الذلول اللي علها خرج منهى من حلاله

اول مشاركه فى منتدى المحاوره وعسا ان تثمر



ـــ


,,, الذلول اللى عليها خرج منهى من حلاله ـــــــ وسمها يا ربعنا ماهوب من شبه الجزيره


,,, ليه ابو عمّه يطش اعمامته وارخص عقاله ــــــ بعض الاريا ما تفيد وغلطة الشاطر كبيره

مرحبا بك .. وإشرب الفنجال .. وتجيك البياله === وأطلبك في أول زياره .. لاتخليها الأخيره
الذلول اللي حداها الوقت .. وأسقاها الحثاله === ماتلام .. اللوم للي قيّدوها في الحظيره

.. مرحبا ومسهلا يا حمر عين

.. هذى والله البلشه اول مشاركه ولا يتلقانى الا المراقب الله يعين )

.. اسمع طال عمرك


.. يامراقب منتدى القلطه وميراد الشكاله ــــــــ البقا بك والرجل لاقال ما يهفى ضميره


.. انت قبل ترد فـّكر فالمياال وفالعــداله ــــــ احسب حساب الكبيــره قبل حسبك للصغيــره

يدوم لك البقا
سهيل.. ماعلاك خلاف .. بس هذا التواضع طال عمرك
بعدين يمكني مراقب.. لكن مانيب أحسن منك ولا من مشهور ولا من شالح ولا من.. الأسامي كثيره
بس كل الشباب ماشاء الله تبارك الله

ماعلى الشايب ليا سمع النصيحه من عياله === ماسمع من غيرهم .. ولا سمعوا من شخص غيره
والله إني قبل أجاوب شخص .. أبرّق في سواله === وإن حصل .. وإلا حصل .. قلنا عسى في الأمر خيره


[تم تعديل الموضوع من قبل حمرعين بتاريخ 03-22-2001 الساعة 12:00 AM]

.. حمر عين والله ان لى الشرف باللعب معك والتعلم منك وكلها وسعة صدر وضحك


.. واسمع


... قالوا ان العيد بااكر بس ما شفنا هلاله ــــ العرب كذبان والا ان العرب عميا بصيره


... ياصحيـبي يبرق البراق ماخيّــل خيالــه * ماعليك قصــور بـس الارض كــوره مستديره

شرف الله قدرك
طال عمرك .. ماجينا إلا ندور سعة الصدر
والسوالف مع مثلك وشرواك


كان ماراح الدليله في الخلا يتبع ظلاله === قلت ياطيب الدليله .. باخص في كل ديره
الرساله ماتجيك إلا بعنوان الرساله === لا إختلف .. ماجابها ساعي البريد ولا مديره

شرواك الطيب يا حمر عين

.. اسمع


البنااخى كيف ياحمر عين ياكل قسم خاله ـــ هو نسا انه خال له وإلا عما عين وبصيره


قلت لك هذا تجارى قلت لى هذا وكاله ـــــ صاحت سيور المكينه واحترق سلك الضفيره

والله إني منتبه للي يقوله ..يوم قاله === بس كبرت لين كبرت .. ورجعت كبر الشعيره
الزمان اللي مضى .. قفّى وشاهدنا زواله === راحت زحول الرجال .. وبقيت خبول العشيره

ـــ الشاعر الغالى حمر عين

.. كان لى الشرف باللعب ومحاورة شاعر بمستواك وذلك لاستفادتى الكبيره من واحد مثلك


.. لاهنت وصح الســأنك والجايات اكثر


.... مع تقديرى


.... اخوك .... سعيل