سلام الله سلامن معتبر ؟؟؟؟ ماهو بحي الله!!!

مساكم الله بالخير جميعا

انا ماودي اختار شاعر أو (هـ) بعينه ولكن اللي وده يلعب معي مرحبابه :



سلام الله سلامن معتبر ماهو بحي الله

************** يقوله شاعرن بعض السوالف دابله كبده



أبيلي شاعرن يقدر يعقد الحبل ويحله

************** ويبشر له برجالن يحل الحبل ويعقده








* (التنوين في البيتين استبدل بـحرف النون )

هلالالالا حالم مسيك بالخير


اسمح لنا نتحرك معك طال عمرك0

هلا يا مرحبا ترحيبة ٍ تزها بما شا الله *^* يقوله شاعر ٍ ما هوب وسط الملعبه وحده

ندرجها ورب الكون يصلح خافى الخله *^* وإلى جانا الكلام الاولى ننظر لما بعده

يازينكم ويازين طواريقكم والله ان قلبي يتقطع اب اشارككم لكن الشباب طالعين ذالليل رحله وموصيني في العزبه

تعرفون ذالليل 15

لكن اذا قدرت الحق شاركتكم



اخوكم /عبدالله







[تم تعديل الموضوع من قبل AالشهرانيA بتاريخ 04-08-2001 الساعة 05:18 PM]

تسلم والله يا معتز

ومعذرة عن التاخير ( الله لا يشغلنا الا في طاعته )

واسمع ؟؟؟


تبي كاسة حلا والا تبي فنجال من دله

*********** ألا ياسعد من ساقوا عليه الكيف يا سعده


ترا حنا ليا شفنا عميل الخير نمهلله

*********** ليا من حضر نفرح به ولا من غاب نفتقده

يا حالم قلت قول ٍ وافق المنهاج والمله *^* كلامٍ يبهج الخاطر كما نقد الذهب نقده

نخايل للبروق اللى تكاشف ليلها كله *^* عسى الله ينزل الخيرات من نو ٍ رهج رعده

انا مـاني بزايد طينـة اهـل الملعبة بلـة

*********** بعـد ماشفتكـم تبغـون قرب الشيـخ ابو سجـدة!!!




ولا يحتـاج اوصـف لك مادام الـدرب تدلـه

**************** وشيءٍ يكتبـه رب السمـاء يجـري على عبـده

طريق المجد مفتوحه مهى لحمد وعبدالله *^* وكل ٍ ياخذ المكتوب با مر الله على جهده

يا حالم خلها دعوى سعوديه مع الشله *^* تحياتى على ذاك الزهيد اللى ظهر زهده0

بقاموسـك حروفـن سالمـه وحروف معتلـه

************* لعـل الله يجيـب الـك الربيـع الزيـن في وعـده



اشوفـك تنتظـر مـن هـو رقد في داخل الفلـة

******** لكني ياولد ؟ خاااايف .... تكون الرقدة ؟ الرقدة !!!