عرض .... وطلب .... محاوره ......(هنوف الشعر)

[هـنوف الشعر]

السلام عليكم ومساء الخير للجميع .؟

عندى بدايه وللأسف مالقيت اللى يرد عليها وياليت أحصل عندكم ناس ترد على بيوتى .؟ وانا متأكده ان اكثر اللى هنا شعار والله يستر من ردكم ؟

بديــت أنا بالقاف في قافية ( أث )
........... وأن كنت يالشاعر تعرف ألاثاثي ؟
مانـيب ملعـونه ولا نـيب خبـاث ؟
........... لاكن ياستر الله من أهل الخباثي ؟


بأنتظار الرد .؟

( هنوف الشعر )

يامرحبا والعلم يحتاج محراث

.......... وش سالفتكم ياجميع الأناثي ( ؟ )

غزيتوا الساحة تقل حق ميراث

..........والقدر مايركب سوى بالثلاثي

هنوف الشعر .... هذا ردي المتواضع وتراني رافع اديني فووووق مستسلم الى بعد العيد انشاء الله .. إلا ان حصل لي فرصه رديت .

كل عام والجميع بخير

لعيناك .. أبشري

والله إن نكتسح المنتدى..

نحتاج أياديكن يا شاعرات.

الله الله يانجدية سدير ايدين مره وحده الله يهديك بس !!!

ترى هاه بنجيب لكم شعار القلطه اللي يدفنون المعنى انتبهو ياشاعرات

........ امزح يانجدية سدير

شدو حيلكم والميدان ياحميدان

ياهلا اختي ...هنوف الشعر..

لكن اسمحي لي على الملاحظه البسيطة؟؟؟
عندك الشطر الثاني من البيت الثاني يحتاج شوية تعديل في الوزن


وحياك الله بين اخوانك واخواتك
واهم شي سعة الصدر ....والى الامام

[هـنوف الشعر]

( هنوف الشعر )

صباح الخير .؟

اولا كل عام وانتو بخير .؟

سهم المنايا يعطيك العافيه على الرد وأسمحلى نوقف شوى .؟

نجدية سدير ( ماشفتي شي الخير قدام ) .؟ ويامرحبا بالغاليه .؟


العاشق المحروم .؟ اول شى شنو محروم منه .؟ لا اضحك عليك ؟)

اخوى اول ياهلا فيك وانا اذا بالساحه الشعريه يهمنى رايكم لانى

مبتدأه .؟ بس اخوى تسمحلى اقولك ان البيت سليم والله سليم .؟

( بديت انا بالقاف في قافية أث * وان كنت يالشاعر تعرف الاثاثى
( مانيب *****ه ولا نيب خباث * لا كن يستر + ياستر + الياء حاول تمدها .؟ وراح يبين اذا فيه غلط والا لا .؟

وماقصرت اخوى ومشكور على اهتمامك ولا كن تأكد والله العظيم بيوتى

مافيهم شي على قولتهم ( مافيهم ألا العافيه ) وصدقنى رايك والله احترمه وبالعكس والله اتمنى ان الشعار يتابعونى قصيدى ويعطونى أرائهم.؟

- سهم المنايا ممكن ننتظر شوى احترام للأخ العاشق المحروم .؟

2 - سهم المنايا ( ياويلك مني )

3 - أتمنى من خواتى الشاعرات الوقوف امامى ؟

4 - واتمنى من الشعار والشاعرات انهم يشوفون بيوتى ويعطونى رايهم هل فى الشطر الثانى من بيتى الثانى شى والا سليم .؟

5 - وسلامتكم .؟

أختكم الصغيره ( هنوف الشعر )

(( سهم المنايا ))

يا ليت تجيب شعار القلطه عشان نتعلم منهم

تراني أحب المجازفه .. لكن على أصول

وكل شاعر محاوره دخل المنتدى واطّلع على

تقديمي المتواضع ياليت يكون معي ..

لا تبخلوا علينا بالتوجيه .. على الإيميل

الخاص بي لو سمحتوا .. وبلاش فضايح ..

"" لكن أبظل أحاوركم مهما كان مستوى تقديمي.

وأكرر للشاعرات نحتاج أياديكم لأن الخير والبركه في الايادي يا ( سهم المنايا ) كفانا الله شر سهمك.

