## نـــــــداء لــــولــد عبــــــس ##

مساك الله بالخير ياولد عبس .. واستلم :




سلام وندا موّال مـع طرق في علـمٍ خطيــر


نوصّل نــدا فالمنتدى كـان تسمح يامديـر


والا يا سلايـل عبس هاتوا لنا شاعـر كبيـر


يــــقول المثــل ما للمـواقيـف غير ارجــالــهــا



========




على متـن الجـمل ومجوّدن حملـه ومضــمــونــه




سلام الله عليـكم يا سلايـل عبـس يالشــــجعــان




وقالوا لي ولـد عبــس الذي ما يخلــف لحــونـه




ترى جاك النـــدا رد الصـــدا لاتهملــه يا فـلان

مرحبا يالمهند والله أني ما بغيت أمر على المحاورة الليله لكن حظك حلو..


هلا مرحباً مليون مدري كذا وألا كذا


مديرن سمح لك ياالمنادي على طيب وشذا


ترى الكبر لله والبشر كبرها شرب وغذا


يقول المثـل ما للمواقيف غير ارجــالها

.,.,.,.,.,.,.,.,.,.,.,.,.,.,.,.,.,.,.,.,.,.,.,.,.,.,.,


انا ماقد خبرت أن الجمل يركب مع متونه

++++++++++++++++++++++++++++++ ألا يامرحبا وسلاحي السنه مع القرأن


عسى ربي يعينك كان تمسك علم وتصونه

++++++++++++++++++++++++++++++ وأنا ماني برجل للرفيق يقدم السفطان


ولدعبس

طيب طيب



استلم :




يدوم البقا بك يالرشيدي ولا به مستحيل


علومٍ قبل يومين ما بين جدّه والجبيــل


بـ حمّىا الصـداع اللي تسبب لك الهم الطويـل


يــــقول المثــل ما للمــواقيف غيـر ارجــالهـا






=========



هذاك الحمل يالشاعر وانا قدته مع ارسونــه



ويدوم ابك البقا جتك الدلايــل جالك البــرهان




تقول البوصلـه يم الجنوب اجتــاحت اضــنــونــه



علام اللي قــدح وامرح ولا ســــــبب سوى الــدخان

أستلم جعلك تحيا..


أثر وسط قلبك يالمهند علومن كوم

وأنا ماخبرتك ياعميلي لسان القوم

زرعت العنب وأثمر عنبنا بحفنة ثوم

يــــقول المثــل ما للمــواقيف غيـر ارجــالهـا


توقع ياخويي لا يجيك الذيب بسنونه

++++++++++++++++++++++++++ قلا تقدر على الهربه ولا تقدر على سعران


أنا رأسي شمالي لا عبس وجه الزمن لونه

+++++++++++++++++++++++++ وأنا كلي جنوبي وأفتخر في يام مع قحطان

طيب طيب .. تراك غيرت لحن الموال


لكن استلم :



انا ياعميلي حاكمٍ بالحليـفه معتــمد



وليا قلت لي ويش انت ابا اقول من آل الحمـد



وابا اجر صوتي فالغزاله ليا دار الثمـــد



يقــــول المثـــــل ما للـــمــواقيف غير ارجالــها




====


تراك اجتزت لك ديره وبعض الناس مشــحونـه


ترى الفزعـه تحصّلها ليا قامت لك قلاادان


تركّد وافهم الموضـوع والاخبــار موزونــه


انا ما اذمكم لا انتم ولا قحطــان يا عدنــان