للعاشق المحروم ....

الي الاخ العاشق المحروم من ايام دخلت ضيف في المنتدا الشيق والرائع وكان اول من صادفته ورحبي الاخ شقران ثم انت يالطيب
وبدعت وسيمه وجاني الاخ شقران ولا قصر اعطا اللي عنده
واسمع ياخوي العاشق المحروم
سلام الله عليكم والمعاني بابها مفتوح ... يدله من يميز فالعلوم ومن يثمنها
ولا العاشق المحروم الك يومين وين اتروح ...نبي شرح الدعاوي بالرموز ولا تبينها

الا يامرحباباللي يسلم من صميم الروح
............................تهرج واعرف ان الميته نقدر نكفنها
الا يالصارم الدنياتزيد العاشقين جروح
............................تجنني واجننها لكن ازريت اجننها

اسلم والله يالعاشق
يدوم الك البقا العاشق المحروم والطحطوح ...يعيش اللي يحكم السالفه واللي يبرهنها
تري الدنيا غرابيل وشقا فيها العذر مسموح ...انا من قبلك الدنيا تقردني وقردنها

ترى السفينه كنها ياصاحبي بنتٍ طموح
..........................وترى بعض الدعاوي طيبه لا طاب معدنها
والا يازين ريح العود الازرق لين قام يفوح
..........................من قصور النشاما اللي وسيعاتٍ بطاينها

اسمع العاشق المحروم
تفقد فالسفينه زين طايح من طرفها لوح ...اعد نظره علي ذيك السفينه ثم زينها
ولا يالشاعر الرايق ولا يالخاطر المشروح ...لقينا الذاهبه معاد ننشد من يعينها

تبّصر ياوسيع العرف وارتح في ظلال الدوح
............................سفينتنا ليا رست ترانا ما نشينها
عسى دنياك يالصارم وناسات ومرح وفروح
............................وعسى الله يسقي ديارٍ رفيق الجنب ساكنها

اسمع يالعاشق المحروم
سفينتكم وشلي تفرقه عنها سفينة نوح ... توكد من تقاريرك ليا وقعت ركنها
تصبرنا تصبرنا ولن قام الحمام ينوح ... يذكرنا القلوب اللي تقاست وش يلينها

سفينتنا ترى مايوم تلقى شراعها مطروح
..............................تهادر لا صفقها الموج يالصارم مكاينها
والا وش عاد لامن طال صبرك او بنيت صروح
..............................تهددنا وحنا ماعلينا لو تطينها

اسمع يالعاشق المحرووووووووم
سفينتكم علي جنح الظلام وزندها مقدوح ...والاشرع كلها متشققه وانته تخبنها
تري الرجال لا منه تقدم بالوفا ممدوح ... ندور للعلوم الطيبه ونجيك بحسنها

تبيها بالوفى وافي تبيها مزح جتك مزوح
.............................تبيها بالقشر حاظرنثنيهانمكنها
تراه يردني عن بعض قذف المحصنه ساموح
.............................وادور للمعادن كلها واجيك باثمنها

[تم تعديل الموضوع من قبل العاشق المحروم بتاريخ 02-13-2001 الساعة 06:14 PM]

اسمع العاشق المحروم ( عدل نثنيها )

ضعون البدو صلت لللاغاثه والبروق تلوح ...تخير فالدروب الطيبه وختاروا ايمنها
لاكان يردكم ساموح انا مالي معه مصلوح ... اقول انته مصحصح زين ولا نته مطنطنها

العتب على ( ؟؟؟؟ ) اسمع يالصارم

ديار البدو جاها السيل ولا احدٍ خاطره مجروح
...............................وبن ضعونها من عشبها ملاء معاطنها
والا يراعي البكره ترى سرك غدا مفضوح
...............................مصحصح صاحيٍ صمصوم والدعوى نزينها

اسمع الله يسلمك
وراك اتصيح يالعاشق وتومي بالعصا وتموح ...تري بعض العلوم اكبار لاجينا نقارنها
ليا صاحبت صاحبلك صخي لاتصحب المشفوح ... تري المشفوح دايم يجمع الدنيا ويخزنها




الصــــــــــــــارم

[تم تعديل الموضوع من قبل الصارم بتاريخ 02-14-2001 الساعة 03:07 PM]

ماقصرت اخوي الصارم
يعطيك العافيه وبيض الله وجهك
ولنل لقا انشاء الله

تسلم والله ياخوي العاشق المحروم وبيض الله وجهك بياض الشاش
وشكرا من الاعماق




الصــــــــــــــــارم