشتاله حرامي؟.
حسين الحارثي
انته اللي طيع شوري خل عنك الجاهليه=نجد وحجازه لنا والتهم دارك يالتهامي
والعسل راعيه انا واليوم قدم لي هديه=لو خلط نحله ثمره اليوم سدره والبشامي
ابوزيد
شكلك انك تهت مابين الحروف الابجديه=داخ راسك ياسهيرالليل من ضرب السهامي
استعد ثم استريح وخل عنك الاجوديه=دام منت قدها ياكيف تدخل في الزحامي..؟
حسين الحارثي
من سمعك يقول صادق وانت لك مقصد ونيه=مقصدك تحوص يابو زيد عن سلة حسامي
دام ماتعرف شروط الحج لاتزعل عليه=تستعي وتطوف للحج وانت مافوقك حِرامي
[/poet]

صح الله
لسانك
ولسان ابوزيد
تحياتي لكما

وصفي الصبرات

صح لسان ولا شانك

مرورك شرف

{سهيرالليل}

حسين الحارثي

صح لسانك ولسان ابوزيد

تقبل اطيب تحية

الاخ /خالد السبيعي

صح بدنك

واف شكر على المرور العطر

تحياتي

{سهيرالليل}

صح لسانك .. وصح لسان ابو زيد

محاورة رائعة
وتصريفات حلوة

تحياتي

حسين الحارثي


صح لسانك ولسان الشاعر أبو زيد


كان خصم عنيد ولاكن وجد أعند منه


والحقيقه تستحق الشكر والتقدير علي تصديك لكل من


يحاول الهجوم علي المنتديات بزعمهم أننا لانجيد شعر

المحاوره وحنا جاهزين للفزعه إذا طلع أكثرمن واحد ههههههههههههه

تحياتي لك وكذلك الشاعر المبدع أبو زيد

الشاعر/عريمان السبيعي

صح بدنك

وماكانت تصريفات الا فتل ونقض حسب مايتطلب الموقف والمعنى

سعدت بمرورك العطر

{سهيراليل}

الشاعر/خالد بن فراخ الحارثي

صح بدنك

وابو زيد خصم عنيد فعلاً

والله يبارك فيك اهلها يابو نايف جهزو المشاعيب تكفون الموضوع ماهو بصري الظلم ههههههههههههه

لاتخاف المنتديات لن احد يقدر يغير مسارها مهما فعل

سعدت كثير بمرورك وقراءت ردك الرائع

لك مني اصدق الود

{جهز وضعك سوف اكون عندك في الطايف قريب}

{سهيراليل}

اخوي حسين صح الســانـك ولســـان ابو زيد

عزالله محـــاوره جيده وممتعه بس ناقصهـــا شي واحد


الصـفـوف هههههههههههههههههههههههه

يابو بندر الله يسهــل دربك وانا اخوك ويوفقك رب العباد

تحيـــــــــاتـي لك يالذيب

أخـــوك /
فــهــد الـذبـيــانـي

الشاعر/فهد الذبيني

هلا وغلا

مرورك اسعدني كثير

خلك تشوف؟ وينك غايب عني وابو زيد اكلني ولعب في حسبتي

صح بدنك

لاهنت

{سهيرالليل}