بن شايق # الشلاحي

[ALIGN=CENTER]النداوية الكرام

السلام عليكم ورحمة الله وبركاته
حبيت أنقل لكم هذه المحاورة والتي جرت بين الشاعرين :
الشاعر / عبدالله بن شايق
والشاعر / ملفي الشلاحي
واتمنى ان تنال رضاكم واستحسانكم :[/ALIGN]

[poet font="Simplified Arabic,4,blue,bold,normal" bkcolor="white" bkimage="" border="double,4,blue" type=2 line=200% align=center use=ex length=0 char="" num="0,black" filter=""]
الشلاحي :
مرحبا حيا الله اللافين والفرحة كبيرة = عند ربعي والعلوم الغانمة بأول وتالي
ياجب الترحيب بضيوفٍ لفوا من كل ديرة = مثل ما قال الحكيم العام .. غالي عند غالي

بن شايق :
البقا ياللي ترحب حرف خير وحرف خيرة = عدما تسري نجوم الليل مع درب الهلالي
واجبك والله يعينك ماتبي غير الستيرة = وانت رجل وقمت بالواجب بعد جوك الرجالي

الشلاحي :
ابن شايق فالخريطة ماعرف شبه الجزيرة = ماعتقد يعلم بها لو يأخذ أيام وليالي
ياوسيع المعرفة ما للنظام الا مديره = وانت ضيف وحكمة اهل الدار ما عنها مجالي

بن شايق :
ابن شايق منت داري عن علومٍ في ضميره = وانت اعدك مثل اخوي ومثل الأصغر من عيالي
من تحيزم بالبلاجيك الطويلة والقصيرة = ما عليه من العلوم الثانية يابن الحلالي

الشلاحي :
لو يطول الوقت والله مانبيّح بالسريرة = وان حصل ما بيننا تمييز .. عمّك وانت خالي
احتزمتوا بالبنادق مير ما فيها ذخيرة = والدليل إنك مع الأقصى ويتعبك الموالي

بن شايق :
ياحليلك كلمتك هذي على مثلك كبيرة = منت عم اذياب بن غانم وابو زيد الهلالي
انت وش سويت علمني يابو رجلٍ كسيرة = جالسٍ فالبحر الاحمر يوم ساعات القتالي

الشلاحي :
العلوم الكايدة ماهي على مثلي عسيره = اشتري وابيع واعرف مكسبي من راس مالي
الأكيد من الحجاز اليا الكويت تشب نيره = وانت يالغالي عن المطران في سود الجبالي

بن شايق :
انت مستعجل وقدامك ملفاتٍ خطيره = تشتري وتبيع لا تجمع ريالك مع ريالي
انشد الشيبان عن ذاك الجبل يوم الحشيرة = انشد الشيبان لا تنشد وراعين التسالي

الشلاحي :
ما يحط الصقر وسط النار غير أعمى بصيره = المثل ساير ولن جبت الحطب ياهملالي
كان عندك علم واحد عندي اعلومٍ كثيره = اذكروا يوم الشعيب من الدمي الحمر سالي

بن شايق :
ابدويٍ في صحاري نجد ويدور بعيره = والحوار حوار والله ما يعوض فالجمالي


[/poet]

فيصل السهران






يعطيك الف عافية


على هالمحاورة الرائعه من شاعرين رائعين ومتمكنين







لك تحياتي

ياسلام

محاورة جميله

وملفي من النداويه الشباب اللي لهم مستقبل طيب


تحياتي

اخوي / فيصل

الله يعطيك العافية ويجمّل حالك

وأشكرك على كل ما تكتبه وتبذله من مجهود


والله يبقيك ذخراً لنا


تحياتي

اخي الشاعر / ابراهيم الشيخي

الله يسلمك

وانت دائماً سبّاق للعلوم الطيبة

تقبل تحياتي

الشاعر / عبدالله الشهراني
تسلم على مرورك العطر
وهذا من وفاءك طال عمرك

تحياتي