ابن شايق // والسناني

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
ابن شايق:

عزالله ان السناني طبق السنه
عسى سمي النبي لا مات فالجنه
وسهيل لا مربعانيه ولا كنه
يالحا يوما حي يملا حي ياليحاني

السناني كلما هب الهوى قام وتوزا= وان وقف فوق الجبل لف الهوى ثوبه ودزه

فيه موالٍ صريح وفيه موال يتهزا=الصريح انقدمه واخوه له ساعه وحزه


السناني:

انا اشهد اني لقيت الشيخ عبد الله
بصدور قحطان بسم الله ما شاالله
حجو عنه عام واحد في سبيل الله
يالحا يوما حي يملا حي ياليحاني

السناني ضلع راسي مايميل ولا يهزا=ماشي الدرب العزيز وماشي درب المعزه

كل قلب اليا سمع موالك المذكور فزا= انتبه لقلوبهم لا تفز وترّوح لغزه

ابن شايق:

اعلومك مصلحه يا شاعر جهينه
ماتدري ابن شايق حد سكينه
واللي ضربنا على خشمه بكت عينه
يالحا يوما حي يملا حي ياليحاني

لا تضيعها تضيع ولا تجزيها تجزا=وابن شايق لو تولع جمرتك ما احرقت رزه

الشعر ذا الوقت يامحمد بذا المنظر يعزا= روح للي معك قبل البارحه قله وعزه

السناني:

اعلومنا طيبه وانته تراك اطيب
حديت سكين وانا سيفي مذهب
والسيف للروس والسكين للحبحب
يالحا يوما حي يملا حي ياليحاني

انته الليله يابن شايق تقز الارض قزا=والنفوس الطيبه ماهي سواة المشمئزه

لا علم يمكن يطيح ولا علم يمكن يرزا= لا قلا قنعت انس القصيد وحط لك دله وجزه

ابن شايق:

والله ما نبغى على الشوكه نسحبكم
لا شك هاذي يابو تركي سبايبكم
سيفك لراسي وسكيني لحبحبكم
يالحا يوما حي يملا حي ياليحاني

والله انها مشكله ياميم عقب القاف والزا= ابن شايق يستفزك وانت تبغى تستفزه




[/poet]

لاهنت والله

وصدق بن شايق

الشعر ذا الوقت يامحمد بذا المنظـر يعـزا

الشعر ذا الوقت يامحمد بذا المنظـر يعـزا