انا لي ثلاث ايام يالعاشق المحروم

انا لي ثلاث ايام يالعاشق المحروم..ادور رفيق كل الاخبار يفهما
تقدم وبين ميسمك في جنوب الكوم....تحيزم ترى القعدان ملزوم
ناسمها

وصلتو يابو زيد الهلالي وغلي السوم
..........................وجزل المعاني ياابيض الوجه قدمها
توكل على الله واعقل الشارد المهيوم
..........................وانا ميسمي حامي وشلفاك ولمها

نويناالركايب بالحمل وامرها محسوم...عسى حملها تقدر تشيله قوايمها
توكل على الله واعزل البكرتين التوم..وباقي جمال عقيل لياك ترحمها

انا قبلكم ناوي ,وعلمك ترى محكوم
.........................وخلك جري لين الجنايز نكومها
عزلنا بكار القوم عطنا بعير القوم
.........................نبي ننحره قدم الحشو ثم نغنمها

الى مات هرش القوم ما قلت يامرحوم...ابا ارمي عضامه للضواري ترمرمها
ترى من نوى حجة بعمرة فهوملزوم...يسوق الفدايا والشياطين يرجمها

ترى الهرش يرغي مير موته ترى محتوم
........................على كف شغمومٍ عساناما نعدمها
ومكة دخلها صاحي الفكر والمنجوم
........................ويضحك على شيطانها اليوم مسلمها

اشوف البلد من بعد ماصار ورده ثوم...ويبست غصون الورد والثوم سممها
ولا عاد فيها لاتفاهم ولاش سلوم....طفت نارها والنفخ ماطاقه اشرمها

ترى اهل البلد غرقانةٍٍٍ في لذيذ النوم
........................تحلّم وغرتها حلومٍ تحّلمها
شرحنا الدروس ولا نفع في البليد علوم
.......................تعبنا وحنا في المدارس نعلّمها

الا ياشقر الجنحان ياللي تدير الحوم...غلى الصيدة اللي ما تنومس معالمها

ترى الحر الاشقر ما يوقع بوكر البوم....عن البوم لو يجوع نفسه مكرمها

ترى الحر جازع من طيورٍ تشيل الزوم
.........................ولا فيهم الا البوم وغراب حاكمها
نوى يكفخ ويرحل لدارٍ تضم قروم
.........................ونفسه من ديار الخواطيف حرّمها

سواتك تهومة للمكارم هجوسه هوم...والى هامتك نفسك عن اهل الردى همها
ترى الحر مايصبر بدار وهو مهضوم..يحافظ على العليا ويثبت بمقدمها