محاوره والدعوى مفتوحه للجميع .....؟؟؟؟

ارحبوا ارحبوا ارحبوا..


انا في خاطري علم وحلم يطلب التفسير

=================== مفسرة الحلام تقوم والدعوه عموميه

عوى ذيب الجبل عود صدى صوته بشكل غير

=================== تشعللها الشياطين وتخلي نارها حيه

حكيم الجامعه

حكيم

الساعة وحدة الصبح ممسى والوعد قدام

مسيك بالخير حكيم الجامعه

استلم


حكيم الجامعه جاك الرفيق اللى يحب الخير ===== يحب الخير واهل الخير مطلوب الشقرديه0

والى من الذيابه لجلجت بالصوت وقت اعصير ======= تنحى عن نحاها واطلب الله يصلح النيه

هلا بك واعرف لماطا القدم ياذيب قبل تسير

======================= خذ العلم الوكاد وحلله والناس مكفيه

انااخيل البروق اللي تكاشف وش بعد بيصير

======================= واخيل النو ملزوم اعرفه واعرف مناشيه

حكيم الجامعه

درست العلم لاكن اتضحلى داخله تزوير *^* ورى بعض العرب فى ضامره مافيه حنيه


ترى نو المخيل اللى تزبر فوق خشم النير *^* حقوقٍ لانزل يسق الديار اللى سناويه0

مادام انك كشفت السالفه ابغا لها تصوير
وانا باطالبك بشهود هذي قبل هاذيّه

عسى فيه بركه لا جا وانا ماحتاج لي سيير
اسوق الذود واسبقها من الدار الجنوبيه

حكيم ....

[تم تعديل الموضوع من قبل حكيم الجامعه بتاريخ 04-05-2001 الساعة 05:43 AM]

شهودك مالها داعى ولم يحصل ترى تقصير *^* سوالف ربعنا لاجاتنا ماهيب مخفيه

درست بمدرسة عز الرجال وماخذٍ تقدير *^* وخلق الله ترى ماهى من الزلات محميه

الأخ /حكيم الجامعة
الله يمسيك بالخير…وحقك علينا نجيب دعوتك ونلعب معك عسانا نكسب خبرة منك
واسمع الله يحييك:
هلابك ياحكيم وكل علم نجيب له تقرير
======================= عسى خاطرك طيب يوم جيت تدق برقية
سمعت الصوت لكنه يشابه له هدير بعير
====================== رقى راس الجبل ويخيِّل بروق الشمالية

اسمع يامعتز...

كلام ما عليه اثبات خله بالهوا ويطير
يجي وروح كنه يالعميل احلام ورديه

على وين انت ساري ياولديالله عسى التيسير
وممشى الليل ضاع اللي بعيدات هقاويه

حكيم

استلم يا حكيم الجامعه:

اشوفك يا حكيم الجامعه تال الزمن شرير *^* بعد ترفيعكم لاتحسبنك مقدم الهيه0


عرضنا لك نبى نمزح واشوفك ناو ي التثوير *^* تفضل واكرب احزامك ونار الخصم مطفيه0

[تم تعديل الموضوع من قبل معتز بتاريخ 04-05-2001 الساعة 05:23 AM]

اررررررررحب ياجابر...

هلا ياجابر الخاطر هلا ياراعي التطوير
اعرف ان للمراجل فيك يارجال ماريّه

هلا يارعي الفزعه علم ماحتاج له تشهير
ارحب بالغيوم خصوص لا من اجات غربيه.


حكيم

اسمع يامعتز....

حكيم اسمي ومنه اخذ ولا هو طبعي التكشير
ولا ني شايف غارات بريه وجويّه

ترفق لا تثور وثورتك ترمالها تبرير
ترا منتب حبيب لا ولا انتب فيصل العيه

حكيم الجامعه

مرحبا بك ياحكيم
اسمع :
يدوم لك البقا وانته حكيم وكل يوم تغير
تشعللهامعارك بالحروف وحد جنبية

ليا مني فزعت اسقيك من جمة قراح البير
وبعد دن الرعد جاتك مزون الوبل وسمية

اسمع يا استاذ حكيم


حكيم ان ماهداك الله نبى نرميك فى خرخير *^* ثلاث اسنين تبقى كن منته فالسعوديه0

انا معتز اذا دكيت عظمٍ مالها تجبير *^* وقدرك يا حكيم ابخاطرى ميه على ميه 0

اسمع ياجابر...

اناماغير بغته لا حشا قبل ارسل التحذير..
انا ماجازي الاحسان والمعروف بالسيّه


وردت الما شربته صافي ما ناشه التكدير..
الى هلت مزون الغيث الارض تقول ياحيّه