ودّي بشاعر محترف ما ودّي بشاعر غشيم 0000000

حياكم الله جميعا

سلام تسليم الوفا من خاطر نهجه سليم +++ غنّا بها الشاعر على الشعار واكتب ياقلم

ودي بشاعر محترف ما ودّي بشاعر غشيم +++ يقدح من ازناده شرار ونار واكتب ياقلم

ــــــــــــــــــــــــــــــــــــ

( د ع و ج ي)

لقافة مني .... تراي ماحب الإحتراف

استلم يالدعوجي جعلك سالم :

يامرحبا بالشاعر اللي زاكي ماهو سقيم
............... نطرب الى منه بدع لشعار وأكتب ياقلم

المحترف كم راتبه حتاه يضرب في الصميم
............... العقد يالله جهزه قربه واكتب ياقلم

الأخ فتى الافلاج ياهلا وغلا
وعساك سالم

ارجو ان تهتم بالوزن والقافيه وعدل البيت الاخير وحياك الله

<<
ياسلام عليك


يامرحبا يالدعوجي والله بها النية عليم +++ ترحيبة تستاهل المشوار واكتب يا قلم

ودي ادندن بالغنا ودي اشاور للحكيم +++ جديد وسط الملعبه محتار واكتب يا قلم

سلمت ياذهب ولا اوصيك

اسمع

دام البقا ياللي ترحب وانت رجال حشيم +++ تستاهل الحشمه مع المقدار واكتب ياقلم

عز الله انك ياذهب فهيم فالمعنى فهيم+++ تتبع مشورة محكمين الشار واكتب ياقلم

ـــــــــــــــــــــــــــــــــ

( د ع و ج ي )

[تم تعديل الموضوع من قبل الدعوجي بتاريخ 03-16-2001 الساعة 12:33 AM]

<

ارحب

سيف ً مع الضربه نبا وسيف ً يوقع فالصميم +++ والملعبه صارت كما الدوار واكتب يا قلم

والطايرة قبل الهبوط لازم تلف و تبتريم +++ والطايرة لفت على المطار واكتب يا قلم




.

اسمحولي بهذه المشاركه

ابي انشدك يا واحدن في الملعبه خبرك قديم**عن شاعرن طرار واكتب يا قلم

شالوه من تحت الثرا حتى تسمى با العظيم**من يجمع الاخبار واكتب يا قلم

اسممممع ياذهب

ياصاحب الرحمن ماولعت شعله فالهشيم +++ اللي تطير ان هبها الاعصار واكتب ياقلم

يمين بالله ماسلكت الا الطريق المستقيم+++ والطايره سواقها الطيار واكتب ياقلم

اسممممع يابو سلطان وحياك الله

والله انك مانت بهين باين عليك لكن عجز البيت فيه قصور

ارجو تعديلها وياهلالالالالالالا

خذ الرد

ياناشدي عن واحد ماهو لشروانا غريم+++ عوده خضر مايتعب المنشار واكتب ياقلم


حسبي على بعض الرجال اللي يردون الوسيم+++جاهم على رمش العيون غبار واكتب ياقلم

تأكد من كلامك يالدعوجي ........... ؟؟؟؟؟

أخوي الدعوجي ... اشكرك على لملاحظة ... ولكن :
العجز ليس به اي خلل حسب اعتقادي ... ممكن انك ماعرفت تقرأه ..

المحترف كم راتبه حتاه يضرب في الصميم
............... العقد يالله جهزه قربه واكتب ياقلم

ممكن ملاحظتك على ( قربه) الراء مشددة
على العموم لك تحياتي ..
تاخير الرد بسبب عدم دخولي على المنتدى سوى هذه اللحظة

[تم تعديل الموضوع من قبل فتى الأفلاج بتاريخ 03-16-2001 الساعة 05:07 PM]

<

رائع والله يالدعوجي



حكمه قديمه قالها شايب ماهو عبد الحليم +++ ما يبتلش من يازن المعيار واكتب يا قلم

ياصاحبي به واحد ً صاد الحنش يحسبه ريم +++ هويحسب ان ناب الحنش مسمار واكتب يا قلمً

اياك أعني ..... وخلوا البساط أحمدي ؟


خلــــــــــــــــــــــــــــــــــــــــــــوهاّ


من حط من نفسه حكم وهو الخصم اصله غشيم
.............. ياكيف خصمك ينصفك فالحكم وأكتب ياقلم

العاقل اللي يتقي ياخوك غضبات الحكيم
.............. صرح بما تعنيه ياذيبان وأكتب ياقلم


فتــــــــــــــى الأفـــــــــــــــلاج

الاخ المحترم الفاضل فتى الافلاج

انت اكيد انك اول مرة تلعب على هذا اللحن والا اني اعرف انه مايفوتك شي ابد

عجز البيت قافيته ثابته قبل اكتب ياقلم على (آر) زي الشعار- الطيار-وبعدين تاتي اكتب ياقلم

شكرا لك مرة اخرى وعدل وياهاااااااااااااالا

اخوك الدعوجي

اسممممع ياذهب

وانت اروع يابطل

من يازن الحبه على النيشان ويشد الصديم +++ يقلون له سلمت يابيطار واكتب ياقلم

من يقرصه ناب الحنش يصير من قرصه سقيم +++ ياصاحبي لاتكشف الاسرار واكتب ياقلم

اسممممع ياذهب

وانت اروع يابطل

من يازن الحبه على النيشان ويشد الصديم +++ يقلون له سلمت يابيطار واكتب ياقلم

من يقرصه ناب الحنش يصير من قرصه سقيم +++ ياصاحبي لاتكشف الاسرار واكتب ياقلم

ــــــــــــــــــــــــــــــت

( د ع و ج ي)