راس مالي عرف صدري والوفا زادي وشربي============

الله يحيي الجميع

استعدي يالمثايل والهوا شرقي وغربي

======================واستهلي ياسحابه فالنجوم العقربيه

راس مالي عرف صدري والوفا زادي وشربي

====================== واكره اللي شايف نفسه ولاله مقدريه

_________________________________________

( د ع و ج ي )

[تم تعديل الموضوع من قبل الدعوجي بتاريخ 04-06-2001 الساعة 06:46 AM]

الله يبقيك ...

يا هجوسي جاوبي صوت ٍ صداه اليوم قربي ***** ما يضيع العلم تسانه من خوي ٍ لا خويه

الوفا طبع العرب والحلم والمعروف دربي ****** كل رجلن يا عميل الخير له مبدى ونيه

السمع

ياهجوس جاوبت صوتي وبادعها شعر بي

==================== مرحبا في مرحبا والنار فالمقباس حيه

افتخر بالطيب اللي بالمواقف يفتخربي

==================== واترك اللي بالردا دايم مواقفهم رديه


__________________________________

( د ع و ج ي )

البقى يالدعوجي ماجور من شر ٍ وكربي ******* خلها ما بيننا تدرج وتضوي بالعشيه

ما إفتخرنا غير بالإسلام في سلم ٍ وحربي ******** وأنت ذيب ٍ بادي المرقاب مع ذيب السريه

السمع

ياوسيع المعرفه فالمعركه روسي وصربي

====================== وانت توّك باديٍ يالسبع في راس الشفيه

نعنبوها لحيةٍ في وجه رجالٍ غدر بي

======================== مير والله 00ماحسبنا للرباع وللثنيه

_______________________________

(( د ع و ج ي ))

لي عزوم ٍ سابق ٍ في كل دار ٍ ما عثربي ******** والنجوم اللي تشابه تختلف كل ٍ بحيه

نعنبو من خان ربه في الخيانه ما انتصربي ******* اقرب اقرب يا عميلي هية ٍ يا حي هيه

السمع

دام فالعد القراح المعتبر دلوي وغربي

=-====================== والله اني محتميها من هناك اليا هنيه

الصبر طيب وتلقى من يدف ومن يدربي

======================== ثم عند الدعوجي بكره تقدم لك قضيه

________________________________________

(( د ع و ج ي ))

نعم باللي يحتمي الماقف لو إنه ما خبر بي******** إنتهينا مير هات الطيبه وأخذ الحذيه

ناقتي مع ناقتك والجرب في المضوى تجربي ********** دامها عند النداوي لا علاك ولا عليه

اسمع ياسبع الخلا وعساك بخير وعافيه

استلم لاهنت
ماعلى شرواك زود وسير في دربك وادر بي
================اني اللي باليمين مجود خطام المطيه

جعل روس الهيم ماتسلم ياذربٍ جاه ذربي
================ لاتهد الحصن بيدينك وانا تبني يديه
ـــــــــــــــــــــــــــــــــــــــــ
( د ع و ج ي )

اني اللي باليمين مجود خطام المطيه ( كفو يالدعوجي )

صح لسانك ونتقابل إنشالله مستقبلاً وإسمح لي على الإنقطاع الفترة السابقة كلها
لأن المنتدى كان مقفول والحمد لله اللي زانت جميع الأمور