الحارثي والحمالي بدون ردود

[poet font="Simplified Arabic,4,black,normal,normal" bkcolor="transparent" bkimage="backgrounds/17.gif" border="none,4,gray" type=0 line=200% align=center use=ex length=0 char="" num="0,black" filter=""]
هذه محاوره جرت بيني وبين الشاعر
والمدير العام لمنتديات النداوي
الشاعر سعيد الحمالي فاليكم المحاوره


{حسين}

عد ماتشرق وتغرب ومن صلى وصام=ياسلام الله سلامٍ يغلق كل باب

بعدها وين الحمالي سعيد بن الكرام=المدير اللي يوقع ولايقرء الخطاب

{سعيد}

مرحبا بالشاعراللي بدانا بالسلام=مرحبا ترحيبةٍمالها عد وحساب

والحمالي حاضرٍ فالطلب فعل وكلام=وانت متحيل وتخلط سلامك بالعتاب

{حسين}

البقاياللي ترحب لكن شد الحزام=العلوم إطوال واصويحبك شن الحراب

إنت حاضر يالحمالي ولالحقك ملام=مير ماتدري عن اللي يسجون الركاب

{سعيد}
كيف تزهمني ولاهبت من حد الحسام=هب ياذا الحارثي كيف مني ماتهاب

إجتهد وإنحر جزور العشاء وابن الخيام=وابشروا بالعافيه دام سيفي فالجراب

{حسين}
أزهمك وأزهم خيار العرب شرقٍ وشام=وانت لنته سالم الزير ولا انته ذياب

إجتهدت وجبت لك فالصحن رأس وسنام=يوم سيفك في جرابه بلاحد ونصاب

{سعيد}

انت تزهم والعرب في مراقدهم نيام=غير حاذر لاتجي بين ضرس وبين ناب

يغني الله عن عشاء المنه بخبز ويدام=باقيٍ لك رد واحد واذوقك العذاب

{حسين}
كنت احسبك قايدٍ قلت ابعطيك التمام!=ويوم صفيت السريه وقايدها غياب

يالحمالي فل فاللحم ماهو فالعظام=واحمد الله يوم حصلت لك زاد وشراب

{سعيد}
ياحسين الحارثي ناركم برد وسلام=غير غط الرأس بالبشت لاهل السحاب

ليه تعزم ياجحا بحضرة أصحاب الطعام=ويوم لديت لك قلت لي {عادي شباب}

{حسين}
يالحمالي نارنا تشتعل في كل عام=وان وطيت بوسطها رحت مرواح السراب

كيف تجحد جودنا يالحشيم بن الحشام=كان هذا دلكم{ياعجايب ياعجاب}

{سعيد}
انت ترمي طول وقتك وطاشنّ السهام=والذيابه تحرس الضلع وابطون الشعاب

ماجحدناطيبكم لاتبلا ياغلام=وكان هذا دلكم فيك ياكبر المصاب

{حسين}
مارميت الى الهدف والرمي حسب النظام=والذيابه حولت والاسد فوق الهضاب

لاتسير بدون مصباح في ليلٍ ظلام=تابع الساري وخلك على نوره تثاب


وسلامتكم جميع
حسين الحارثي{سهيرالليل}

[/poet]

مجهود تشكر عليه اخوي حسين

اختصرت الوقت على الجميع

وكان لي شرف مجاراتك والاستفاده منك

لاهنت




اخ وك

صح لسانكم ولاهنتوا

الشاعر سعيد الحمالي

لاشكر على واجب


والشرف لنا جميع وانت شاعر معروف ولايلحقك لوم والفايده منك



تقبل تحياتي


{سهيرالليل}

الشاعر متعب العتيبي

صح بدنك ياخوي متعب


ولاعليك زود يالقرم


تقبل خالص تحياتي


{سهيرالليل}

الشاعر حسين الحارثي

جهد جبار في فرز البيوت عن الردود

ومحاوره شيقه وممتعه جدا تابعتها منذ البدايه

ابيض وجه ياحسين

اخوك

حمد السحيمي

محاوره حلوه ومن النوع الممتاز وماقصرتم ياشعرا

محاورة جميلة من شعراء كبااار ..

الأخ / حسين و الأخ / سعيد ..

لقد أمتعتونا ..

لكم تقديري وتحياتي ..

ابو ثامر

المتعه عرفك وعرف شرواك يالقرم

وكله يهون لجل النشاما شرواك


ماعليك زود هذا من طيب اصلك


والسراء عليك اقصد نبا طاروق شيق للفايده ليس اكثر


تقبل تحياتي


{سهيرالليل}

الاخوان الافاضل

محمد هضيبان


بندرالعوفي


المتعه والروعه والاجمل عرفكم ومروركم البهيء


والشعر يكون شيق بوجودكم ووجود شرواكم

وانت يابن عطا ماشاء الله عليك ماخذ الناس سراء الله يوفقك ويعطيك العافيه


لكم مني اجمل الود والاحترام


{سهيرالليل}