شاعرات المحاوره .... ؟؟؟؟؟؟؟

اخواني الاعزاء.......

الحقيقه اني لقيت في شاعرات المحاوره مالا يخطر على بالي ..

واللي خلاني اكتب الموضوع هذا محاوره الاخت (فتنه)

انا عرفت المحاوره وحضرت لشعار كبار وسمعت وشفت لاكن بصراحه محاوره الشاعرات شي غريب جدا ؟؟؟

فتنه تقول :
سيداتي سادتي من باب توريد الخواطر
,,,,,,,,,,,اسعد الله ليل من شاف الجدي والا الثريا

خيلت ثم امطرت والله على كل المناظر
,,,,,,,,,مير ما شفنا الربيع احيا من الأموات حيا


نجديه سدير تقول :

عولمه في عولمـه في عولمـه وش صـرّنا
؛؛؛؛؛؛؛؛؛؛؛؛؛ مــا بقى إلا نشـرب القهوه كـذا مـن الطاســه

بعــد مــا كنّــا ملــوك الشعــر فجــأه خرّنــا
؛؛؛؛؛؛؛؛؛؛؛؛؛ لا عجب إن جا ( رفيق ) فثوب صالــب راسه


الفارسه تقول :

الدرب في راي القدا والدم في عرق الوريد
,,,,,,,,,, ومن ضاع رايه ضاع دمّه والبلاوي تقتفيه

ماهي سوالف راشد الماجد ولا عبد المجيد
,,,,,,,,,, ذا علم كايد لو تبي درب السلامه لاتجيه

هنوف الشعر تقول:

نجدية سدير .. أنتى الزين والشين .؟

.......... ماتقلصين ؟؟ ألا انتى اكبر قليصه.؟

تمثلين .. العرف مع زوغة العين .؟

......... عنقا ؟ ولج ؟ قوة وزند و فريصه .؟

ميثاق الود تقول :

رحبوا بي يا هل الملعبا..
حي تشريفي وحي مني النبا..
و انت صيدي و غيرك ما نبا..

و الله الوالي ولا غيره ولي..

طيب الفتى من منبته و انشد من امه ثم ابيه..

و اربط حزامك و ابتدا المشوار رفرف يا علم
..........................................................
شاعرات بكل معنى الكلمه ...

قد نفتقد احيانا للشعر النسائي الذي تغيرت نظرتي له بعد قرائت اشعار الاسماء المذكوره ..

الرجال دائما هم اهل المحاوره واهل المناهل العذبه لاكن للشاعرات نصيب كبير في ذلك ..

والله اني ما حسبت انه يجي بعد بخوت احد ؟؟؟؟ لاكن الايام اثبتت لي عكس ذلك ..

زهت اسماء هؤلاء في منتدى شعر المحاوره ..

(والله اني اخاف على بعض الربع اذا تحاور معاهن )

موضوعي مجرد تسجيل اعجاب لا اكثر ولا اقل ..

واعتذر اذا نسيت بعض الاسماء من الاخوات ..

تقبلو خالص ودي وتقديري ....

اخوكم:
امرىء القيس

عين الحقيقة ماذكرت يابوعايض



صدقت أخوي أمريء القيس ..
اللي ذكرت هو عين الحقيقة والأيام القادمة تحمل الشيء الكثير .. كل من ذكرت من الشاعرات تميزن بقدرتهن على شعر المحاورة الذي في اعتقادي انه من أصعب مجالات الشعر ..

أشكرك لطرحك لهذا الموضوع ..

اخوك الصغير / فتى الأفلاج

السلام عليكم
اخي الشاعر : امرىء القيس

لقد صدقت فيما قلت .. إن هذه الكوكبة من اخواتنا الشاعرات متمكنات من شعر المحاورة 100% .بالاضافة الى شعر النظم والخواطر والكتابة . . أتمنى لهن وللجميع التوفيق.

وأشكرك اخي العزيز على هذا الاطراء لأخواتنا في المنتدى وهن يستحقن ما قلت .

اخي امرىء القيس : إنتظر أسماء جديدة من الشاعرات سوف يتم تسجيلهن قريبا .

تحياتي للجميع

اخوكم النداوي

اخوي العزيز ابو ثامر ...

الشعر مايقتصر على الرجال ....

والشاعرات الموجودات بالمنتدى فوق العاده بصراحه ...

يعني قمه الاتقان وهذا شي يثلج الصدر والله ...


وانت طال عمرك مثل الغيم اللي يسوق المطر ...

ومن جا في هالمنتديات لابد انه يكون مبدع بختيارك يابو ثامر ...

لاهنت على حضورك وعلى متابعتك ..

اخوك:
امرىء القيس

بهالمناسبه ..
وطالما إن النداوي موجود الآن ..
عندي طلب ،،
يهمني الإهتمام به ..

ألا وهو السؤال عن الفارسه ..
البحث عنها ..
الإطمئنان على صحتها ..

فقدناها كثيييييييييييييييير والله ..

سامعني يالنداوي ..
عفواً ..

قاريني ،،

اخي الغالي امريء القيس

تحيا والدوم طال عمرك وابشر بالسعد والله لايهينك .



هلا اختي نجدية سدير

الحقيقة انا مومعكم الآن وبس انا معكم انشاء الله على طول
بالنسبة للأخت الشاعرة الفارسة والله انا علمي علمك وفاقدها
اتمنى ان تكون بخير اهم شي ولك مني ايميل ثلني الان لها .

اللـــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــه

أعلـــــــــــــــــــــــــــــــــــــــــــــــــــــــم
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!

اخي امرء القيس..

شكرا لتلك اللفتة الكريمه في حق اخواتك في الله .. و لو ان اسمي سقط سهوا بين تلك الاسامي العملاقه في المحاورة النسائية لانني لن اصل لمستوى اخواتي رعاهن الله.. لاني ما زلت في بدايه طريقي و الله يكتب اللي فيه الصالح للجميع..

و لك مني كل الشكر و العرفان

اختك

ميثاق الود

الشاعره ميثاق الود

يشفع لحزني بيت شعر نظمته...
...................... أسرفت بالمعنى وهو القصد تلميح

ميثاق الود ...

يشفع لعذري يوم اسمك ظلمته
..................... ان البنفسج فاق في عطره الشيح


عذرا..... واسمك ما يحتاج شهادتي انا .

انتي شاعره معروفه واسمك معروف قبل لا نبدا بــ نص اشعارنا ..

تقبلي اعتذاري وتحياتي..

اخوك:
امرىء القيس

اخي امرء القيس

بيض الله وجهك.. و الله لا يهينك علي كل حال

و تسلم يا غالي

اختك

ميثاق

اخي العزيز امريء القيس ....

الله لا يهينك على هذا التفصيل والاطراء الجميل لاخواتنا الشاعرات

فعلا متمكنات وانا جربت المحاوره معهم ..

لكن المشكله انت طيرتهم فوق يالله حلها من يقدر ياصلهم الوحده هالحين تناظرنا بنص عين ( شاعرات متمكنات ومدحهم امريء القيس )

هههههههههههههه لا تصدقوني اممممممممممزح

حكيم الجامعه

اخي العزيز امريء القيس ....

الله لا يهينك على هذا التفصيل والاطراء الجميل لاخواتنا الشاعرات

فعلا متمكنات وانا جربت المحاوره معهم ..

لكن المشكله انت طيرتهم فوق يالله حلها من يقدر ياصلهم الوحده هالحين تناظرنا بنص عين ( شاعرات متمكنات ومدحهم امريء القيس )

هههههههههههههه لا تصدقوني اممممممممممزح

حكيم الجامعه