يوم جاء صاحبي سهم المنايا وجيته

الاخ سهم المنايا
استلم
مرحبا في محل يجمع الناس صيته
..................... كل من زاوره قال اشكرك يالنداوي
يوم جاء صاحبي سهم المنايا وجيته
.....................التفت حضرة القاضي وفل الدعاوي

خلوووووووووووهـــــــــــا :

غالي والطلب رخيص

......

والبقا يوم هاجوس القوافي حديته

............................وانت وارد على العد القراح الرهاوي

أنت صاحب على وجهك وعلمك لقيته

............................لاتعلم عيــال الناس ويش انت ناوي



[تم تعديل الموضوع من قبل سهم المنايا بتاريخ 03-21-2001 الساعة 09:29 PM]

الاخ الشاعر سهم المنايا انا مرحب عدل ردك
انت سهم المنايا شاعر لادعيته
......................يحتمي ماقفه شاعر مثايل غناوي

وش عطاك الشعر ياصاحبي وش عطيته
......................ودي ابجابة يروي بها كل راوي

اسلم اسلم ............ ياسرحان

من شراني على درب المراجل شريته

.............................وانت يامدخن السلطان مليان جاوي

خادمــي لاومرتــــه خادمـــي لانــــهيته

.............................أطوع من الذلول اللي عسفها اللحاوي


[تم تعديل الموضوع من قبل سهم المنايا بتاريخ 03-21-2001 الساعة 09:36 PM]

استلم ياسهم المنايا والمعذره علي التاخير
ويش تذكر من احداث الزمن مانسيته
........................ الجمل ريحه ربي بوارد عراوي
لزمان القديم احداث ياللي قريته
....................... افتنا ياسهم ان كان عندك فتاوي

انت دربك وعر كانك عزمت ومشيته

.............................الجمل راس ضلع دونه الذيب عاوي

زادكــم مانــبيه وزادنــــا ماكــــــــليته

.............................ما ورى زادك الا الموت عسر الأداوي

استلم ياسهم المنايا
الكلام القديم مثبته مانفيته
.................. ابشر انا كسانا الشيخ بشت حساوي
لاظلم الليل يطلعلك نجم لارائته
................. انشد ابن عميره عنه ولا الخلاوي

؟؟؟

ياعمــــيل يشد به الظهر لانخيته

..........................ياوسيع المعرفه يابعيد الهقاوي

وجّه الطايرة للشيخ وأقلط ببيته

..........................وأحمد الله على كل المنى والمناوي

الاخ سهم المنايا اسف اسف علي التاخير ظروف
الجبل يوم حديناك فوقه رقيته
....................من تبلى العرب ياسهم يلقى البلاوي
الجبل مامدحته والجبل ماهجيته
....................بعد عدوك حده ياسهم جيت ضاوي

الله لايهينك ماقصرت يا سرحان

والحقيقه مهما قلت لن اوفيك حقك ولا شاعريتك

اهنئك على تمكنك والف شكر على اتاحة الفرصة لي للعب معك

ملاحظة: اخي سرحان بصفتك شاعر محاورة معروف هل لي ان احضى بتقديرك لي ورجائي بدون مجاملة رجاء خاص عطني عذاريبي كلها وثق ثقة تامة انني سوف اتقبلها بصدر رحب


اخوك الصغير

سهم المنايا

هلا سهم المنايا والله يوفقك وحقيقه بدون مجامل انت شاعر وكلامك يدل ويبرهن علي شاعريتك الي الامام وان شاء المولي عز وجل ان تلتقي علي ميدان ملعبه وجمهور وهناك يبين الكلام الان المحاوره عبر الانتر نت تختلف اختلاف كلي عن المحاوره علي ساحة الملعبه نقول الله يوفق الجميع ياسهم المنايا ولنا لقاء عبر النداوي واشوف الاخ مطر بدع لك وسيمه لكن لا حتجت فزعه قلي وانا جاهز مطر اعطي عليه الابل