يا سلامي عليكم يا ربوع النداوي

ياسلامي عليكم يا ربوع النداوي
......................ردةٍ من ضميري قلتها للنشاما
********
سرو الليل يالاصحاب والذيب عاوي
......................من يجاوب عوى ذيبٍ قنب فالضلاما
********
منهو اللي معي يالربع يبغا يخاوي
......................يفتح المنتداء ثمٍ يشد الحزاما


___________________________________
عنز على الرجال النشاما المسمين
,.....................اهل البيوت النايفات المطله

يا حي ذا الصوت يا العاشق المحروم والله اني اتهدد ....

هلا بالعاشق المحروم

انا بالنسبه لي الليله بنعطي فرصه للشاعر الجدد خلنا نشوف وش عند الملثم والربع الباقين

[صريع الغواني]

مرحبا بك عدد مالاح برق سناوي...يوم فالمتندى قدمت عذب السلاما
وانت يالعاشق المحروم ويش انت ناوي...يارفيق يتجر الصوت بين النياما
شد حيلك ترى المسرى طلوع وملاوي...وانت مثلك محله فوق راس السناما

السلام عليكم

الأخ العاشق المحروم جاك صريع الغواني شد حيلك

الأخ صريع الغواني ترى العاشق داهيه شد عليه شوي

البقا يالشجاع اللي على الحمل قاوي
........................يا شجاعٍ تزهل للحموله وقاما
********
ما نوينا الرديه ما نحب الدعاوي
.......................وانتبه للهروج العوج يا بن الكراما
***********
يا صريع الغواني شفت لي عود ثاوي
......................من قديم الزمان ابمنزله ما تواما

_____________________________________
عنز على الرجال النشاما المسمين
......................اهل البيوت النايفات المطله

[صريع الغواني]

لاتضيعك يارجال كثر الهقاوي..خلها بيننا تسليم ثم استلاما
جاك دكتورللعله طبيب مداوي...يعرف اللي لجا بين اللحم والعظاما

شفت لك عود في داره لربه رجاوي...هاك علم جديد وخل علم القداما

لايغرك كلام مجمعين الرشاوي
.................بكرتك عودت للشيح عقب الخزاما
********
انت دكتورلكن فوقك النجم هاوي
................وش تسوي ليا جاك المرض والهياما
********
ويش غبت بحر من دونها الجيش ضاوي
................يا صريع الغواني يا رفيع المقاما
..
_________________________________
عنز على الرجال النشاما المسمين
...................اهل البيوت النايفات المطله

[صريع الغواني]

ياعمليى ترى مافيه تمر حساوي...شد حيلك ولا يرعبك كثر العساما
مايفيد الصياح ولاتفيد العزاوي..المعارك تبي رجل يروي الحساما
وانت مرماك بالبندق مهوب متساوي..قمت تضرب بها مابين شرق وشاما

كبرت اللقمه وغص العميل الرهاوي
....................يالعيافي ترانا ماعلينا ملاما
********
اجعل الرمي يا رجال حول الحراوي
..................ولاتجي للمطامن عقب ذب العداما
********
قلت لك عود ثاوي قلت راحت نخاوي
..................قلت غبّت بحر قلتو كلام ابكلاما


__________________________________
عنز على الرجال النشاما المسمين
................اهل البيوت النايفات المطله

[صريع الغواني]

خوي العاشق انت يمي والله ننهيها وبيض الله وجهك وان رديت استعنا بالله وجاوبناك مايهون علينا نخليك لحالك

[صريع الغواني]

اسف كان الرد السابق قبل قراءة ردك
والله اني عن الالغاز مانيب غاوي..بس اشوفك تخلط مع الحلال الحراما
عودك اللي تقول مخبز بالمجاوي...والركايب تعود من بحرها حياما
احمد الله رهاوي عن طعامك غناوي...يوم بعض العرب يطمع بزاد اليتاما

بيض الله وجيكم

الشعراء صريع الغواني والعاشق المحروم

عزالله أطربتوا الجميع هذه الليله

الأخ صريع الغواني بدايه قويه

[صريع الغواني]

شكرا يالندواوي واشكر اخي العاشق المحروم اللي اتاح لي الفرصة وانا اشهد انه يستاهل اللقب

مرحبامرحبابك يالعديم الهـواوي00فرصه طيبه مبروك شهر الصيـاما

الله انه يكافينا البلا والبــلاوي00شد حيلك وزرعك مقتفيه الصراما

كيف تبغي تحل الدار وانته جلاوي00لاتصلي صلاة الصبح قبل القيـاما

خيال البلها وانا اخو سناء.... هي وشبلاها ولعت حريقه يالربع البليه ذي اللي علي يميني .. الله يقطع ابليسك ياسهم المنايا يوم تقول خلنا نشوف وش عند الملثم..
حرام اني تروعت بغيت اجيب المطافي اطفيها .. والله انكم تخوفون يالربع .. هي يعني تولع حريقه اذا دخل الواحد عرض والا العلم وشنهو... لاحول الله

[تم تعديل الموضوع من قبل الملثم بتاريخ 12-03-2000 الساعة 02:59 PM]