$$$$ اللي يعرف المعنى حياه الله$$$$

ليه تصخا بي وليه تشمّت العــذال فيه
ــــــــــــــــــــــــ والله اني ماحسبتك غير واحد من خـــواني

يالحميّـا ليه تكــويني على عرق الحميه
ــــــــــــــــــــــــ والوفا عرقٍ جمع مابين شهري وقحطاني

ابشر والله يابو بدر ..... ياعيناك
وتراني كتبتها وأنا مستعجل المعازيب ينادون ويصيحون علي في الراديو يابو بدر والله يستر ...

مرحبا بك يالدحيمي والليالي سرمديــــه

............................................ والدهر يلعب علي الحبلين مثل البهلواني



الوفاء طبع الرجال من العصور الجاهليه

............................................ مايبوقه يالدحيمي كون رجل قلبانـــــــــي



بحــــــــــــر

اررررررحب يابو بندر

جعلي مابكيك ماهو بلاحقني فيك شك



البقا بك ياكريم النفس يازبن الونيــه
ـــــــــــــــــــــــــــ وانت والله ماجهلت اللي من اخواني كواني

وانت قلّه يبشر من العين هذي قبل ذيّـه
ـــــــــــــــــــــــــــ لين يرضى والمحـــاله مالها غير الســواني

تدري أن الشوك ينبت في الورود النرجسيه

.................................................. ...... حكمة الحي المميت البر وهو المستعاني



والله أني داري أنك من مقاديم السريـــــــه

.................................................. ...... تدمح الزلات ثم تطمر مطامير الحصــاني




بحـــــــــــــــــــر

يا سلام الله على الشهري سلام ٍ له دوية
======================== الخوي اللي نساني في مطمات الزماني

ذيبنا سرحان يعوي من تسبب في عويه
======================== والله اني ما جهلته بالزمان وبالمكاني

عدّها شرهـــــة خــويٍّ يابحــر يغلي خويــه
ـــــــــــــــــــــــــــــــــــ ادري انه وافي الشيـــمه مع قاصي وداني

والهقاوي خلّــها تلقى زراج المهمــــهيه
ـــــــــــــــــــــــــــــــــــ لايهمّك من يقـــــول اني فلان ابن الفـــلاني

اررررررحب اررررررحب حيا الله عوض


مرحباً بك يارفيــقي عالوفـا والمقدريه
ـــــــــــــــــــــــــــــــــ مانسيتك مير يالقــرني زماني شقلـباني


والتحيّـــه مالها عنـــدي سوى رد التحيّه
ـــــــــــــــــــــــــــــــــ والسلام يعــمّ كل الخلق ياذرب اللساني

الزمان اللي تقوله حتى انا ما شـفت زيه
======================== غيرونا اهل المثاني نعنبوا ذيك المثاني
وانت امير الشعر فينا حتى ترفضك الرعية
======================== ما يعــان الا معــان ولا يهان الا مهاني

ألاخ ابو بدر محمد الدحيمي,,اعذرني لقد اعجبني الطاروق
ثم اسمع
والله انك يالدحيمي عندنا منته شويه
======================= مير مانعرف وش اللي جاك من قاصي وداني
كان شرهتك الكبيرة جالها طب وبرية
======================= لا تولع نار ثم يشب نار الجمبخاني

ارررررحبوا جميع
وحياكم الله




الدحيــمي في نحيّــــه والجماعه في نحيّـــه
ــــــــــــــــــــــــــــــــــــ والقضيّــه روحّــت .. يادان دانه ليل داني

وان تركتك يالأغانـــي ماسمعتــك وش عليــه
ــــــــــــــــــــــــــــــــــــ وش عليّه من كتـــاب الأصفهاني للأغاني

البيت هذا وساري..اسمع يالدحيمي
ليت بعض الناس يدري كيته ماهي خفية
==================الخبر شايع وكل شافها شوف العياني
مير لا تترك علومك بين شمس وبين فية
================== الكتاب كتابكم واقراه ياسهيل اليماني




[تم تعديل الموضوع من قبل جابر السلمي بتاريخ 04-06-2001 الساعة 10:28 AM]