سلمت والسنه سلام والرد واجب

[كحيلان]

السلام عليكم
لغير الشعراء نكتفي برد وعليكم السلام ورحمة الله وبركاته
اما الاخوه الشعراء والذين دونت اسماءهم لعلمي المسبق بانهم اهل لذلك سيردون التحيه باجمل منها

بعد اسبوع سوف اعاتب عتاب اخوي من لااشك في شاعريته ولكن لم يدلوه وذلك في موضوع جديد

سلام ياجمع السلام اهل السلوم الساميه سلمت والسنه سلام

كرام ياربع الكرام اصل العلوم الراميه يممت والكنه قروم


للمعلوميه
كل شطر يحتوي على تسعة قوافي
اي ثمان عشرة قافيه للبيت
وكني باول من يرد وماسميته المطنوخ عبث

تحيات اخوكم
كحيلان

[nashama]

أخي كحيلان
صح لسانك ودوختناولاعاد تعودها

علام مانسمع علام واصل العلوم العاميه علمت والفنه علام
همام واسرع والهمام واسل الهموم هماميه حلمت بالجنه حلوم

كلام ولو بدع الكلام اكل وهدوم الناميه قدمت بالمنّه كلام

زحام ياسبع الزحام ازل السهوم الداميه عتّمت بالونّه نجوم


من باب التجربه فقط



الفـــارســـه

اخي كحيلان
محاولة واتمنى ان تكون في مستوى ظنك في الزملاء

قوام واتبع للنظام كل النجوم الزامية اقدمت وارضنّه قوام
ماقام سبع الا شمام هل السهوم الرامية ادمت على ظنه رخوم

"" كحييييييييلان .. وش فيك !!؟؟

ظلام يا دمع الظلام ابل الظلوم الضاميه ظلمت والظنه ظلام

زحام يا وجع الزحام اتل الحلوم الكاميه عممت والرنّه تدوم

[كحيلان]

الاخ الكريم
الشاعر
اخو النشاما
مطنوخ يانسل القروم
مطنوخ راع الاوله
هات يمنى فدوها يسرى
وابشرك بالسعد ان الله احياني

عن كنك تبرد الكبد يالشلي

تحية اعجاب وتقدير واحترام
من اخوك كحيلان

[كحيلان]

الاخت الكريمه
الشاعره
الفارسه
وينها وينها بنت ابوها وامها
=== وين بنت الحموله تنثر حروفها
قالو عنها ذي
بنت الرجال
واخت الرجال
حطت وسام تلت البيرق وقفت
ماعليها من احد
ولاقام حي ولاقعد

مهرة خالت تغطرس قدم خيل
== يسبق خطاها عبوق اطيابها
تحريبها طواعة القاف
لاشلت يمينك يالفارسه
تحيه تنضح بالتقدير والاحترام
اخوك
كحيلان

[كحيلان]

اخي الكريم
الشاعر
جابر السلمي

شب نارك يارفيقي لايهمك من ينادي
== من بحور الشعر تغرف كل قيفانك سديده

ياجابر كسور النشيد
هو عاد به شي يقال
وانت القوافي لك عبيد
جنوب ودك او شمال
لارحم ابو حي القصيد
لى ماغدى دون رجال

جعل عيني ماتبكيك
كفيت ووفيت
لك مني كل التقدير والاحترام
اخوك
كحيلان

[كحيلان]

اختي الكريمه
الشاعره
الفذه
نجدية سدير
اشرقت شمس الاصايل
واسفرت نجد العذيه

تلبس سدير الخمايل
لى وطتها العسوجيه

وش على بنت القبايل
كيفها شيخة رعيه

اي بالله كيفها هما اسمها نجدية سدير
تزها الشعر ويزهابها

يحق لك يابنت
شامخه قول وفعل

وعلى قولك شفيك
مافيني الا العافيه
تقبلي اجمل وارق تحياتي مع فائق التقدير والاحترام
اخوك
كحيلان الوداعين

اووووووووووووه .. ودعاني دوسري ..

والنعم والله ،،

وعليكم السلام ورحمة الله وبركاته
____________________

حرام ياشمع الهيام ... إجل الرسوم الظاميه ... اضرمت لكنه حرام
مدام .. يجمع بالغرام ... اقل سومٍ .. عاميه ... اجرمت يوم إنه .. رحوم


من باب اللقافه ...


وتقبل تحياتي
اخوك/


[تم تعديل الموضوع من قبل ماجد بن محمد بتاريخ 04-07-2001 الساعة 11:47 AM]

فالح ........

انا ما ني براد علييييييييك ...... كذا عناد بس

وانت تعرف اني اذا قلت شي ابدع فيه <<.. ومناك مهوب عارف كيف يجيبها

حبيبي انت ....


اخوك:
امرىء القيس

( الاصداف )

[كحيلان]

ادرجو عنه ادرجو ادرجو صوب ادرجو
---- افهقو ثم افهقو افهقو ولا فهقتو
انهجو منه انهجو انهجو دروب انهجو
---- انطقو تم انطقو انطقو لو مانطقتو
اشقلو بقعا واهلها واسرجوله اسرجو
---- مهرة لعيون ماجد في سبقها ماسبقتو
ذا
رسنها
لابن ابو من طاع ربه
من رقى راس الهدى
من وطى علبى الردى
انشدو عنه الحويه
السمي من هو سميه
اشهدو والنفس حيه
للوفا باسم الوفا
عقب ابو محمد كفا
وش عقب مسك الختام
وياسلام الله سلام
سلمت والسنه سلام والرد واجب
وبيض الله وجه من رد السلام


كحيلان