سلام ياهل النداوي .... بادعين الطروق ........ عضو جديد

سلام ياهل النداوي بادعين الطروق ..... يامتعبين القوافي .. صح ماهو خطا


يقوله المبدع اللي ساق الابيات سوق ..... سلام تسليم واافي .. صح ماهو خطا

يامرحبا بك عدد مالاح نوض البروق....واعداد رمل السوافي.. صح ماهو خطا
حييت ياصاحب دايم وهو فوق فوق.....مبدع وقرم وسنافي ..صح ماهو خطا


[تم تعديل الموضوع من قبل وحيد بتاريخ 02-23-2001 الساعة 11:22 AM]

دام البقى والكلام الزين داايم يشوق .... والليله الجو صافي .. صح ماهو خطا

جتنا علومك يابرقن في صدوق الحقوق .... جينا نعس الفيافي .. صح ماهو خطا

انا ادري انك على المرباع دايم شفوق...والخير ابشرك ضافي.. صح ماهو خطا
البرق يبرق ووبله يوم يمطر دفوق...والله علم بالخوافي...صح والا خطا

انا اشهد ان المراجل كسبها مايعوق .... اهل العقول النظافي .. صح ماهو خطا


من جاب له علم يبشر عندنا بالغبوق .... بشر حمر والعيافي .. صح ماهو خطا

اصبر علينا الينن الخواطر تروق...وتبين كل المرافي ..صح والا خطا
اثرك معك سيف ياراعي الحصان السبوق...غيره سيوف رهافي ..صح ماهو خطا

[تم تعديل الموضوع من قبل وحيد بتاريخ 02-24-2001 الساعة 02:57 PM]

انا اشهد انك تجيب العلم وانك صدوق .... والعلم بكره يشافي .. صح ماهو خطا

اللي يحوف العرب في الليل سمه سروق .... واهل الشرف ماتحافي .. صح ماهو خطا

ما اضنها فالرخا تاصل لمسك الحلوق...كل الدعاوي خفافي ..صح ماهو خطا
والحر لامن عطا وعد الشرف مايبوق,,,,لو كان عريان حافي ..صح ماهو خطا

احدن نقز في البحر واحدن تنصى العروق .... كل الدعاوي عوافي .. صح ماهو خطا

والحر لافكه الصقار واطلق سبوق .... ماجاء علاه اختلافي .. صح ماهو خطا

قبل امس يوم النخل عيا يطلع عذوق..جا للقلوب ارتجافي ..صح والا خطا
يوم ان بعض العرب يحرم عليه المذوق...يوم الركايب مقافي..صح والا خطا

الله يبقيك ياوحيد ويسلمك .. وصح لساانك ..

المعذره صار لي ظروف انقطعت الفتره اللي راحت .. لكن الجايات اكثر .. جعلك والله تسلم

اولا الحمد لله على السلامة ومن طول الغيبات جاب الغنايم وثانيا انت طال عمرك ما فيك شك ... والظروف اللي جتك عساها سارة وان ما خاب ظني فانت كنت في البر عسى الربيع زين والفقع واجد