ياولد عبس الجمل يهدر ويزبد بالرغاوي

ياولد عبس الجمل يهدر ويزبد بالرغاوي
ـــــــــــــــــــــــــــــ خيرة الله لو طرف له من يدي شيً .. كله

لا تخلون النياق الحيل غفــلٍ بالنداوي
ـــــــــــــــــــــــــــــ وسّــموها ... واخطموله واربطوه بسلسله

مرحبابك يالدحيمي يوم جيت الصبح ضاوي

++++++++++++++++++++++++++++++++++ الدلال مبهرة والعلم تاتيبه هله

هيه والذود النحاوي مادرا بأنه نحاوي

++++++++++++++++++++++++++++++++++ والبعير اللي غدا معه النياق مشملة

البقا بك وانت قرمٍ يزبن الضيف الجلاوي
ـــــــــــــــــــــــــــــ والخبر يامبهّر الدله معك ماتجهله

عادة اهل البلّ ماتدهل مداهيل الشـواوي
ـــــــــــــــــــــــــــــ والشمايل ماحكمها من وسم غرب جمله

والله أني عارف لبساة البشت الحساوي

++++++++++++++++++++++++++++++++++ دام به شرواك رجالن يعسف المرجله


مير وش هي حيلة المسباح بيدين النساوي

++++++++++++++++++++++++++++++++++ لا لمسها صافي الخدين والرمش أسبله

الله يعطيكم العافيه ياشعار رديه جميله من النوع الثقيل والله لا يهينكم على كل حال



اخوكم /عبدالله

اررحب يابو هادي
ارم بدلوك لاعدمتك
ترى الدعوه مشاركه للجميع


استلم ياولد عبس

ياولد عبــس السنـــــافي ماذبحه الا الهقــاوي
ــــــــــــــــــــــــــــ ان تكلمنـا مصيــبه .. . وان سكتـنا مشكلـه

وانت يـــوم انك نظرت اللي تكـد الراس جـاوي
ـــــــــــــــــــــــــــ رحــت تهــــديها القلم المسبحــــه والمكحله









[تم تعديل الموضوع من قبل محمد الدحيمي بتاريخ 04-01-2001 الساعة 07:25 AM]

جيتكم مترقي مراقب وملقووووووف....

دخلتي معكم تراها عندي من احلى المناوى

=========================== سالفتكم يالذياب مرتبه ومسلسله

بس انا مالي دخل لو عرفته ويــش نــاوي

========================== اغنم اللي زاهيه خل عنك الممحله

حكيم الجامعه

مرحباً بك يالمراقب والهـــوايه للــــهواوي
ـــــــــــــــــــــــــــ وكل حملٍ عندنا يلقى بعيرٍ يحملـه

كلّ علمٍ له مقـــام وكل داعـي له دعــاوي
ــــــــــــــــــــــــــ وانت لاجيت بتــصلي فابتــدي بالبسمله

محاورة جميله من عمالقة .. الله لا يهينكم..


ميثاق

[تم تعديل الموضوع من قبل ميثاق الـود بتاريخ 04-01-2001 الساعة 08:53 AM]

أرحب يالشهراني

أرحب ياالحكيم

وارحبي ياميثاق


أسمع يابن دحيم!


الهقاوي شامخة والذيب بالضلعان عاوي

++++++++++++++++++++++++++++++++ والسكات أكبر مصيبه والقصار مطوله


جات لبا قلبها ثم أسكنت قلبن سناوي

++++++++++++++++++++++++++++++++ بعض قلبي تشربه والبعض الأخر تأكله

يالدحيمي مايصيب الفقر رجال غناوي

.................................... خلها تمشي علي رسم البحر بالبوصله


البعير اللي هدر ثمن رغي ماله كلاوي

.................................... يالله انك تحفظه يارب لاياكل هلــــه


بحــــــــر

ياولد فرحان خل السالفه نجم سماوي

................................. والعرب يمه تطالع والعيون مضلله


ليلة البارح حلمت وقمت منه اليوم ثاوي

................................. يامفسرة الحلوم ازريت والله أحلله




بحــــــــــــر

استلم ياولد عبس

اعرفك واسبر محاذيــرك ولاني فيك غــــاوي
ـــــــــــــــــــــــــــــــــ كل ماتذرا السنابل ماتحصل سنبله

ياالشقــاوي وش حدا بك للغبينــه يالشقاوي
ــــــــــــــــــــــــــــــــ جيت تبغا البنت واخذت العجـوز الأرمله

اررررررررررررحب يابحر

هلا والله وغلا يابو بندر

استلم

مرحباً يادرع جنبـــي واعرفــك ذيبٍ وقاوي
ـــــــــــــــــــــــــ تسبر العلم وتِعَرْف اتــلاه واتعرف اوله

يابحــر يوم انتخيــنا ماحدن لبا النخاوي
ـــــــــــــــــــــــــ والجمل في الســـوق مايســـوى ولا ربع هلله

ارحبوا كلكم والله انها من قلب ...

صارت الدعوى شعوب وقبّيله والنجم هاوي

+++++++++++++++++++++ لو يصيب شعيل نجم سهيل والله ان يقتله

والبعيرالاجرب اجرب مانفع فيه المداوي

+++++++++++++++++++++ واخر علاجه نبا الجزار ياتي يحلله


اخوووكم /// حكيم الجامعه