العاشق المحروم

الله يسعد ايامك وين الناس يابن الحلال لك فتره مابينت عسى ماشر على اية حال الله يحييك ولا تقاطع فينا ترى مانتحمل غيابك.
ياويلك من الهنوف عزالله بتولجك !!!!!!!!!!!!!!!!

هنوف الشاعر : الحمد لله انها جت منك مهيب مني والله احس اني تورطت على هالقاف !! تصدقين اني من البارح اتذكر ايث وآثي بس الحمد لله ان حنا بنوقف شوي !! على فكره العاشق المحروم داهيه في ذمتي داهية شعر اعرفه .

نجدية سدير

اشكرك اختي الله يرفع مقدارك وانتي تاخذين برأيي وتقولين جب الشعار انني استانست بلحيل !! بس المشكله انني لا اعتبر من الشعار حتى درجه عاشره انا وين وانتم وين ؟
بخصوص شعار القلطه حسب عرفي في الشعار ومايتببين لي ان يوجد مجموعة كبيره في النداوي وهم شعراء لهم اسم في القلطة ويمكنكم استنتاج ذلك اخاف اقول وانسى احد هام ثم إن اتورط ( هاثم ان )
اختي نجدية سدير اذا الله احيانا بعد العيد لازم العب معك قلطه وتكون اون لاين يعني نحدد وقت ونبدا فيه ونستمر ما نوقف ابد لين تشيب القوافي والا يستسلم سهم المنايا !

( الله يسامحك ياللي ورطتني بهذا الاسم ياليت يغيرونه الى سهم )

على فكره يانجدية سدير تراني سهم المنايا بس عز الله سهم تايواني .

سهم

[[ سهم المنايا ]]

إبشر بكل ما تبي ..

وبتلقاني بعد العيد إن شاء الله .. وكل عام وأنتَ بخير .

[هـنوف الشعر]

( هنوف الشعر )

اولا صباح الورد اخوى سهم المنايا .؟

وثانيا .؟ كلام اخوى الشاعر والله ماقلت فيه شي بس مجرد وجة نظر لانى انا متأكده ان اللى قلته مافيه غلط .؟

وبعدين مافيها شي اكون انا غلطانه بالعكس مافيه شاعر او شاعره ماتغلط كل انسان يغلط ( بس اللى يغلط ينبهونه عن الغلط واخوى العاشق صح انه قالى عن الغلط بس انا ماأشوف غلط ( لان راسي يابس صعبه اقتنع بسرعه ))

وانت كانك تدورها من الله فيه مثل يقول .؟

(ماألعن من المربوط والا المفتلت )

يعنى حتى انا ماودى اكمل على هالقاف لانها تبيى مشوار .؟

ولازلت ابحث عن الغلط ويييينه ؟))

وصدقنى يااخوى العاشق المحروم .؟ انك انت ماقريت البيت عدل واسمحلى على هالكلمه ارجوك حاول تقراه عدل والله العظيم ان البيت مافيه اى شى وصح بنسبة 100%100 .؟

ومع السلامه .؟

( هنوف الشعر )

[[ هنوف الشعر ]]

وش قولك فـ شاعر بسط له بكراث
؛؛؛؛؛؛؛؛؛؛؛؛؛ على إناثٍ يبغضون الغثاثي

أشوف امره نعرضه لاختنا ( دماث )
؛؛؛؛؛؛؛؛؛؛ ترديه حوضٍ يرتمي فيه جاثي



** ( دماث ) .. أعني بها الشاعرة المعروفة.


**ملاحظه **

بالنسبة للشطر الخاص بهنوف الشعر والذي أعترض على سلامته العاشق المحروم.. أقول للعاشق المحروم أقرأه هكذا وستجد انه سليم:

[ لَكني يا ستر الله من أهل الخباثي ]
بعدها قلّي وش لقيته..
najdeat sudair




[تم تعديل الموضوع من قبل نجدية سدير بتاريخ 03-02-2001 الساعة 10:54 AM]

[هـنوف الشعر]

(((( نجدية سدير ))))

السلام عليكم .؟

((( نجدية سدير )))




الله يجيـرج مـن عـبث كـل عبـاث .؟
......... لـج أربـعه والا انـا . لى ثـلاثـي.؟

خـذيتي مـن امس حلا كـل ميـراث .؟
......... أبـعـذرج مـادام طبـعـج وراثــي .؟




( هنوف الشعر )