( العو .. عو .. لمه ،، .. لم .. لم .. لمه )

بدون مدخل حيث أن الأبيات تفصح عن نفسها .. مرحباً بكم،،


عولمه في عولمـه في عولمـه وش صـرّنا
؛؛؛؛؛؛؛؛؛؛؛؛؛ مــا بقى إلا نشـرب القهوه كـذا مـن الطاســه

بعــد مــا كنّــا ملــوك الشعــر فجــأه خرّنــا
؛؛؛؛؛؛؛؛؛؛؛؛؛ لا عجب إن جا ( رفيق ) فثوب صالــب راسه



[تم تعديل الموضوع من قبل نجدية سدير بتاريخ 03-07-2001 الساعة 03:21 AM]

ويييييييين يا جماعه ..؟؟

مابه عرب ،، ؟؟

مابه رجال ،، ؟؟

ما به نسوان ،،؟؟

؟؟؟؟؟؟؟؟؟؟؟

العذر منك الغيبه يا النشميه

اختي نجدية سدير ....

انا قريت الابيات لكن اشوف انها مالها وزن شعري ويمكن يكون الخلل في قرائتي للابيات مع العلم اني قلبتها على كل طرق ولحن وزن ولا جات معي .

المهم اني رديت بابيات موزونه والقصد المشاركه ...


مهزله في مهزله في مهزله وش عذرنا..
====================== بس تقليد اعمى لا علوم ولا دراسه

انقلب ميزانها في الفكر ياناس حرنا..
===================== حط كلمه فوق كلمه انت شاعر بالفراسه


اخوكي العود / حكيم الجامعه

( حكيّيييييييييم )

ياخوي تراكم غثيتونا بالفراهيدي .. وبعدين وشلون قلبتها على كل طرق ووزن ولحن .. من طروقه ومن الحانه ومن اوزانه .. وراني ما ابتكر من عندي وزن .. خلني يابوك .. أوه .. اوه .. ياامك ادش التاريخ لو من ( الجامه ) حقته .. يعني الأوزان كلبوها لكم يالرجال .. أهه بس سجل هالوزن باسمي .. وخل عنك الحتسي ..

والله ياحكيم مااحد حس فيني إلا أنت .. وجبر بخاطري ..

وبعدين ليه تغير وزني .. هو بكيفك .. وزني وانا حره ..

يالله عنّي عليه جاي من السفر مروق وقاعد ينخل بقصايدنا..

وين النايفه السهلي جيبوها لي الحين ابيها ..
افزعيلي وانا اختس .. بس هين ياحكيم ابشر بسعدك



[تم تعديل الموضوع من قبل نجدية سدير بتاريخ 03-10-2001 الساعة 01:15 PM]

والله انا كاتبن العلم في دفترنا
................مير دفترنا نقص من صفحته قرطاسة
كلما زمر لنا زمار له زمرنا.
...............وحلمنا يشبه لمن يبغى مرق من فاسه

اجعل حيلهم بينهم

لا تنحاشين ياوخيتي انتي بيت القصيد مهوب على كيفش اللي يشب اولها يصاليها ايلين يطفيها..

حكيم الجامعه..

شبيت أولها على طاروقي وما دش مزاجك ..

وبصراحه أنا بعد ما دش مزاجي طاروقك ..

كذا .. نحاسه !!

؟؟؟؟؟؟؟؟؟؟؟؟؟؟؟؟

هههههههههههههه المهم ان العجز ماتغير واصلي على طاروقش انتي

هذا اسمه تهرب وماهي من عادتك..

وراش والزمن طويل...؟؟؟

نجديه.. لبا و الله قلبش.. و قلب سدير كلهم...

ما عليش منهم هيمي و ارتفعي و وقعي فوق صدري.. و انا اختش..

و الكل يطلع له طاروق هي وقفت عليهم اسمعي طاروقش ذا بحتفل به و بنسجل نقطه لصالح بنات حواء..

اسمعي بحول جوالي رسائل صوتيه ( يعني ماسيج ) و دقي علي و غنيه لي علشان احفظه و نستخدمه هنا..

و لا عليش من حكيم.. دامي معك انا فافرحي يا عيني..

اختش اللي تحبتس..

ميثاق الود

اختي ميثاق الود ..........

حكيم اخوكم الصغير وعطاكم على كيفكم اللي تبون سووووووووووووه

اي لحن تجيبونه انا معكم وان بغيتوها سوالف سولفت معكم الدعوى
سوالف وسعة صدر الحكي ببلاش . احد بيدفع من جيبه شي ؟؟؟

وانتي ابدعي لنا شي جديد يالله نشوف ...

اخوكم الصغيروووووووري / حكيم الجامعه

.. [ هلا وغلا ميثاقتي ]

ابشري يا بعد قلبي ..

يا حلو دشتش علي .. ياوخيتي تولجني حكيييييييم ..

مهوب عاجبه طاروقي ..


... [ حكيييييييم ]

كذا تمام ..

بلاش عناد .. وفرض راي ..

ياعرب ما اكثر على الشاشات ما ثرثرنا
...................الذهب موجود لكن ماهنا لباسة
ياعيال ادم ترى حنا بعد قررنا
.................من نوى ينفخ على العالم لعنا ساسه

[تم تعديل الموضوع من قبل وحيد بتاريخ 03-11-2001 الساعة 07:21 PM]

من قدهم ؟؟؟

وحيد مايمك احد ...
الربع طايرين ابعضهم ... الحكيم من جهة **** ونجدية وميثاق الود من جهة أخرى ....

الناصح
فتى الأفلاج

وحيييييييييييد

أقول إبشر بسعدك ..

والله ما تبقى وحيد بمتصفحي هذا وانا عايشه..

بيجيك ردي الليله !!

وبلا طماشه يا فتى الأفلاج.