المحاورة المنتظرة ( مع نجدية سدير )

سلام تسليم يهز المـــــــــــشـاعر

قلته وأنا شاعر ولانيب شــــــاعر

ومن فضل ربي زرت كل المشاعر

هذا الصحيح وقولوا اللي تقولون

.............................

سلام والســــالفه تحتــاج تقرير

..............................من بحر جدّه ليا دار إبن ثانـــــي

يالربع من شاف لـــي نجدية سدير

..............................تلعب وأنا العب على ذوق المعاني

** الظاهر إني توهقت .. !! بس ابستمر ** والله يستر .

يـا مرحبـاً إن قلتهـا يرّنـع الطـــار

ترحيبـةٍ مقدارهـا الـــف قنـــطــار

والطير تـوّه ساكـنٍ مـا بعـد طـــار

هذا الصحيح وقولوا اللي تقولون

..............................

أرحب وبعض العرب تسكن في خرخير

؛؛؛؛؛؛؛؛؛؛؛؛؛؛؛ والســالــفـه لا جـــرت مـا تـــعّــدانــي

يـاالله أنـا اطــلبـك فــزعـة إبـن عــيــر

؛؛؛؛؛؛؛؛؛؛؛؛؛؛؛ المــلــعبـه خــيّــلـت فـي بــحـر ثــانــي

يابعد واشنطن عن ديــــار شقرا

يقوله اللي يشقر الـــقاف شقرا

والتمرة السودا مهي شـبه شقرا

هذا الصحيح وقولو اللي تقولون

..............................

وابك البقا من رياض المجد لتمير

.............................ياللي كســــــبتي جزال مع سماني

نجدية سدير تطــــلب شـــاعر غير

.............................وأن احمد الله وأنا ثابــــت مكاني

الـــبعـد بــعـد قلوبنـا قـــال : راشـــد(*)

وانـت كــبــيـرٍ تفـهـم العــلـم راشـــد

بس اطلبك لا مرك الحرف را .. شد

هذ الصحيح وقولوا الـلـي تقــولـون

................................

والمـعـذره يــا فــتى شــانــك كــبــيــر

؛؛؛؛؛؛؛؛؛؛؛؛؛؛؛؛؛؛ دامي عرفــتـك شــاعــرٍ مــودمــانــي

لا ترمي إلا الــدلو فـي غــبّــة البــيــر

؛؛؛؛؛؛؛؛؛؛؛؛؛؛؛؛؛؛ مــا اطرّ أنــا الجــيب لو همي طوانـي


....(*) [ الشاعر المعروف راشد بن جعيثن عندما قال :
........ البعد ما هو بعد لندن ومدريد *** البعد بعد قلوبنا في وطنّا ] ........

هلا....هلا ...

شفـت البــــواخر تزدحــم بالـمراسي

ياضلع وش هزّك وأنا اخبرك راسي

قدرك على عـيني ومن فــوق راسي

هذا الصحــــــيح وقولوااللي تقولون

..............................

هضبة طميه تلــــد اليوم للنير(*)

............................وتجر صوت كما صوت السواني


الله يــذكرك يا الجمال بالخيــر

.............................أشوف عشرك غدت عقبه ثماني

(*) جبل بوسط نجد

كــلٍّ ولـــه في غيبتــه عــدّت ظــروف

حتى الرسايل ما تســافر بلا ظـــروف

مسكين منهو انخلق دون غـضــروف

هذا الصحيح وقولـوا الـلــي تقولــون

................................

المجمــعي لا بــد لــه عــرق فـ زبيـــر

؛؛؛؛؛؛؛؛؛؛؛؛؛؛؛؛؛ والـبــن يــا ســيــدي أصـلــه يــمانـــي

وشفيـه لا روّح القمــري مـع الـطيـــر

؛؛؛؛؛؛؛؛؛؛؛؛؛؛؛؛؛ خلّـه ونرســل مـعــه ازكى الــتهـانـــي


:

...................؟

وش فايدتها عــــرضــــة مابها زير

يابرد مانـــا لاشــــربناه مـن زيــر

ياكليب وش سويـت مع سالم الزير

هذا الصحيح وقولوا اللي تقـولون

...............................

للضيف عند العرب حـشمه وتقديـر

..............................سلم الـعرب خابـره ذاك الزماني


فالبل وضح ومـــجاهــيم ومغاتير

..............................هود ترى العلم باطراف اللساني

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

...............................................

ليـه الجـماعـه بـطّلـت تـاخـذ الــــشــــور

وبعـض البضايـع نشتريهـا علـى الشـور

والإنــجلـــيـزي لأقـتــنـع قــالـلي شـــــور

هـذا الصحيـح وقولـوا الــلـي تقـــولــون

......................................

الصاحـب اللـي مهنتـه ينفـخ الكـــيــــر

؛؛؛؛؛؛؛؛؛؛؛؛؛؛؛؛؛ واللـه لأجنّـب صــحبتـه لـو دعـــانـــي

بعـض الحكـي مفهـوم مـن دون تكريـر

؛؛؛؛؛؛؛؛؛؛؛؛؛؛؛؛؛ والبعـض الآخـر لـــحنّـوه بـأغـــانــــي


::


::


:

الشاعرة نجدية سدير

صح الله لسانك وبيض الله وجهك وماقصرتي

والحقيقة انك شاعرة ... لنا لقاء في محاورة أخرى

تحياتي

سهم المنايا

صح بدنك ،،

ووجهك أبيض ،،

واسعد بمحاوراة أخرى قادمة معك ،،