محاولة شقر رقم 2..

العزيز مشهور الخيال..
الاولة بشرنى عساك بخير انشاء اللة
والثانية انت خابر محاولة الشقر رقم 1 وعز اللة انك افحمتنى كثير فيها والان جاء دورى عسانى على الاقل اجاريك وسوالف معك تراها واللة تنشرى وهذا هو الهدف كلة.
وترى من حب يشارك مرحبا ومسهلا.

ياسلام اللة على مشهور ياعلة يجيبى
عد مالاحت بروق الصيف من شرق وقبلة

ويش رايك فى غلام يودى العلم ويجيبى
يحرسونة شلة الجهال من بعدة وقبلة

القرناس

ابشرك بخير ولا ينقصني الا التواصل من خلال شاشة النداوي, وهي الرابط المؤقت بيني وبين الطيبين امثالك


مرحبا من نضح قلبي للبعيد وللقريبي
؛؛؛؛؛عد ماهلت مزون الوادي اللي فاض حثله

الغلام اللي تقوله لاتحسب انه قريبي
؛؛؛؛؛من حثالات البشر والقوم حثله وابن حثله

مشهور

[تم تعديل الموضوع من قبل مشهور الخيّال بتاريخ 02-17-2001 الساعة 01:37 AM]

اللة اللة

اسمع

ادرى انك ياوسيع المعرفة راسن صليبى
ماتجيب الا علوم طيبة حية وجزلة

لانصحتة عن سلوم اللى على صدرة صليبى
مايطيع الشور ويروح المكاتب ويحجزلة " الكلمة ممدودة"

لج صوت الذيب لين انه توحى صوت ذيبي ... والسوالف تتبع القرناس جمله بعد جمله

ارعدت ثم ابرقت والسيل فالوادي جذيـبي ...مير انا تاجر مفرّد ما اعترض تجار جمله

مشهور

استلم

مرحبا واهلين يامشهور من بعد المغيبى
احسب انك رحت يامشهور واثرك فيك صملة

ارعدت ثم ابرقت والشمس عيت لاتغيبى
وانت تاجر ماعليك خلاف كل قد بصملة

اسمحوا لي يالربع اشارك معكم 000000

انا يا قرناس ادور للصحابه من 00 صحيبي ؟
============================== صاحبي مايمكن ارضى بالخطية والنشب له
--
من يرى المشعاب عندي ؟ من صحابه؟ من صحيبي ؟
============================== والمثل قد قال لا ون الهزبر يون شبله
-
-
اخوكم أبو مشعاب

العزيز ابو مشعاب

مرحبا بك عد ما خط بالقلم بالنيابة عنى وعن مشهور الخيال واللة يحيك ياخوى فى اى وقت..

مرحبا فى مرحبا والظن جعلة مايخيبى
وانت رجال نعزك والردى ياهون قتلة

واللة انى مانسيت اللى ينادى ينتخيبى
وانت ابو مشعاب شاعر والعرب قد صفقتلة

البقى بك وتسلم 00 ويسلم مشهور ولا هنتوا

البقى بك يالمرحب والبحر والشِـيب شِـيبي
============================== كل خيالن وفارس نعسف اللي ما انعسف له
ما يخيب الظن فينا 00 لا وهو ذالشيب شيبي
============================== ننتصب للمنع دونك ما وقف للمنع سفله

اسمع

عين ابو مشعاب فالوادى وعينن فالجليبى
ابدوين لابغيتة بين ضانة بين زملة

تونسى والامن المغرب ونهجة نهج ليبى
يطرح الصيدة وعود للمريكى واحتزملة

اسمع انت : ههههههههه

انا من عصبة هل الناموس والموقف عصيبي
========================= ظيفنا ما ينثني جيعان دام البيت قبله
وبيت شعري ما خذلني والا في الموقف عصي بي
========================= للمعرب والمريكي دوم دام البيت قبله

خلوها خلوها

والنعم فالعصبة اللى مايهابون الحريبى
والكريم يحبة اللة والبخيل يعود لاصلة

انت ابو مشعاب شاعر مابها شك وريبى
والشويعر لو حضر فالمعلبة قررت فصلة

اخي قرناس :

ما عليييييييك زوووووووووود يالنشمي
-
-
والله يرفع مقامك
-
-
والفرصه الطيبه اللي مكنتني العب مع شاعر قوي وفطين مثلك .
-
-
وانشاء الله يسر لنا فرصه بعد الحج .
-
-
اخووووووووووك ابو مشعاب

العزيز ابو مشعاب

كثر اللة خيرك وجمل اللة حاللك وعز اللة انك افحمتنى يا بو مشعاب.. المرة الثانية نبيها من عندك البداية وترانى ممن يعشقون الشقر وكل عام وانت بخير

اخوك القرناس