الى عزيزى سهم المنايا ..واللى يبى المشاركة على العين والراس

استلم ياسهم.. موال وشيلة.


سلام تسليمة القرناس من قلبة..
تسليمة صافية ماجات منقلبة
سهم المانايامعة كنز يتنقلبة.
سبحان من يظمن الارزاق سبحانة

من شاف سهم المنايا ياعرب واهدية بندق قصير
بلجيك ترتاح نفسى يوم اوصفها واماريبها

ان كان جبت الذهب فابشر بمثلة ثم احطك سفير
وانكان ما جبتها فابشر بدار ماعوى ذيبها

هلا والله بالقرناس والله يوم شفتك طلبتني اني انتفضت شوي .. لكن استلم والمعذرة على القصور .

يامرحبا يالمسلم وأنته البادي

والدرب ياصاحبي قرناس منـقادي

والجمر من فضل ربي دوم وقـادي

سبحان من يعلم الأسرار سبحانـه


وأنا بعد بهدي القرناس سيف ذاخره في جفير

سيف مهند يجيبه ياولد خطوى مناديـــــبها

......

العلم ياصاحبي ياتيك به من بعد بكره بشير

والدار يامسندي داري وأنا والله ما اسيـبها

عاشوووووووووووووووووووو

شد حيلك ياسهم المنايا جاك واحد ماهوب انا توني اتعلم.

مرحبا بالجميع

سهم المنايا وحكيم الجامعة ماعليكم زود واللة يكثر من امثالكم رجال كلامها لة ثمن وهيبة ويفرح اللى يسولف معكم وعسانا على التواصل انشاء اللة فى محل النداوى راع العلوم الدلايل ...

دام البقا ياوجية الخير والطيبة
والرجل معروف من لبسة ومن طيبة
ياليت من زارها مكة مع طيبة
سبحان من يظمن الارزاق سبحانة

ترى المعانى على ماقال الاول مثل سلك الحرير
وسهم المنايا معة يمنى قوية فى مضاريبها

اللة من حمل ياسهم المنايا مايشيلة بعير
لاشك باصبر على بعض العرب واقبل عذاريبها

اسلم ................ اسلم

اسمح لي يالقرناس توني منتبه لشقر الموال .. الله يعين

الرجل يــعرف ببوه وخاله وجده

والبحر الأحـمر تحده ياولد جده

ولاعاد آميز بمزح الرجل من جده

سبحان من يظـمن الارزاق سبحانة


سوق المعاني على وضح النقا واللي تبيه ابيصير

لاشك انا أحذر البــــــــدوان لا تنقل مشاعيبها
..........
لاواحسايف جملنا يا عميل الخير يــــــهدر هدير
بنت الهلالي معه وإن عافها ذاللــــيل آبسريبها

سلام ياسلام

السهم والرمح والقرطاس مهدينة
يازينها يوم جا دينى على دينة
مايمرح المسلم الا لاقضى دينة
سبحان من يظمن الارزاق سبحانة

ياسهم لاتدرج فى غبة الاخطار وانتة خطير
وش فايدتها صقور ماتعشيها مخاليبها

بنت الهلالى دفعنا مهرها ماتبغى الا الامير
ياشيب عينك بعد فرقا وليف الروح ياشيبها

اللهم حوالينا ولا علينا

انته تبيها حكايـــه تشبه القصه
بنت الهلالي تكد الـــراس والقـصه
كانك لقيت الأثر خلـّّـه وأنا اقصه
سبحان من يظمن الارزاق سبـــحانة


باسج رجلي ولا شفت الخطر عجّلت انا بالمسير
السالفه سالفه والذيب عارفها ويدريبــــها
.....
ياصاحبي صاحبي قرناس ذالليل الرحى يستدير
والمشكله لو تشق ثويبها يظهر لنا عيبـــها





[تم تعديل الموضوع من قبل سهم المنايا بتاريخ 03-13-2001 الساعة 03:48 PM]

عزيزى سهم كل الاسف على التاخير لوجودى خارج المملكة..

انا بلشت بعلوم الناس ياكافى
اعزمة للزعفران ويطلب الكافى
والفرق واضح مابين النون والكافى
سبحان من يظمن الارزاق سبحانة

بتجيك مستعجلة حتى ولوانك نويت المطير
والسالفة عندنا ياذيب فى دبرة معازيبها

اهم حاجة تكون بخير ياسهم المنايا بخير
ابيك ترضى على القرناس والا الناس ماليبها

بيض الله وجهك وصح الله لسانك يالقرناس

ماقصرت طال عمرك ..

الى اللقاء في محاورة قادمة خويك مبتلش الله يعينز

القرناس + سهم المنايا

شكراً لكما على هذه الردية الجميلة ..
لقد أمتعتمونا ونحن نتابع ما تسطرانه من ابداعات غير مستغربة من شاعرين كبيرين في هذا المنتدى ..

انتظر منكما الجديد ...

اخوكما / فتى الأفلاج

وجهك ووجة فتى الافلاج بيض بعد

وانشاء اللة فى موعد ثانى