الفارسه هل تحاورينني؟

ترددت كثير قبل لا اشرع بالموضوع هذا لاكن :

لك حريه الاختيار اذا بغيتي تلاعبيني والا براحتك والموضوع عادي جدا

انا ترددت لانك كفو وصعب على واحد مبتدء مثلي يلعب مع شاااااااااعر كبيير زيك

على ايه حال نبدا .

.......................... (صفوف يا عيال)

سلام يا بنت النشاما من قريب ومن بعيد
........................واللي معك في جعبتك هالحين لازم تظهريه

يالفارسه زان الطرب للي يغالون النشيد
................وان كان انا ما اصخيه فانتي حاذري لا تبخسيه

الشاعر امرىء القيس
انت الافضل
ورغم انتقاد بعض الشاعرات لي لدخولي مجال المحاوره وعتبهن علي
الا اني اندفعت في هذا المجال كثيرا
وقد كنت اشارك باسماء اخرى في مواقع اخرى مما جعلني بموقف انتقاد من قبل زميلاتي من الشاعرات
واردت ان اترك هذا المجال
ولكن مثلك لانرا بد من تلبية طلبه ويشرفني ذلك

يا مرحبابك لايهاب السيف من ضرب الجريد
,,,,,,,,,, ماكل غالي لو نزلت السوق تقوا تشتريه

عرّج على اسياد القصايد يالمصوّت والعبيد
,,,,,,,,,, وناظر خصيمك قبل لاتبدا بعلمٍ تحتسيه

الفارسه ند لا يستهان به





والنعم يا قلب فرق بالعرف والراي السديد
.....................يا قلب شغموم دفع فوق النضا جمعه يديه

بعض الجريد بحكمه العاقل يجي مثل الحديد
................... وانا نزلت السوق لاكن ما لقيت اللي ابيه

..........................................................

امرىء القيس

خوله لها فعلٍ شهد له في الحروب ابن الوليد
,,,,,,,,,, قالت ختمت وقلت ياخوله بديت وجدديه

هات المواري لين تفرق في البعيد وفي القريب
,,,,,,,,,, واللي مشا في طرقته يمشي ورا جده وابيه

السلام عليكم

اخي امريء القيس صح لسانك مبدع يالغالي

الأخت الفارسة : هنيئا لك بهذا التميز رائعة رائعة.


النداوي

هلا والله بالنداوي

يا مرحبا بك يا بو ثامر

اطلالتك تشجعنا على الابداع يا مبدع

الف شكر لك

اخوك:
امرىء القيس

الفارسه انتبهي للقاف

ياصاحبي لاترتبش ثم يفلت زمام القصيد
.......................هدّي ترا يمناي ما يلطم بها كود السفيه

راعي الحرار يحبها لوهي بعضها ما يصيد
.................... دامه يشوف الفخر في نقل الجرودي ماعليه

امرىء القيس
البيت مقلوب
في القريب وفي البعيد
ورغم ذلك قالكلمه مستهلكه(سرت)
ذا دليل فشلي ودليل قوتك
تعديل البيت
هات المواري لين تفرق في القديم وفي الجديد
,,,,,,,,,, واللي مشا في طرقته يمشي ورا جده وابيه

وهاك الرد
زل الخطا والناس دايم من خطاها تستفيد
,,,,,,,,,, والنفس تخطي لو تجي في درب ماهي تشتهيه
من ناظر بعين الخطايا لا يقول ولا يزيد
,,,,,,,,,, ارفع مداها كانك ان ضوّحت لك فيها نبيه

الـــفـــارســـه

اهنيك على سعه صدرك



لاما فشلت ومنزلك تبنيه بيدك حيد حيد
...................... وصبرك وعزمك قدمك عن جمع غطاي الوجيه

ومن ناظر بعين الخطايا صوب عدل ما يحيد
......................ذي لحيتي لو ما حسبها قبل تزلق خطوتيه

الدرب في راي القدا والدم في عرق الوريد
,,,,,,,,,, ومن ضاع رايه ضاع دمّه والبلاوي تقتفيه

ماهي سوالف راشد الماجد ولا عبد المجيد
,,,,,,,,,, ذا علم كايد لو تبي درب السلامه لاتجيه

صح لسانك امرىء القيس
والله لايهينك

تو مازان اللعب


يا بنت ندك لو يحن الشوف من شي زهيد
....................ماحن نفســـه لين يرقى للثمين ويعتليه

واذا الشعر بحر غرق به كل همام شديد
.................... فانا شربته قبل لا جل المعاني ترتويه

يا عايض ان طعت اعتبر في حكم هارون الرشيد
,,,,,,,,,, لفا خويّك بالحرايق فوق راسه تشتويه

النار تاكل من تكبّر قايله هل من مزيد
,,,,,,,,,, خوفي شهاب الدين ياعايض يعوّد مثل اخيه

وصح لسانك للمره الثانيه
وتشرفت باللعب معاك

الفـــــــــارســــه

[كحيلان]

اخوي الشاعر امرىء القيس
اختي الشاعره الفارسه

بيض الله وجيهكم
والله استمتعت بهاالمحاوره الجميله
فديتكم تراي متابعكم

اخوكم
كحيلان