!!!!!!!!!!!!!!!!! بشوييييييييش .. علي .. بشويش ..!!!!!!!!!!!!!!!!!!!!!!!!!!!!!!!!!

**من دخل عرض!! **

كل ملقوفٍ يعوّد،قبل ما تحلّ العقوبه

""""""" منهو اللي قد سمح لك تدفر الباب الموارب


** الفارسه **

فزّعتس يا بنت والله ، مسكٍ وفاحت طيوبه

""""""" إستمري والفوارس صيتهم فـ العمق ضارب

[ ما راح أسامحك ..لازم نعدل ما تلخبط يالغالية .. ] OK

الفارسه....

كاس بعض الناس يغلي بس يا مسهل شروبه

=================== كل ثنتين بواحد حكم من رب المغارب


نجدية سدير......؟

القوامه تعرفين انك على الطوع مغصوبه

======================= سكري باب السكن واتركي سج المضارب


حكيييييييم حكيييييييم حكيييييييم حكيييييييم
الجاااامعه الجاااامعه الجاااامعه الجاااامعه

أسمعي يالفـــــــــار سه

بيني وبين الخصم فرق وسكة خصمي صعوبه
----------------------- يذوق الموت من كفّي ويبقى لي به مآرب

ومدامك فيك تالي روح النار النار مشبوبه
----------------------- ولا نعفي ولا نرحم ولا مخراج للهارب

** حكيم الجامعه **

القوامه لو تجي منك أحذّفها بطوبه
؛؛؛؛؛؛؛؛؛ والسدارى بابهم مفتوح لمحمد وزارب (1)

(1)زارب : من الأسماء التي يتسمون به أهل الجنوب
كناية عن أن أبوابنا مفتوحة للنجدي ومن عداه
عكس ما يقال عنّا.

[تم تعديل الموضوع من قبل نجدية سدير بتاريخ 02-26-2001 الساعة 07:17 PM]

صح لساااااانك يانجدية سدير..

لو على كيف العذارى الحكم ذا طلوحوبه..

======================= لو حكم بلقيس معهن كان شفت الوضع خارب


حكــــــ الجامعه ـــــــيم

الي ذكرو اسمي بارد عليهم

الخمعلي

خمعليٍ زاد خمعلته وجوه وخمعلوبه
,,,,, معطبٍ قافه ولكن البلا للقاف طارب


حكيم الجامعه

المصيبه من عطاه الله لكن ما دروبه
,,,,, ما يزيد الجنّه الا ذكر الاكعاب التوارب


نجدية سدير

كل كلمه في ذرا الميدان للناس محسوبه
,,,,, لايرش الخبل سطل الما على سلك الكهارب

وصح لسانكم جميعا


الفـــــارســــه

الاخت الشاعره الفارسه..

العجز في البيت الاول دروبه والعجز محسوبه كلها قد سرت ما يحق لك تقولينها هذا حسب قانون اللعبه ارجومراجعة حساباتك جيدا
ولكي مني كل الحب والتقدير..

دققي ماطا القدم وارفعي النظرات صوبه
=================== والعلم مرفوع يعرف للاجانب والاقارب

[تم تعديل الموضوع من قبل حكيم الجامعه بتاريخ 02-28-2001 الساعة 08:49 PM]

والله ياحكيم الجامعه ماقدرت احصر الي سرا
وان جيت اكتب ماتطلع عندي الابيات
وتراني ركزت على قافية ارب وسجيت عنها
على العموم انا والله مريضه شوي ولا استطيع المواصله

همسه :
القافيه ان سرت دليل ضعف ذاكرة الشاعره
لكن ان كان في البيت شبه كسر فعلى ماذا يدل؟

((دقيقي ماطا القدم وارفعي النظرات صوبه))




الفـــارســــه

** الفــــــارســـــه **

** والله فارسه .. وتجيبينهم كتف يالنشميه
المحاوره كذا أشتدّت ..

لي رجعه إن شاء الله ،،

اختي العزيزه الشاعره الفارسه..

اشكرك جدا على هذه المحاوره الشيقه وانا ما زلت اتعلم منك ومن غيرك ممن سبقونا في المحاوره اما ملاحظتك ان البيت مكسور.
فاسمحيلي ان اقول لك ان الالقاء ليس كالقراءه اطلاقا ومخارج الحروف من لسان الشاعر تختلف تماما عن الكتابه لان الكتابه هنا تحتاج الى تشكيل وضبط ولا يوجد هنا تشكيل حروف اما البيت فهو ليس مكسور فقد قراءته مرات كثيره جدا فهناك دمج بين كلمة ارفعي وكلمة النظرات بنفس واحد والغاء جميع الهمزات .
وطهور لكي انشاء الله واتمنى مواصلة المشوار للفائده.

نجدية سدير هلا بك وغلا وانتي مطلوبه معنا انتي الخير والبركه.
وتراني قدها وانا اخوك...

اسمعوا الله يحفظكم......

طال عمره واكتساه الشيب زود في وقاره..
======================= وسعي ميدانها يابنت والدعوى سهاله

فارسه في الملعبه لا بدت كنها شراره...
======================= والسديريه تراها من مواريث الشكاله

حكيييييم الجااااامعه

[تم تعديل الموضوع من قبل حكيم الجامعه بتاريخ 03-01-2001 الساعة 12:12 AM]

** حكيم الجامعه ** الفارسه **

حكيم الجامعه:

وأنت تردد كلمة ( لو ) أكثر من مره:-

( لو ) للشيطان تفتح ألف بابٍ وأبشروبه
؛؛؛؛؛؛؛؛؛؛؛ يصبح الحكم بيديّه إدع لي أو قول يارب



الفارسه :

كهربه عطبان يطفي صابته فـ القلب نوبه
؛؛؛؛؛؛؛؛؛ امنحيه الفرصه يلقى كلمه مختومه بـ( ارب )

صح لسان الاخوان.. الله لا يهينكم..


نجديه سدير .. قلبي..

الفارسه.. يا عيون ميثاق..

ودي ألولش...بس ما هي موجوده الخدمه في النت..

والله يا بنات اني حذفت قناعي.. من الفخر.. هان الردي وانا اختكم..

صح لسانكن.. و يا بختي بكم.. كفـــــــــــــــووووو...

استمرن...

ميثاق الود

اختي نجديه سدير وينك صح النوم انا غيرت الطاروق ابدعي على القافيه الجديده وانا اخوك.....

ميثاق الود هلا بك اذا تقدري تدخلي معانا الله يحيكي 3ْْ في 1
ما عندي مانع نتشرف

اخوكم / حكيم الجامعه

حكييييييييم الجامعه

صح النوم لك ..

إطّلع على بيتي للفارسه /

امنحيه الفرصه يلقى كلمه مختومه بـ( ارب )

وبعدين اللي بدا من حقه يغير الطاروق

وأنا اللي أغير الطاروق والقاف وأبدع

تدري أترك الأمر لروحي ميثاق الود إذا بتنظم لنا

وترغب في تغيير الطاروق..

أو اعتبر فعلك هروب .. وأنا مستمره على طاروقي

ويدي بيد الفارسه وميثاق

وأنا قد القافيه الجديده وقدود يالأكاديمي

حكيم الجامعه

راجع عجز البيت الأول لطاروقك الجديد
تريّث يا خوي