سلام الله سلام بما الورود اليانعه مرشوش(الله يحيي الجميع)

مرحبا والله باخواني اعضاء المنتدى وبكل زاير والمشاركه هذي مفتوحه .






سلام الله سلام بماالورود اليانعه مرشوش *&* على اللي ينقشون القاف لاغنوه نقاشي


انا لاما سمعت اللي يغيطل بالبيوت اشوش *&* وخص به بيوت الشاعر اللي تبرد الجاشي

الله يبارك فيك يابو عابد
واخذ الرد :

هلا يامرحبا ترحيب في صم الصفا منقوش
******************* مثل ماقالوا اهل المعرفة خذها على الماشي


نبي نشري عسل صافي ولا نبغا عسل مغشوش
******************** وانا اشوف العسل كل الزباين عنه تنحاشي

سلام عليكم

سلام الله على غمر ٍ وقف للقافية مربوش
=================== على العد القراح وصافي المشروب يعتاشي
-
صديق ٍ صادق ٍ معروف حتى في نهار الهوش
=================== سبق يالمعرفة ناس ٍ كبار ونحسبه ناشي

مرحبا بالشهراني
ان كان فيه ملاقيف في المنتدى هم انا واخويه ابومشعاب عوض القرني
انا امون عليه يوم قلت كذا عساه مايزعل
واسمع يا شهراني

هلا يا مرحبا ترحيب وفراش الغلا مفروش
هلا باهل الجنوب اللي سماهم غيم ورشاشي

ليا منك سمعت اللي يغني لاتقوم تهوش
نبي نعطيك بالتقسيط وان عييت بالكاشي

ارحبوا ارحبوا الله يحييكم جميع


استلموا:




رغم كثر الوعول اللي بدت تبغي تنوشك نوش *&* لابد انك تحدد واحد ترميه يا حراشي


لو انها تدري ان في ايدك سلاح الموت ابو قرحوش *&* تلقا الليل وتلوذ بدياجيره وتنحاشي

ايهههه العلم منتفخ

-
-
اخووووووووووووك ابو مشعاب


[تم تعديل الموضوع من قبل عوض_القرني بتاريخ 04-06-2001 الساعة 04:24 AM]

استلم ياشهراني
ترى مافيه غير ذياب والغزلان جوف الحوش
ذيابه ما تعشى غير لحم جمال وكباشي

سلاح الموت حنا صانعينه قبل مصنع بوش
ليا صوب يوديك المقابر قبل الانعاشي

هاااااايه

لا والله خوش يا النشمي مدحناك وظهر لك خوش
=============================== نسيت اقول بعض احيان يصبح منهجك فاشي
-
مرار ٍ تلبس الجوخه وعــشر امرار لك طربوش
=============================== يا خوفي لاتعود سالفتنا طــاش ما طاشي

ههههههههههههه
على قولة اخوي ابو حزام خل عندك روح رياضية

ضاااااااااااااااااااعت الطااااااااااااااسة؟؟؟؟؟؟؟؟؟؟؟؟؟؟؟
حيل الله أقوى ؟؟؟

اهلا والله بالشباب والله انقطع عنا الكهرب البارحه وجالي عذر .
لكن ما لي عنكم مصد استلموا(اما الاخ حالم فابي منه تفسير لاخر ماكتب)





ياجابر كم هزمنا من صناديد تقود جيوش *&* وخلينا رداوة حظهم يحكي بها الواشي



الاصايل في اللقا تبقى اصايل والكدوش كدوش *&* وقصر العز لايمكن يجي ليحان وعشاشي

اسمع يا الشهراني

تراكم يوم فزتوا ماهزمتوا غير خمس حبوش
وشفنا قايد الابطال رابط راسه بشاشي

صحيح ان الخيول خيول لكن الجحو.. جحو..
مصيرك للهدد يابيت يبنى فوق الاحراشي

هلا يابو عابد
وكلامي مايبيله تفسير ؟؟؟؟؟
المعذرة عن تكملة الطاروق ؟
لأن الشباب المتواجدين فيهم الخير والبركة !!!


اخوك / حالم

خلوووووووووووووووووووها



من اول ما شطح في طلعته جا ينطح المهروش *&* ما يدري انا نهمش دوره من الشعر هماشي

صحيح وبه جمال هادرات وبه قطيع عفوش *&* وياكبر الفرق مابين العفوش وحم الابواشي

خلووووووووووووووووووووووووووووووووها

اخي الحبيب عبدالله الشهراني
لا تضيق ولا تزعل تراها تسليه ..

واسمع البيت الأخير مني وابغى منك السموحه تراك حشيم وغالي والله

ترى بعض العرب لا ضاق مايسوى ثلاث قروش
تركد والقضية ما تبي تعصيب وهواشي

انا شفت الجمال اللي وبرها فالرمل منكوش
ترانا ماقنيناها ولاهي ضمن الادباشي


اقول قولي هذا واستغفرالله العظيم.

الاخ جابر والله ان الامر عادي جدا وهذي القلطه ماهي حب خشوم الا نقض وفتل وكلام قوي .

وانا والله ما احمل لك الا كل تقدير وماشاء الله عليك شاعر متمكن والله يعطيك العافيه ونتقابل على خير





اخوك/عبدالله