ياولد عبس الجمل يهدر ويزبد بالرغاوي

[سلطان^^الهاجري]

كفو والله كفو ارحبو يا شعار الموقع يا هلاا والله ومرحب

يا هلاا والله وغلاا يسعدني يا اخواني اني اتابع لعبكم والله انها الساعة المبارك يوم اشوف المحاوره في كل مكان

والله يعطيكم العافيه ولا هنتم

أرحب يابحر...

أستلم طال عمرك...

والله أنه مافتن قلبي سوى قذلة مضاوي

++++++++++++++++++++++++++++++++ والسماوي نجمنا والعلم يكفيك أوله


يابحر حلمك قريته خبت ودياره حراوي

++++++++++++++++++++++++++++++++ وأنت موجك صفقة وحدة بعيدن تشتله..

ارحب ياسلطان يا وجه محلف ....

ودنا انك تدخل معنا علشان نستفيد منك طال عمرك بحر من بحور شعر

المحاوره...

اخوك /// حكيم الجامعه

دام تعرفني تعال أنشدك كان أنك رهاوي

++++++++++++++++++++++++++++++++ وشبلاي ليا شتلت الزرع رحت تشلشله؟

أيه عودنا وانا خبري بك العام متدواي

++++++++++++++++++++++++++++++++ يامريض العشق ماعينه قدم أدهله

اسمع ياولد عبس.....

الخطا مارضاه مارضى الا على العلم القداوي

============================ لكن العوجا الا مرت تروح مهلهله

اتعشم في الحرار اللي بعيدات الهقاوي

========================= تنظر العلياوترقى ما تشوف المسفله

حكيم الجامعه

اررررحب اررررحب اررررحب يابو وسام

الحزه المباركه والله والفال الطيّب اللي شرفتنا به يوم تتابعنا وانت استاذ لايشق له غبار الف الف شكر.




ماشاء الله تبارك الله ياولد عبس

لبا قلبك على هالنومه

انت لامنك شبعت نوم قمت ترد علينا وانا وبحر رقدنا في حروتك



سقها ياولد عبس سقها


والله اني خابرن علّــتك ضاق بها المداوي
ـــــــــــــــــــــــــــــــــــــــ مير حنّا نب نـداويها ولو هي معضله


نَحْمِي المشهــاب ونوســـّم بعلباك المكاوي
ــــــــــــــــــــــــــــــــــــــ عقبها في لحيتي يالمنتـــدى ماتدخله




[تم تعديل الموضوع من قبل محمد الدحيمي بتاريخ 04-01-2001 الساعة 06:10 PM]

مرحبا بسلطان يشرفنا تواجدك

أسمع ياحكيم الجامعة

ياحكيم الجامعة مال الذلول ألا اللحاوي

++++++++++++++++++++++++++++++++ والجمل لو مر حاشي يوم هدرته أركله؟


ماعلى خلاف دام الرجل شرواكم يساوي

++++++++++++++++++++++++++++++++ والحقيقه حق وأبواب الشمال مقفله..


تحياتي لك يابو مهدي

اخواني الاعزاء الله لا يهينكم ...

شاب القاف دوروا غيرها والخير واجد وابشروا باللي يرضيكم..

اخوكم /// حكيم الجامعه

[كحيلان]

حي راكان الدحيمي وحي ابن عبس الخلاوي
وحي ابن لعبون فالح وابن ابو فهد ازهله

للوفابرق يزرفل للمراهيش متخاوي
ا محق الله نجمة لارحم ابوها دمله

[سلطان^^الهاجري]

يا سلاام والله على هاللعب الطيب

السلاام عليكم ورحمة الله وبركاته وحييتم عد ما يذكر جلاله
ارحبو ثم ارحبووو ثم ارحبو الدحيمي وحكيم ولد عبس والله انها الساعة المباركهوالله اني قايله صاج يوم اني متواجد معكم لاكن والله يالربع ان ما اكون فاضي الا ساعاتٍ قليله علشان اتواجد معكم ويشرفنا ذا الموقف والله يا اخواني وبقيت اسال عن عبدالله بن فلاح هو موجود ولا لأ وكيف احصله يالربع وبلغو سلاامي للأخوه الأعضاء