الدعوجي تفضل لو سمحت

الله الله

استلم يابو عبدالله

ياحسن دامك تغني بالطروق السامريه ******** وش طرالك وش طرالك من سواليف جديده

قف محلك لاتدخـــــل فالامور الداخـــليه ******** والصقــــــــر مايشرب الا الدم من قلب الطريده

ياسلام عليك يابو عبدالرحمن


استلم لاهنت

خايفٍ فوقك تهل انصوب مزنه عقربيه

++++++ وبعدها تصبح لاهل جده يا صاحبنا فقيده

يا كثر من يعتزي ويقول انا ذيب السريه

++++++ انت للحينه بنص الدرب ياالقرم الوليده

الله يسلمك يابو عبدالله

استلم

لاتذل ولا تخاف ابيــــــوتنا دايـم ذريه ******واللهيبه فوق ابو عرام نوقــدها وقيده

احتزم قيس الملوح دون ليلى العامريه ****** افهموها واعرفوها ياهل الارياء الرشيده

ياسلام يابو عبدالرحمن

كفو كفو


استلم لاهنت


مانقول اقصور مير امرار مسرى الخرمسيه

++++++ يصدف الساري بها ياالدعوجي ريحٍ شديده

عارفين اهل الوفا والطيب يا زبن الونيه

+++++++ والحديده مالها ياصاحبي غير الحديده

ماعليك زود

استلم


يسري الساري ويصرف من بنوك الصيرفيه ***** والشحم لاهل الشحم واهل العصيده للعصيده

الحمام البري اسهل للصـــــــقور الصيريميه ****** ساع يفرس فيه تـــــرتاع الحبارا والقهيده

ابو عبدالرحمن


صح السانك ولاهنت

وبيض الله وجهك

كفيت ووفيت

واظن الطاروق اخذ حاصله

ياليت كل من بغا يلعب محاوره يلقا شاعر مثلك يفتل المنقوض

تشرفت باللعب معك

تقبل فائق احترامي ووافر تقديري

اخوك ابوعبدالله

ابو عبدالله

الف تحيه وشكر على اطرائك الرائع الذي ينم عن صدق المشاعر وصفاء السريره

انا فخور باللعب معك لانك مثال الشاعر المتمكن القادر على صياغة المعنى بالشكل الذي يساعد من يلعب معك على الاستمتاع

اكرر شكري وتقديري ولنا لقاء اخر باذنه تعالى والعذرني على التاخير في بعض الردود وانت ابخص طال عمرك

تحياتي لك