رديه وموال .................؟؟؟؟

هذي رديه وموال لسعة الصدر ونجرب قدراتنا على شعر المحاوره.

سلام من شاعر غشيم يتعلم....واللي يبي يلعب معاه يتولم...
هو ذا صحيح العلم والا اتحلم....واقول من لا يعرف الصقر يشويه.

سلام الله سلام للنشاما فيه نقص وزود
.....................على اهل الساحه اللي ماروينامن مشاربها

تراني حاكم الميدان حطيت لحدودي حدود
....................زمن غدار ساعات الزمن تجري عقاربها.

المجال مفتوح لمشاركة الجميع شعار وشاعرات الله يقويكم.


اخوكم / حكيم الجامعه

مرحبتين والله ياحكيم
بس عندك مشكله بسييييييييطه .. الشطرالاول من البيت الثاني
يبيله سمكره شوي ... وتقبل فائق تحياتي ايها الجامعي الحكيم

بحـــــر

لا عاش راس يرد المطاليق
كلام بحر صحيح ياحكيم

مع اللعب يتعدل كل شي ماجينا الا نتعلم

يامرحبا ترحيب غالي بغالي .... حياك واقلط عند صفر الدلالي
والله لو تدري بعلمٍ طرالي .... واقول من لا يعرف الصقر يشويه

الا يا مرحبا بك والسوالف كنها البارود * ليا ثارت عيال البدو تقفي من مضاربها

تقول انك غشيم وحاكم الميدان كيف الفود * نعلمها الدروب الطيّبه والا نحاربها



خوي المطاليق

اخوي بحر الله لا يهينك على الملاحظه الجيده واشكرك جزيل الشكر على تواضعك انا اشتري ملاحظات اللحوات الغانمه بفلوس وحبة خشم

هلا وغلا بخوي المطاليق تراني جاي اتعلم منك ومن غيرك انا غشيم في الرديه ولي الشرف طال عمرك. وانا اقول الرجال اللي مايستفيد من علوم الرجاجيل ومجالسهم وعلومهم الغانمه هذا مافيه خير.

اسمع يا خوي المطاليق..؟؟؟

يامرحبا بك ياخوي المطاليق...
ترحيبة تصدر من اقصى المعاليق..
ابغى معاك افتح ملف وتحاقيق..
............واقول من لا يعرف الصقر يشويه................

الا يامرحبابك يا خوي يطمر المنقود
....................مهاراتي معك ياراعي العليا بجربها

انابغىاكشف عن الصندوق ابوعنبرودهن العود
.................اناالكسبان الامن جيت ابكشف عن مكاسبها


اخوك الصغير / حكيم الجامعه

حكيم الجامعه عندي ضروف تمنعني من المولصله راجع ايميلك للضروره شرحتها لك
اوعدك بالعوض اذا الله اراد
واللعب معك شرف منعني منه ضرف طاري


خوي المطاليق

اخوي خوي المطاليق
لم يصلني على بريدي اي رساله منك لا ولا يهمك اخوي خيرها بغيرها

وتقبل تحيات اخوك/ حكيم الجامعه