محاوله000000000جاده

السوالـــف للعـــرب سنه ولا فيها حشاده
وان بغيــــت اجــــر صوتـــي حـر من حره ابيه

***

والله اني بنـت من ساق الظعن واتعب شداده
اسمعــــي صوتـــي يانجـــد وبلغــي ضلــع الحويه

هلا بش اخيتي فتنه

وكل عام وانتي بخير

وبصراحه شايف ان مافيه احد رد عليش من اول (

مايصير يالربع )


السموحه والعذر اكيد ماهم متواجدين اسمحيلي ارد عليش
------------

مرحبا بش .. والفروض الخمس تبدأ بالشهاده

ـــــــــــــــــــــــــــــــــــــــ مرحبا بعداد ماناضت بروق ٍ من ( رفيه )ّ


كل دلوٍ له حبـــال .. وكل حيٍّ له بلاده

ـــــــــــــــــــــــــــــــــــــــ ريّحي بالــش ترى ( يافتنـــه) النيّه مطيّه







[تم تعديل الموضوع من قبل محمد الدحيمي بتاريخ 03-06-2001 الساعة 06:51 PM]

والبقابك يالدحيمي عبد وتعرف العباده
وانت سيــد شعـــر واصلك مــن متيهــة الحميه

***

انت لاتعتب على السايق وله رخصة قياده
علــــم اللــي مايميــز فالحــروف الأبجــــديه

تبقى ياخوي محمد وارجو اني اكون حول ظنك


والبقابك يالدحيمي عبد وتعرف العباده
وانت سيــد شعـــر واصلك مــن متيهــة الحميه

***

انت لاتعتب على السايق وله رخصة قياده
علــــم اللــي مايميــز فالحــروف الأبجــــديه

مرحبا بش اخيتي فتنه
ماهو بوالله لاحقني فيش شك

والله اني مانبــشت الجمــر من تحــت الرمـــاده

ـــــــــــــــــــــــــــــــــــــ واحمـــد اللي خصّنا بالفـــــدي في عيــــد الضحــــيه
##

راعي المقنــــاص وش حــــدّه على شــــوي الجـــــراده

ـــــــــــــــــــــــــــــــــــــ وش علام الخبل عـــــوّد يلحق الكيــــه بكيـــــه







[تم تعديل الموضوع من قبل محمد الدحيمي بتاريخ 03-06-2001 الساعة 09:51 PM]

قبل ماترهي على الدنيا وتضحك للسعاده
والله انــك واطــي لك نــاب داب وراس حيــه

***

يالدحيمي فتنة المقرود في درب القراده
وان عســـرته منعســر لي لين تبــلاه البليه

الله الله

استلمي يافتنه

الحيــايــا سمّــــها تبلعه والسيف بغمـــاده

ــــــــــــــــــــــــــــــــــــ وابشـــري باللي يســـوق الداب لحيــــاض المنيّه


0000

ياحْضــريه .. كل زنـــد نقـــدحه يــورى زنــاده

ـــــــــــــــــــــــــــــــــــ مير وش حـــدّش على البدو وضعنـــهم .. ياحْضــريه

دخلت عرض أدري ..!1


ما للبدو عنّا غنات .. يالدحيمي وأنا أختك

مير هوّد شوي ،، واتوسط لك عند الجزيره ،،

وإلا ترى بتروح ملح .. قدّام فتنه ،،

ودي اقلدك لو تقنع من الحكمه قلاده
مير اظنـــك وارد للمــوت في حـــوض المنيــه

***

يمكن يموت الدحيمي ماتحقق له مراده
ماورى هــم القلوب الا عمــى العــين الشقيه

هلاااا وغلاااااا بام شهد

يعني خلاص اروح ابشر الربع في بيشه واقولهم يتولمون

للتغطيه

وبعدين وشلون اروح ملح الله يحييش بس

هذا وانتي تعرفين الدحيمي الله يسامحش

بس تبين الصدق فتنه تخوووف والظاهر اني بانحاش

.......

حوض المنيه سريتها قبلش يافتنه والساريه ساريه

استلمي يافتنه

المثايل راضــــعينٍ ديـــدها عـنـــد الولاده

ــــــــــــــــــــــــــــــــــــــ مير حبّـــش لا تنثـــــّره الريـــاح الموسمــــيه

0000

النـــعاج ليا خطـــــرها الذيــــب تزبن بالكتــاده

ـــــــــــــــــــــــــــــــــــــ كل شــــاه معلّقــــه بكراعــــها يالأجوديـــه

[تم تعديل الموضوع من قبل محمد الدحيمي بتاريخ 03-07-2001 الساعة 04:56 AM]

** بعد إذنك ( فتنه ) ،،

** اسمح لي بهذي بس ( الدحيمي )

من سقاك الديد قلّي قبل ما أتّوهك غاده
؛؛؛؛؛؛؛؛؛؛؛؛ ألف صلى الله على اللي حضرتك صرتا سميه

صرح بلقيس مُمـرد جيّتـك يمّـه نكـــاده
؛؛؛؛؛؛؛؛؛؛؛؛ شهــريـار إن مـّر يشكـي دثّـره مـن العقــربيـه

............ اسمحولي ............

يشره المقبل على المقفي ولايرخص جواده
يدري انه ماورى قوم الخلا غير السريه

***

انته تكحل عيونك من طرف شوك الكداده
مات قيس بن الملوح من غرام العامريه

السلام عليكم
ما قصرتوا والله يعطيكم العافيه



يالربع الدحيمي روح يوم ابطت ردودكم ويحسب انكم وقفتوا وانا باكلمه الحين يجي


[تم تعديل الموضوع من قبل البراق بتاريخ 03-08-2001 الساعة 06:34 AM]

مشكووووووور يابرقااا يالذيب

خلعت قلبي الله يهديك قلت النخل انحرق في بيشه

---------------

هلاااااا بسدير واهلها

افا عليش بس هذي وغيرها مسموحه فيها حنّا ندور عليش

درب من مبطي

تراي امزح

بعدين ياحبكن يابنات حواء لذلة شهريار مير مالله اراد

استلمي


ذاك ورث اجـــــدادي اللي تلحق الصبر الجــــــــــــلاده

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ الوفا والطيب وسلـــــــــــــــوم الخــــــــــوي مع خـــــــــــــــــــويه

###

شرهة ( الهــــــدهــد ) على ( ام الســــــاق بلقيــس ) بهــداده

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ ( وشـــــهرزاد ) من الظما تشـــــرب ســــــــــــــراب المــهمــــــــهيــــه






[تم تعديل الموضوع من قبل محمد الدحيمي بتاريخ 03-08-2001 الساعة 07:29 AM]