انتحي الليل وين العاشق المحروم

الاخ العاشق المحروم
اسمع
انتحي الليل وين العاشق المحروم ...غائب له ثلاث ايام ماشوفه
هات الاخبار بعد انك وصلت الروم ... قصتك ياوسيع العرف معروفه

وصلك العاشق المحروم يالشغموم
....................حاضر ولا زهمته حضّر سيوفه
ديرة الروم تمطر بين ليل ويوم
...................مير ياماقرب البصرة من الكوفه

كل عام واتته بخير ومن العايدين استلم يالعاشق المحروم
المعارك معارك ماش حب خشوم ... جاتك الخيل فالميدان مردوفه
بور سودان وش تفرق عن الخرطوم ...ميز الفرق والاخبار مكشوفه

[تم تعديل الموضوع من قبل الصارم بتاريخ 03-05-2001 الساعة 10:56 AM]

علينا وعليك يتبارك ........وعساك من عواده

المعارك غداها من قروم القوم
...................جتكم الخيل مردوفه ومعسوفه
تنقد الناس فالخرطوم مابه لوم
...................وبور سودان بالاحكام مكتوفه

استلم يالعاشق المحروم
المذاهب مذاهب والسلوم سلوم .........................راعي الطيب يجزونه بمعروفه
ديرة الروم فيها الغطرسه والزوم ......................ديرة من جميع الناس معيوفه

عارفين الحرار وعارفين البوم
..................وياعسى اتعابنا يـاهن مخلوفه
ديرة الروم دارٍ ماتضم رخــوم
..................وادري ان كبدكم للروم ملهوفه

استلم يالمحروم
ساري الليل لازل الهدف منجوم ........... مار انا بعذره لا بانت اظروفه
النداوي حشيم وموقعه محشوم ............ وباقي الناس بنطبه علي الطوفه

انت اظنك عيونك غارقه بالنوم
....................ويا عسى عينكم ماهيب مخطوفه
يوم جتنا الصبيه ما عليها هدوم
...................نترك البنت حيث البنت ملقوفه

استلم يالعاشق
اثر مقلع طميه من ورى ام الدوم ........ياعميلي ترى الاسرار ملفوفه
كل واحد مهوب من الخطا معصوم .......... سالفه من قديم العصر موصوفه

ويش جبتو جديد وش ورى ام رجوم
.....................حافظ السر لكن وش ورى سوفه
بيع يالصارم دلالك على اول سوم
.....................دامها ياولد بالرف مصفوفه

اسمع يالعاشق
لا تعشي ضيوفك زادك المسموم..... ماقشر اللي يدس السم للضيوفه
ماتباع الاصايل حط فالمعلوم ....بعض الافكار ملغيه وموقوفه

[تم تعديل الموضوع من قبل الصارم بتاريخ 03-06-2001 الساعة 03:56 PM]

اعرف الحر حرٍ يوم دار الحوم
.................دوك زعج الحمر من مضرب كفوفه
ليه فصلت ثوبٍ ماعليه كموم
.................ياعميلٍ يشيل السم في جوفه

[تم تعديل الموضوع من قبل العاشق المحروم بتاريخ 03-06-2001 الساعة 05:11 PM]

الاخ العاشق المحروم ناسف علي التاخير لظروف السفر
ادري ان الاسانس اعلي من الدبلوم.. كل مازاد هرجك زادت احروفه
يوم جاك الجواب ابختمنا مختوم ... كلمة الزور من معناه محذوفه

يالعاشق المحروم

وين الناس .. اشتقت لك يالعاشق المحروم

ارحب ثم ارحب ثم ارحب يالصارم

والله اني اسمعك وااوحيك يالصارم وعساك ماتفقد غالي يالطيب

وانا حاظر باللي تبي